ཨ་རིའི་དབུས་ནུབ་ཏུ་རླུང་འཁོར་དྲག་པོ་ཐེངས་བཅུ་ལྡང་བ་དང་སེར་བ་སྐྱུར་རྩི་ཆེན་མོ་ཙམ་བབས།_རྒྱལ་ཕྱི།

ཨ་རིའི་དབུས་ནུབ་ཏུ་རླུང་འཁོར་དྲག་པོ་ཐེངས་བཅུ་ལྡང་བ་དང་སེར་བ་སྐྱུར་རྩི་ཆེན་མོ་ཙམ་བབས།

སྤེལ་དུས།　2015-04-13　　 ཡོང་ཁུངས།　ཀྲུང་གོའི་བོད་ལྗོངས་དྲ་བ།　　 རྩོམ་སྒྲིག་པ། 　ཚེ་རིང་རྣམ་རྒྱལ།

　　གླིང་སྐོར་དྲ་བར་བཀོད་པའི་གསར་འགྱུར། ཟླ ༤ པའི་ཚེས ༩ ཡི་ཨ་རིའི་རྒྱ་ཡིག་དྲ་བའི་གསར་ལམ་དུ།ཚེས ༨ ཉིན། ཨ་རིའི་དབུས་ཁུལ་དང་ནུབ་རྒྱུད་ཀྱི་དབྱིན་ལེ ༡༥༠༠ （སྟོང་རྨིད ༢༤༡༤ ）ཟིན་པའི་ས་ཁུལ་དུ། རླུང་འཁོར་དྲག་པོ་ཐེངས་བཅུ་ལྡང་བ་དང་སེར་བ་སྐྱུར་རྩི་ཆེན་མོ་ཙམ་བབས་དང་མཉམ་དུ། དུས་ཚོད་རེའི་མགྱོགས་ཚད་དབྱིན་ལེ ༨༠ རུ་བསླེབས་པའི་རླུང་ནག་འཚུབ་མ་སྙིང་རྗེ་མེད་པར་གཡུགས། དེ་ལས་ཀྱང་འཇིགས་ཆེ་བ་ཞིག་ཏུ། གནམ་གཤིས་ཆེད་མཁས་པས་ཚེས ༩ ཉིན་གྱི་གནམ་གཤིས་ངན་པས་མི་བྱེ་བ་དགུ་དང་ས་ཡ་ལྔ་ལྷག་ལ་ཤུགས་རྐྱེན་ཐེབས་པར་བརྗོད།

　　མི་ཞིག་གིས་སྐྱུར་རྩི་ཆེན་མོ་དང་སེར་རྡེའུ་མཉམ་དུ་བཞག་ནས་ཆེ་ཆུང་སྡུར།

　　 རླངས་འཁོར་ཞིག་སེར་རྡེའུ་ཡིས་བཅགས་པའི་པར་དྲ་ངོས་སུ་བུད།

　　གནམ་གཤིས་ངན་པའི་དཔེ་མཚོན་རི་མོ།

　　རླུང་འཁོར་དྲག་པོ་སྨྱོ་རྒྱུགས་བྱེད་ཚུལ།

　　ཨ་རིའི་རྒྱལ་ཡོངས་རྒྱང་སྒྲོག་ཀུང་ཟི(NBC)ཡི་ཆུ་ཁཱ་སྒོ（Chicago）རྒྱང་སྒྲོག་ཏུ་བྱུང་བ་ལྟར་ན། ཚེས ༩ ཉིན་ཆར་རླུང་དྲག་པོ་ཆི་ཁཱ་སྒོར་བཅར་བ་དང་སྟུན་ནས་གནས་དེའི་གནམ་ཐང་ཆེན་མོ་གཉིས་ཀྱིས་འཕུར་ཐེངས ༧༧༠ རྩིས་མེད་དུ་བཏང་འདུག རྒྱལ་ཁབ་གནམ་དཔྱད་ཁང་གིས་ཨེ་ལེ་ནཱོ（Illinois）མངའ་སྡེ་ཧྲིལ་བོ་ནས་དྲག་ཆར་དང་རླུང་འཁོར་དྲག་པོ། རླུང་ནག་འཚུབ་མ། སེར་བ་སོགས་ཀྱི་གནམ་གཤིས་ཐ་ཤལ་འབྱུང་བར་སྔོན་བརྡ་བཏང་། ད་ལྟའི་བར་རྒྱལ་ཁབ་གནམ་དཔྱད་ཁང་དུ་རླུང་འཁོར་དྲག་པོ་བཅུ་བྱུང་བའི་སྙན་ཞུ་འབྱོར་མོད། མཱིས་ཟི་རི（Missouri）དང་ཨོ་ཁི་ལ་ཧོའུ་མ（Oklahoma）ནས་གཅིག་རེ་བྱུང་ཡོད་པ་ལས། གཞན་དག་ཁན་ཛ་སི（Kansas）ནས་བྱུང་བར་བཤད་མོད། མིག་སྔར་གསལ་ཐག་ཆོད་པ་བྱུང་མེད་ན་ཡང་།ཆེས་ཆེ་བའི་ཚངས་ཐིག་དབྱིན་ཚུན ༤ （ལིའི་སྨི༡༠﹒༡༦）ལྡན་པའི་སེར་བ་དང་རླུང་ནག་འཚུབ་མ་ཡིས་ཨ་རི་མངའ་སྡེ ༡༢ རུ་སྨྱོ་རྒྱུགས་ཀྱིས་ཁང་ཀླད་རྟོལ་བ་དང་སྡོང་རྒན་བལ་འདུག་པ་ནི་མངོན་སུམ་རེད།

　　ཨི་ཧཱོ་ཡོ་དྷ་ཐྲིན་སློབ་ཆེན་གྱི(University of Dayton)སློབ་མ་ཞིག་ལ་ཐོག་བརྒྱབ་ནས་རྨས་ཕོག་པ་དང་།ཨོ་ཁི་ལ་ཧོའུ་མའི（Oklahoma）མངའ་སྡེ་ཡི་ཐྲོའུ་སཱ（Tulsa）ནས་གནམ་གཤིས་ངན་པས་ཡི་སློབ་འཁོར་བསྒྱེལ་བས།སློབ་མ་ཆུང་ཆུང་བཞི་སྨན་ཁང་དུ་བསྡད་པའི་གནས་ཚུལ་ཀྱང་བཀོད་འདུག

　　གཞན་ཡང་།ཨ་རིའི་སྐུད་ལྡན་བརྙནའཕྲིན་གསར་འགྱུར་དྲ་བའི(CNN)གསར་ལམ་དུ།ཚེས ༨ ཀྱི་དགོང་མོར།མི་ཞིག་གིས་ཝེ་ཐྲི་ཐའི(Wichita)ནུབ་ཕྱོགས་ཀྱི་གནས་ཁ་ཤས་ནས་རླུང་འཁོར་དྲག་པོ་བྱང་ཤར་ཕྱོགས་སུ་བསྐྱོད་དེ་ཝེ་ཐྲི་ཐ་ཉེན་ཁ་ལས་ཐར་ཚུལ་སྙན་ཞུ་བྱས་མོད།ཁན་ཛ་སི（Kansas）མངའ་སྡེའི་ས་ཁུལ་གཞན་ཁ་ཤས་ལ་རླུང་འཁོར་དྲག་པོའི་ཉེན་བརྡ་བཏང་ཡོད་པས།དེ་དག་གི་གནས་ཚུལ་གསལ་བོ་འབྱུང་མི་འདུག གནམ་གཤིས་ངན་པ་འདི་ཚེས ༩ ཉིན་ཆི་ཁཱ་སྒོ་དང་མན་ཧྥེ་སི（Memphis）ལོའུ་ཨེ་སི（St. Louis）སི་སི་ནཱ་ཐྲེ（Cincinnati）སོགས་སུ་འཇབ་རྒོལ་བྱས།དེ་ལྟར་གནམ་གཤིས་འདིས་ཨ་རིའི་དབུས་ནུབ་དང་སྨི་སི་སི་ཕཱི（Mississippi）བཞུར་ཡུལ།ཐན་ནི་སེ（Tennessee）ཆུ་ལག་ས་ཁུལ།མཚོ་ཆེན（འཛམ་གླིང་ཐོག་གི་ཚྭ་མེད་མཚེའུ་ཆེས་ཆེ་བའི་ཆུ་ལག་ས་ཁུལ་སྟེ་ཁྱབས་ཁོངས་སུ་དབྱིན་ལེ་གྲུ་བཞི་མ ༩༤༢༥༠ ལྷག་ཡོད）ལྷོ་ཁུལ་གྱི་མི་བྱེ་བ་བདུན་དང་ས་ཡ་ལྔ་ལྷག་ལ་ཤུགས་རྐྱེན་ཐེབས།

ཁ་བྱང་ཕྱི་མོ། ཨ་རིའི་དབུས་ནུང་ཏུ་རླུང་འཁོར་དྲག་པོ་ཐེངས་བཅུ་ལྡང་བ་དང་སེར་བ་སྐྱུར་རྩི་ཆེན་མོ་ཙམ་བབས།

（རྩོམ་འགན་པ། ལྷ་དབང）

འབྲེལ་ཡོད་ནང་དོན།

- ལོན་ཏོན་དུ་ཧ་ལམ་དབྱིན་སྒོར་དུང་ཕྱུར ༢ ཀྱི་མུ་ཏིག་དང་དངུལ་སྒོར་རྐུས་ལ་ཤོར་པའི་དོན་རྐྱེན་བྱུང་འདུག

- ཨུ་རུ་སུའི་བཟོ་བཀོད་པ་ཞིག་གིས་སང་ལོར་མགོ་བོ་བརྗེ་སྤོར་བྱེད་པའི་གཤགས་བཅོས་དང་ལེན་བྱས་པ།

- འཚོ་བ་དངོས་ཁྲོད་ཀྱི《བྱི་ལ་དང་ཙི་གུ》། མིང་འདྲ་ཡང་ལས་དབང་མི་གཅིག

- སོ་ཏི་ཨ་རབ་ཀྱིས་ཉིན་རེར་རྡོ་སྣུམ་ཟོ་བ་ཁྲི ༡༠༣༠ ཐོན་སྐྱེད་བྱས་པ་དེས་སྣུམ་རིན་འཕྲལ་ཉིད་མར་ཆག་འདུག

- ལྗེའུ་རྒོལ་རིང་ལུགས་རོ་ལངས་བྱས་བས་ཡོ་རོབ་ནས་དབྱི་སི་རལ་དུ་གནས་སྤོ་བའི་ལྗེའུ་རིགས་ནི་ཆུ་བཞུར་བཞུར།

- ཟླ་མཇུག་ཏུ་ཁྱུང་མཆུའི་གནམ་ཐང་སླར་དབྱེ་རྒྱུ་ཡིན་ཞིང་།གཟའ་རེར་རེས་གཉིས་དང་ཆེས་བདེའི་པ་སེར་སྒོར ༤༨༤ རེད།

- ཀྲུང་དབྱང་གིས་ཡིག་ཆ་སྤེལ་ནས་ལས་བཟོ་བའི་གུང་སེང་ཁེ་དབང་ལ་འགན་ལེན་བྱས་ཡོད།

- རྡོ་སོལ་གྱིས་ལོ་རེར་སྒོར་དུང་ཕྱུར་ཁྲི་ཕྲག་རྙེད་ཀྱང་མི་ཁྲི་ཕྲག་ཡན་འཆི་ལམ་དུ་བརྫངས་ཀྱིན་ཡོད།