ལྷ་སའི་སྐོར་ལམ་བྱང་མ་དང་དེའི་སྣུར་སྲིང་ལས་གྲྭའི་འཕེལ་རིམ་བདེ་བླག་བྱུང་བ།_ཁོར་ཡུག་དང་ཚན་རྩལ།

ལྷ་སའི་སྐོར་ལམ་བྱང་མ་དང་དེའི་སྣུར་སྲིང་ལས་གྲྭའི་འཕེལ་རིམ་བདེ་བླག་བྱུང་བ།

སྤེལ་དུས།　2016-08-19　　 ཡོང་ཁུངས།　ཀྲུང་གོའི་བོད་ཀྱི་གསར་འགྱུར་དྲ་བ།　　 རྩོམ་སྒྲིག་པ། 　ཚེ་རྡོར།

ཞོ་སྟོན་གོང་རླངས་འཁོར་ཤར་གཏོང་ཐུབ་རྒྱུ་ཡིན་པ།

ཉིན་ཤས་གོང་གསར་འགོད་པར་ལྷ་སའི་གྲོང་ཁྱེར་མ་འཇོག་ནས་ཤེས་རྟོགས་བྱུང་བར། ལྷ་ས་གྲོང་ཁྱེར་གྱི་སྐོར་ལམ་བྱང་མའི་འཛུགས་སྐྲུན་གྱི་འཕེལ་རིམ་བདེ་བླག་བྱུང་བ་དང་། མིག་སྔར་རྣམ་གྲངས་དེའི་སྤྱིའི་ལས་ཚད་ཀྱི་60%ལེགས་གྲུབ་ཟིན་ནས་ཞོ་སྟོན་གོང་རླངས་འཁོར་ཤར་གཏོང་ཐུབ་པའི་འགན་ལེན་བྱ་རྒྱུ་རེད། སྐོར་ལམ་བྱང་མའི་ལས་གྲྭ་དེ་ལྷ་ས་གྲོང་ཁྱེར་གྱི་ལྟེ་བའི་གྲོང་ཁུལ་གྱི་བྱང་འདབས་སུ་ཡོད་པ་དང་། ནུབ་ནས་པེ་ཅིང་ནུབ་ལམ་ལྷ་ཀླུའི་འདམ་ར་ནས་འགོ་བཙུགས་པ་དང་ལྷ་ཀླུའི་འདམ་རའི་བྱང་ངོས་ནས་ཤར་ཕྱོགས་སུ་རྔ་ཆེན་ཟམ་ཆེན་དང་མཐུད་པར་སྤྱིའི་རིང་ཚད་སྤྱི་ལེ་16.61ཙམ་ཟིན་ཡོད། འཆར་འགོད་འཛུགས་སྐྲུན་ནང་འགྲོ་ལམ་དང་། ཕུག་ལམ། ཟམ་ལམ། ས་འོག་ཆུ་འགྲོ ཆུ་མཁོ་འདོན་དང་ཕྱིར་འབུད། ལམ་སྒྲོན། སྔོ་ལྗང་ཁུལ་སོགས་ཀྱི་ལས་གྲྭ་ཚུད་པའི་ནང་ལམ་དུམ་དང་པོའི་འཛུགས་སྐྲུན་ཁྲོད་ཕུག་ལམ་3དང་ཟམ་པ་8ཡོད་པ་རེད། “ང་ཚོས་ཕུག་གཉིས་ཕྱོགས་བཞི་ནས་དུས་གཅིག་ཏུ་སྔོག་པའི་ལས་སྒྲུབ་བྱ་ཐབས་སྤྱད་དེ་ནུས་ཤུགས་ཡོད་རྒུས་སྐོར་ལམ་བྱང་མའི་ཧྲིལ་པོ་ལོ་མཇུག་ཏུ་རླངས་འཁོར་ཤར་གཏོང་ཐུབ་པའི་འགན་ལེན་བྱ་རྒྱུ་ཡིན”ཞེས་ལྷ་སའི་གྲོང་ཁྱེར་མ་འཇོག་ཀུང་སིའི་འགན་ཁུར་བས་བཤད། ཁོང་གིས་ལྷ་ཀླུའི་འདམ་རའི་འགོ་འཛུགས་ས་ནས་འབྲས་སྤུངས་དགོན་བར་གྱི་ལམ་དུམ་བུ་ཟླ་8ཚེས་28ཉིན་གོང་ཨར་ལས་ལེགས་གྲུབ་ཟིན་ནས་ལམ་འཁོད་སྙོམས་པོ་བཟོས་ཏེ་གྲོང་མི་འགྲོ་འོང་ཐུབ་པའི་འགན་ལེན་བྱ་རྒྱུ་དང་། དེ་རྗེས་སྣུམ་ནག་གཞུང་ལམ་བཏིང་བ་སོགས་ཀྱི་བདག་སྐྱོང་ལས་གྲྭ་སྤེལ་རྒྱུ་ཡིན། དེ་གོང་སྐོར་ལམ་བྱང་མའི་སྣུར་སྲིང་དུམ་བུའི་འགྲོ་ལམ་གུ་དོག་པ་དང་ཟང་ཟིང་ཆེ་བས་བསྐྲུན་ཟིན་རྗེས་ཕྱོགས་གཉིས་ལ་འཁོར་ལམ་6ཡོད་པའི་འགྲོ་ལམ་ཞིག་ཏུ་འགྱུར་རྒྱུ་རེད། སྐོར་ལམ་བྱང་མའི་འཛུགས་སྐྲུན་ནི་གྲོང་སྐོར་ལམ་ཧྲིལ་པོའི་འཛུགས་སྐྲུན་གྱི་ཆ་ཤས་ཤིག་ཡིན་པ་དང་། དེ་བསྐྲུན་ཟིན་རྗེས་ལྷ་སའི་འགྲོ་ལམ་ཤར་བགྲོད་ནུས་པ་ཆེ་རུ་འགྲོ་རྒྱུར་ཕན་འདོགས་རྒྱུ་རེད་ཅེས་བཤད།

འབྲེལ་ཡོད་ནང་དོན།

- བོད་ལྗོངས་ཀྱིས་བྱ་ཐབས་སྣ་མང་མཉམ་སྤྱོད་བྱས་ཏེ་རིག་དངོས་བདེ་འཇགས་ཡོང་བར་འགན་ལེན་ཏན་ཏིག་བྱས་པ།

- ལི་ཁེ་ཆང་གིས་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་ཚོགས་འདུ་གཙོ་སྐྱོང་གནང་བ།

- བརྩེ་སེམས་ཟབ་མོས་ས་མཐོའི་ས་གཞི་དྲོས།

- ཀྲུང་གོའི་ཕིང་ཕང་སྤོ་ལོའི་བུད་མེད་རུ་ཁག་ལ་གསེར་གྱི་རྟགས་མ་ཐོབ་པ།

- ཚའོ་ཡོན་ལ་སྐྱེས་པའི་སྨི་གསུམ་གྱི་ལྡེམ་པང་ཆུ་མཆོང་གི་ཨང་དང་པོ་ཐོབ་པ།

- ཀྲུང་གོ་ལྕགས་ལམ་སྤྱི་ཁྱབ་ཀུང་སིའི་བོད་སྐྱོད་ཚོགས་ཆུང་གིས་བོད་ལྗོངས་སུ་བརྟག་ཞིབ་བྱས་པ།

- སྐབས་དང་པོའི་བོད་ལྗོངས་ཚ་ཚའི་སྒྱུ་རྩལ་འགྲེམས་སྟོན་དུས་ཆེན་ལྷ་ས་ནས་རྒྱ་ཆེར་སྤེལ།

- ལུའུ་ཏི་ཧྲས་ཨང་དང་པོ་བླངས་པ།

- ཡུས་ཀྲེང་ཧྲེང་གིས་ཆབ་མདོར་བརྟག་ཞིབ་གནང་བ།

- སློབ་གསོ་པུའི་མཐོ་སློབ་སློབ་མའི་རོགས་དངུལ་སྐོར་གྱི་ཐད་གཏོང་ཁ་པར་སྤྱོད་འགོ་ཚུགས་པ།