སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
   མདུན་ཤོག    འཕྲིན་གསར།    གསུང་རབ།     བོད་སྐད་ཡིག      རྩོམ་རིག      སློབ་གསོ།    ཆོས་ལུགས།    གསོ་རིག    ལོ་རྒྱུས།     སྒྱུ་རྩལ།     དམངས་སྲོལ།    སྐར་རྩིས།    མཚན་ཉིད་རིག་པ།     དཔལ་འབྱོར།
   སྲིད་ཁྲིམས།     ས་རྒྱུས།     སྐྱེ་ཁམས།     ཞིང་ཕྱུགས།     ཕྱི་སྐད་སློབ་དེབ།    དཔྱད་རྩོམ།     ཚིག་མཛོད།     དུས་དེབ་དང་ཚགས་པར།     རྩོམ་པ་པོ།    དཔེ་མཛོད་ཁང་།     པར་སྐྲུན་ཁང་།     གཞན་དག
 
ང་དང་བྱམས་པའི་ལས་དབང་།
སྤེལ་དུས། 2009-09-16   ཡོང་ཁུངས།    རྩོམ་པ་པོ།  ཀ་རིང་རིན་ཆེན།
        ཁོ་བོའི་སེམས་ན་དྲོལ་ཁོལ་མེ་ཏོག་ཅིག།

ཁྱེད་ཀྱི་ཁ་རུ་སྦྲང་རྩི་མངར་མོ་ཞིག།

འུ་གཉིས་སེམས་ན་བརྩེ་དུང་ལྷད་མེད་ཅིག།

ལོ་ཟླའི་འགྲོས་དང་བསྟུན་ན་སྤྲོ་སྣང་རེ།།

མཛེས་པའི་སློབ་གླིང་ཁྲོད་དུ་སྐྱིད་སྣང་ཞིག།

འཚོ་བའི་བགྲོད་ལམ་ཁྲོད་ན་ཟུར་མིག་རེ།།

ཁྱོད་དང་ང་ཡི་དུངས་སེམས་ཟུར་མིག་དེ།།

སྙིང་ལ་ཉར་བའི་ལྷག་བསམ་དཀར་བོ་ཞིག།

 

ཁྱེད་ཀྱི་སེམས་ན་རྫོགས་མེད་ཐེ་ཚོམ་ཞིག།

ང་ཡི་སྙིང་ན་མེ་ཏོག་རྐང་ཕྲན་གཅིག།

སྐྱོ་གཞས་དབྱངས་ལ་གྱེར་བའི་སྙིང་གཏམ་འདི།།

བཅོ་ལྔའི་ཟླ་བ་ལྷ་མོའི་སྙན་ལ་སྒྲོན།།

 

ང་ལ་ཁྱེད་ཀྱི་ཡིད་འོང་ལང་ཚོ་མེད།།

ཁྱེད་ལ་ང་ཡི་ལམ་གི་རང་དབང་མེད།

ཁྱེད་དང་འུ་གཉིས་འགལ་བའི་སྤོབས་པ་མེད།།

མེད་པ་གསུམ་གྱི་མྱ་ངན་ཐང་ན་འཁྱམས།།

 

ཁྱེད་ཀྱི་ལང་ཚོ་བིས་མདོ་གཞུང་ནས་གྲོལ།།

འཁྱམས་པོ་བདག་གིས་སྐྱེས་ཡུལ་ཀ་རིང་ཞིང་།།

སློབ་གླིང་གཅིག་ལ་འཛོམས་པའི་དུས་དེ་ནས།།

ཁྱེད་ནི་བདག་ཡིད་འཕྲོག་པའི་སྙིང་སྡུག་མ།།

 

ཁྱེད་ཀྱི་མིང་ལ་འབྲུག་མོ་སྐྱིད་དུ་འབོད།།

བདག་གི་མིང་ལ་ཅང་མེད་བུ་ལོ་ཟེར།།

མ་འོངས་མདུན་ལམ་སྙེག་པའི་བློ་སྤོབས་བོར།།

ང་ཡི་ཡོད་ཚད་ཁྱེད་ཀྱི་བརྩེ་དུང་དངོས།།

 

ཁྱེད་ཀྱི་ཆེད་དུ་བདག་གིས་ཅི་ཡང་ཕོད།།

ང་ལ་དུངས་པ་ཁྱོད་སེམས་གཅོད་ནད་ཉིད།།

ཝ་སྐྱེས་རྒྱལ་བོར་བཀུར་བའི་སྐྱོ་གར་འདི།།

འུ་གཉིས་མདུན་ལམ་ཁྲོད་ན་འཁྲབ་ཀྱིན་གདའ།།

 

ཁྱོད་ཀྱི་སྦྱིན་པའི་ཚོར་སྣང་ཟབ་མོ་འདི།།

བདག་གིས་གང་ཡང་ཕོད་པའི་ཆོ་ག་ཉིད།།

སིཏཱ་ནགས་སུ་ཁྲིད་པའི་གཏམ་སྦྱོར་འདི།།

དང་དུ་ལེན་པར་ཁོ་བོ་སོམ་ཉི་བྲལ།།

 

གོམ་གང་མདུན་དུ་སྤོས་པའི་བསམ་བློ་རུ།།

ཁྱེད་དང་ཚེ་གཅིག་མི་འབྲལ་དམ་བཅའ་རེ།།

ཁྱེད་དང་ལྷན་དུ་འཛོམས་པའི་དགའ་སྣང་ཁྲོད།།

སྟོང་གསུམ་བདག་ལ་དབང་བའི་སྐྱིད་སྣང་རེ།།

 

འབྲུག་མོས་ཞུ་དག་བྱས།

 རྡོ་འབུམ་དཔེ་འཕྲིན།  ནང་རིག་གཏེར་མཛོད། མཆོད་མེ་རྩོམ་རིག་དྲ་བ།   གེ་སར་ཞིབ་འཇུག  ན་གཞོན་གསར་བ།

Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060