ཁྲོན་བོད་བྱང་ལམ་གྱི་ས་བབ་མཐོ་ཤོས་གཞུང་ལམ་གྱི་ཕུག་ལམ་ཤར་གཏོང་ཐུབ་པ།_ཡུལ་སྐོར་དང་འགྲིམ་འགྲུལ།

ཁྲོན་བོད་བྱང་ལམ་གྱི་ས་བབ་མཐོ་ཤོས་གཞུང་ལམ་གྱི་ཕུག་ལམ་ཤར་གཏོང་ཐུབ་པ།

སྤེལ་དུས།　2016-11-14　　 ཡོང་ཁུངས།　ཤིན་ཧྭ་གསར་འགྱུར་ཁང་།　　 རྩོམ་སྒྲིག་པ། 　རིན་ཆེན།

ཉེ་ཆར། ཁྲོན་བོད་བྱང་ལམ་གྱི་རྒྱལ་ལམ་317གྱི་ས་བབ་སྨི་4300ཟིན་པའི་རྒྱལ་ལམ་317གྱི་ས་བབ་མཐོ་ཤོས་ཀྱི་གཞུང་ལམ་ཕུག་ལམ་སྟེ་ཁྲོ་ལ་ཕུག་ལམ་ཤར་གཏོང་ཐུབ་པ་རེད།

དེ་ནས་བཟུང“དགུན་ཁར་ཁྲོ་ལ་བརྒལ་བ་ནི་གཤིན་རྗེ་འཕྲང་ལམ་འགྲིམ་དང་མཚུངས”ཞེས་པའི་ལོ་རྒྱུས་མཇུག་འགྲིལ་བ་དང་། “ཁྲོན་བོད་ལམ་གྱི་ཉེན་ཁ་ཆེ་ཤོས”ཀྱི་འོབས་ཆེན་དེ་བགྲོད་ལམ་བདེ་མོར་གྱུར།

ཁྲོ་ལའི་རི་རྩེ་མཐོ་ཤོས་ལ་ས་བབ་སྨི་6168ཟིན་པ་དང་དེ་གར་རི་མཐོ་ལ་ལམ་གཟར་བ་དང་། མཐོ་གྲང་ཡིན་ཁར་གསོ་རླུང་དཀོན་པས“ཁྲོན་བོད་ལམ་གྱི་ཉེན་ཁ་ཆེ་ཤོས”ཞེས་གྲགས། ཁྲོ་ལ་ཕུག་ལམ་དེ་རྒྱལ་ཁབ་ཀྱི་གཙོ་གནད་ལས་གྲྭའི་འཛུགས་སྐྲུན་རྣམ་གྲངས་ཡིན་པ་དང་། སི་ཁྲོན་ཞིང་ཆེན་དཀར་མཛེས་ཁུལ་སྡེ་དགེ་རྫོང་ཁོངས་སུ་གནས་པས་ས་བབ་སྨི་4300ཟིན་པ་དང་། ཨར་སྐྲུན་ལམ་ཚད་སྤྱི་ལེ་8.955ཟིན་པའི་ནང་ཁྲོ་ལ་ཕུག་ལམ་གཙོ་བོའི་རིང་ཚད་སྨི་7079ཡོད་པ་རེད།

ཁྲོ་ལ་ཕུག་ལམ་རྣམ་གྲངས་པུའུ་ཡི་འགན་འཛིན་ཝང་ལིའུ་ཞུང་གིས་ཕུག་ལམ་དེ་2012ལོའི་ཟླ་7པར་ཨར་སྐྲུན་བྱེད་འགོ་ཚུགས་ཚུན། ལས་བཟོ་ཡོངས་ཀྱིས་གངས་ལྗོངས་ས་མཐོ་བརྟན་སྲུང་བྱས་ཏེ། ས་མཐོ་དང་། མཐོ་གྲང་། གསོ་རླུང་དཀོན་པ། ལས་ཕྱོད་དམའ་བ། རི་མཐོ་བ། ལམ་རིང་བ། རྒྱུ་ཆ་ཉུང་བ། སྐྱེལ་འདྲེན་དཀའ་བ། ཕུག་ལམ་རིང་བ། ས་གཤིས་རྙོག་འཛིང་ཆེ་བ་སོགས་ཀྱི་དཀའ་གནད་མང་པོ་བསལ་ནས། ས་བབ་སྨི་4300ཟིན་པའི་ཆ་རྐྱེན་སྡུག་པོའི་འོག་གི་ཨར་སྐྲུན་གྱི་ངོ་མཚར་བཏོད་ཡོད་ཅེས་གསར་འགོད་པར་བཤད།

ཁྲོ་ལའི་རི་ལྡེབས་གཞུང་ལམ་གྱི་ལམ་བདག་སྐྱོང་ས་ཚིགས་ལྔ་པར་ལོ་24རིང་བརྟན་སྲུང་བྱས་མྱོང་མཁན་རྒྱལ་ཡོངས་ངལ་རྩོལ་དཔེ་བཟང་བ་ཁྲེན་ཏེ་ཧྭས་ཕུག་ལམ་ཤར་གཏོང་ཐུབ་རྗེས་ཆུ་ཚོད་རེར་སྤྱི་ལེ་40རྩིས་ན་སྔོན་ཆད་ཆུ་ཚོད་ཁ་ཤས་དང་ཐ་ན་ཁ་བ་བུ་ཡུག་འཚུབ་སྐབས་ཉི་མ་དུ་མ་འགོར་བའི་ཁྲོ་ལར་ད་ཆ་སྐར་མ་བཅུའི་ནང་བརྒལ་ཐུབ་ཀྱི་འདུག སྡེ་དགེས་ཡུལ་སྐོར་བ་སྔར་བས་མང་པོ་བསུས་ནས་ཡུལ་འདི་གའི་དཔལ་འབྱོར་འཕེལ་རྒྱས་ལ་སྐུལ་ཁྲིད་བྱས་ཏེ་མི་སྔར་བས་མང་བར་བོད་ཀྱི་རིག་གནས་རྟོགས་རྒྱུ་རེད་ཅེས་གསར་འགོད་པར་བཤད།

དཀར་མཛེས་ཁུལ་གྱི་ཁུལ་དཔོན་ཡེ་ཤེས་ཟླ་བས་ཁྲོ་ལ་ཕུག་ལམ་གྱིས་ཁྲོན་བོད་འགྲིམ་འགྲུལ་གྱི་སྒོ་མོ་བཏོད་ནས། དཀར་མཛེས་ཁུལ་དང་བོད་ལྗོངས་ས་ཆའི་འཕེལ་རྒྱས་ཆེད་གསོན་ཤུགས་གསར་པ་དང་སྒུལ་ཤུགས་གསར་པ་བསྣན་ཡོད་ཅིང་། ཁྲོན་བོད་ས་ཆའི་དཔལ་འབྱོར་འཕེལ་རྒྱས་ལ་སྐུལ་མ་བཏང་སྟེ། དབུལ་སྐྱོར་འགག་སྒྲོལ་བྱེད་མགྱོགས་སུ་བཏང་ནས་དབུལ་སྒྲོལ་ཕྱུག་འགྱུར་དང་འབྱོར་འབྲིང་གཏོད་པའི་དམིགས་ཚད་འགྲུབ་རྒྱུར་སྐུལ་འདེད་ཀྱི་ནུས་པ་ཐོན་རྒྱུ་རེད་ཅེས་བཤད།

འབྲེལ་ཡོད་ནང་དོན།

- ཀྲུང་ཨུ་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་གཏིང་ཟབ་བྱས་པ།

- ལི་ཁེ་ཆང་གིས་ཨུ་རི་སིའི་ཙུང་ཐུང་ཕུའུ་ཅིན་ལ་མཇལ་འཕྲད་གནང་།

- བོད་ལྗོངས་ནང་བསྟན་སློབ་གླིང་གི་དགོན་སྡེའི་གྲྭ་བཙུན་ལ་གསོ་སྦྱོང་སྤེལ་ཐེངས་བཅུ་གཉིས་པ་མགོ་བརྩམས་པ།

- ཁྲོན་བོད་ལྕགས་ལམ་དར་རྩེ་མདོ་ནས་ཉིང་ཁྲི་བར་གྱི་ལམ་བུ་ཕྱི་ལོ་སྐྲུན་འགོ་འཛུགས་རྒྱུ་ཡིན་པ།

- བོད་ལྗོངས་སུ་གཞི་ཁྱོན་ཆེ་བའི་ཞིང་ཆེན་རིམ་པའི་མ་ལམ་འཛུགས་སྐྲུན་བྱ་འཆར་ཡོད་པ།

- བོད་ལྗོངས་ཀྱི་ཞིང་འབྲོག་པའི་བུད་མེད་གློག་རྡུལ་ཚོང་དོན་སྦྱོང་བརྡར་འཛིན་གྲྭར་ཞུགས།

- བོད་ཀྱིས་ཀུན་སྤྱོད་དཔེ་བཟང་བ་དང་མིང་འདོན་བྱ་དགའ་ཐོབ་མཁན་ལ་གཟེངས་བསྟོད་བྱས་པ།

- ལུས་རྩལ་གྱིས་བོད་ཀྱི་སྟོན་དུས་སུ་ཡུལ་ལྗོངས་གཞན་ཞིག་བསྣན་པ།

- ཚན་རིག་དང་མཐུན་པའི་གོང་འཕེལ་གྱིས་བོད་ལྗོངས་ཀྱི་དཔལ་འབྱོར་བྱ་འཕུར་བ་ལྟར་འཕེལ་རྒྱུར་རོགས་འདེགས་བྱས་པ།

- བོད་ལྗོངས་སློབ་ཆེན་གྱིས་ནུས་པ་ཀུན་བཏུས་ཀྱི་བོད་སྐད་མཉེན་ཆས་དང་པོ་བཏོན་འདུག