གཙང་བཤེར་བྱས་ཟིན་པའི་བོད་ཡིག་ཆོས་དཔེའི་ལྷག་རོ།  

   ཟླ༩་པའི་ཚེས་༩ཉིན། གསར་འགོད་པས་ཀན་སུའུ་ཞིང་ཆེན་རིག་དངོས་ཅུའུ་ནས་རྒྱུས་ལོན་པ་ལྟར་ན། ཀན་སུའུ་འབུམ་གླིང་རིག་དངོས་ཞིབ་འཇུག་ཁང་གིས་ཉེ་སྔོན་ཉེན་ཁ་ཡོད་པའི་བྲག་ངོས་སྲ་བརྟན་བྱེད་བཞིན་པའི་སྐབས་སུ་བྲག་ཕུག་ཅིག་གི་ནང་དུ་ཆོས་ཀྱི་དཔེ་ཆའི་ཤོག་བུའི་ལྷག་རོ་མང་པོ་རྙེད། ད་བར་དུ་ཞིབ་འཇུག་ཁང་འདིས་བསྡོམས་པས་ཆོས་དཔེའི་ཤོག་བུའི་ལྷག་རོ་སྟོང་ལྷག་གཙང་བཤེར་བྱས། དེའི་ཁྲོད་ཀྱི་མང་ཆེ་བ་ནི་བོད་ཡིག་ཆོས་དཔེའི་ལྷག་རོ་ཡིན་པ་དང་རྒྱ་ཡིག་ཆོས་དཔེའི་ལྷག་རོའང་འགའ་ཡོད། ལོ་མང་བོ་འགོར་བ་དང་རླུང་དང་ཉི་འོད་ཐེབས་པའི་རྐྱེན་གྱིས་ལྷག་རོ་དག་རླུང་གིས་ཟད་པ་དང་རུལ་བ་ཧ་ཅང་ཚབས་ཆེ། རྒྱ་ཡིག་གི་“པེན་ལེན་”ཞེས་པ་ནི་བོད་སྐད་ཀྱི“བྱམས་པ་འབུམ་གླིང་”ཞེས་པའི་སྒྲ་འགྱུར་ཡིན། འབུམ་གླིང་དགོན་པའི་བྲག་ཕུག་ནི་སྤྱི་ལོ་༤༢༠སྟེ་ཆིང་ནུབ་མའི་སྐབས་ནས་བཟུང་འཛུགས་སྐྲུན་བྱས་ཤིང་ད་ལྟ་བྲག་ཕུག་༡༨༣ཡོད། དེ་དག་གི་ནང་དུ་འཇིམ་སྐུ་༨༢་དང་། རྡོ་སྐུ་༦༩༤། ལྡེབས་རིས་རྨིད་གྲུ་བཞི་མ་༩༠༠ལྷག་ཡོད། ༢༠༡༤་ལོར། འབུམ་གླིང་དགོན་གྱི་བྲག་ཕུག་ནི་ཀྲུང་གོ་དང་། ཧ་སག་ཁི་སི་ཐན། ཅེར་ཅུ་སི་ཐན་བཅས་རྒྱལ་ཁབ་གསུམ་གྱིས་མཉམ་འབྲེལ་སྒོས་འཛམ་གླིང་ཤུལ་བཞག་རིག་དངོས་སུ་ཡར་ཞུ་བྱས་པའི་“དར་གོས་ཚོང་ལམ་”ཁྲོད་ཀྱི་གནས་ཤིག་ཡིན་པས་བདེ་བླག་ངང་《འཛམ་གླིང་ཤུལ་བཞག་མིང་ཐོའི》ནང་དུ་ཚུད་།  

ལས་བྱེད་མི་སྣས་གཙང་བཤེར་བྱས་ཟིན་པའི་ཆོས་དཔེའི་ལྷག་རོ།

ལས་བྱེད་མི་སྣས་གཙང་བཤེར་བྱས་ཟིན་པའི་ཆོས་དཔེའི་ལྷག་རོ།

      ཁ་བྱང་ཕྱི་མོ། ཀན་སུའུ་འབུམ་གླིང་དགོན་གྱི་བྲག་ཕུག་ཏུ་བོད་ཡིག་ཆོས་དཔེའི་ལྷག་རོ་རྙེད་པ།

(རྩོམ་འགན་པ ལྷ་དབང་།)