སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
རྒྱལ་སྟོན་དུས་ཆེན་རྗེས་སུ་དགའ་ལྡན་སུམ་རྩེན་གླིང་དུ་སྔར་བཞིན་གནས་སྐོར་བས་ཁེངས་འདུག
སྤེལ་དུས། 2013-10-31   ཡོང་ཁུངས། ཀྲུང་གོ་བོད་ཀྱི་དྲ་བ།   རྩོམ་སྒྲིག་པ།  སྐྱ་རེངས་ཀྱིས་བསྒྲིགས།

      སྤྱི་ཟླ༡༠བའི་ཚེས༢༣ཉིན།  གནམ་གཤིས་དྲོད་ཚད་ཇེ་དམའ་རུ་སོང་ཡོད་ནའང་།  དགའ་ལྡན་སུམ་རྩེན་གླིང་དུ་སྔར་བཞིན་གནས་སྐོར་བས་ཁེངས་འདུག་ལ།  རྒྱུས་ལོན་པ་ལྟར་ན།  ད་ལོའི་རྒྱལ་སྟོན་དུས་ཆེན་སྐབས་སུ།  གཞུང་ལམ་ལེགས་བསྒྱུར་སོགས་རྒྱུ་རྐྱེན་གྱིས་དགའ་ལྡན་སུམ་རྩེན་གླིང་དུ་གནས་སྐོར་བ་བསྡོམས་པས་མི་ཐེངས་ཁྲི༢༧༦༥༩སྣེ་ལེན་བྱས་པ་དང་།  ན་ནིང་དང་བསྡུར་ན་དུས་མཉམ་ལས་མར་ལྷུང་ཡོད་པ་རེད།  ཡིན་ཡང་རྒྱལ་སྟོན་དུས་ཆེན་རྗེས་ཀྱི་ཚེས༨ཉིན་ནས་ཚེས༢༢ཉིན་བར།  གནས་སྐོར་བ་སྣེ་ལེན་བྱས་ཚད་ན་ནིང་དང་བསྡུར་ན་མི་ཐེངས༡༠༠༠ལས་ཇེ་མང་དུ་སོང་ཤིང་།  ད་ལོའི་ཟླ༡༠བའི་ཉིན༢༢རིང་ལ་ཉིན་རེར་ཆ་སྙོམས་ཀྱི་གནས་སྐོར་བ་མི་ཐེངས༢༠༥༠སྣེ་ལེན་བྱེད་ཀྱིན་ཡོད།
     
ཡུལ་ལྗོངས་ཁུལ་པ་སེ་ཕྱི་ཚོང་ཁང་གི་འགན་ཁུར་བས་མཚམས་སྦྱོར་བྱས་པ་ལྟར་ན།  ད་ལོའི་གནས་སྐོར་ཚོགས་པ་ལོ་སྔོན་མ་ལས༣༠%ཙམ་ཇེ་ཉུང་དུ་སོང་ཡོད་ནའང་།  རང་འདེམས་གནས་སྐོར་བྱེད་པའི་མི་གྲངས་ཇེ་མང་དུ་སོང་ཡོད།  ཡུལ་ལྗོངས་ཁུལ་གྱིས༥Aརིམ་པའི་ཡུལ་ལྗོངས་ཁུལ་འཛུགས་སྐྲུན་བྱེད་པར་རྨང་གཞིའི་སྒྲིག་ཆས་འཛུགས་སྐྲུན་ཐད་ནས་ཧུར་ཐག་སྒོས་འཐུས་ཚང་དུ་བཏང་ཞིང་། ༥Aརིམ་པའི་ཡུལ་ལྗོངས་ཁུལ་ཞབས་ཞུའི་ཚད་གཞི་དང་བླང་བྱ་ལྟར། ལས་བཟོ་བའི་ལས་ཀའི་གསོ་སྦྱོང་ལ་ཤུགས་བསྣན་པ་དང་ཞབས་ཞུའི་སྤུས་ཚད་མཐོར་འདེགས་སུ་བཏང་།  སྤྱི་ཟླ༩བའི་ཚེས༢༡ཉིན།  ལས་བཟོ་བ་ཡོངས་རྩ་འཛུགས་བྱས་ཏེགནས་སྐོར་བཅའ་ཁྲིམསསློབ་སྦྱོང་བྱས་པ་དང་།  ལས་བཟོ་བས་ཁྲིམས་ལྟར་གནས་སྐོར་བར་སྤུས་ལེགས་ཞབས་ཞུ་སྒྲུབ་དགོས་ལ། མི་རིགས་ནང་བསྟན་ཆོས་ལུགས་ཀྱི་དངོས་ཟོག་ཚང་ཁང་དང་འགྲེལ་བཤད་པས་ཚོང་ཟོག་མཚམས་སྦྱོར་བྱེད་དུས་དོན་དངོས་དང་བསྟུན་དགོས་པ་ལས།  གང་འདོད་དུ་འཛད་སྤྱོད་པར་མགོ་སྐོར་གཏོང་མི་རུང་བའི་བླང་བྱ་བཏོན།
     
ཡུལ་ལྗོངས་ཁུལ་གྱིས་སྤྱི་ཟླ༡༡ནང་ཆེད་ལས་མཁས་པ་གདན་ཞུ་བྱས་ཏེ་སློབ་ཁྲིད་བྱེད་དུ་འཇུག་རྒྱུ་ཡིན་པ་དང་།  ལས་བཟོ་བས་སྔར་ལསགནས་སྐོར་བཅའ་ཁྲིམསཀྱི་འབྲེལ་ཡོད་དོན་ཚན་ལེགས་པོ་སྦྱངས་ནས་ཁྲིམས་ལྟར་ཞབས་ཞུ་འདོན་སྤྲོད་བྱེད་པར་སྐུལ་འདེད་བྱེད་རྒྱུ་རེད། 

འབྲེལ་ཡོད་ནང་དོན།
Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060