མངའ་རིས་ཀྱིས་བོད་ལྗོངས་འགྲེམས་ཚོགས་ཀྱི་འགྲེམས་ཞུགས་གྲ་སྒྲིག་ལས་དོན་ཧུར་ཐག་སྒྲུབ་པ།_འཚོ་བ་དང་དཔལ་འབྱོར།

མངའ་རིས་ཀྱིས་བོད་ལྗོངས་འགྲེམས་ཚོགས་ཀྱི་འགྲེམས་ཞུགས་གྲ་སྒྲིག་ལས་དོན་ཧུར་ཐག་སྒྲུབ་པ།

སྤེལ་དུས།　2016-08-25　　 ཡོང་ཁུངས།　བོད་ལྗོངས་ཉིན་ཚགས།　　 རྩོམ་སྒྲིག་པ། 　དབང་འདུས་ཀྱིས་བསྒྱུར།

གསར་འགོད་པས་ཉིན་ཤས་གོང་མངའ་རིས་ས་ཁུལ་སྲིད་འཛིན་ཀུང་ཧྲུའུ་ནས་ཤེས་རྟོགས་བྱས་པར། བོད་ལྗོངས་འགྲེམས་ཚོགས་སྐབས་གསུམ་པའི་གྲ་སྒྲིག་ལས་དོན་སྤེལ་འགོ་བཙུགས་ཚུན། མངའ་རིས་ས་ཁུལ་གྱིས་དུས་ཚོད་སྐར་ཆ་ཙམ་ལའང་བརྩོན་ལེན་གྱིས་ལས་དོན་དོན་འཁྱོལ་བྱ་རྒྱུར་སྐུལ་འདེད་བཏང་ནས་ནུས་ཤུགས་གང་ཡོད་ཀྱིས་ཟླ་9ཚེས་1ཉིན་གྱི་གོང་དུ་བོད་ལྗོངས་འགྲེམས་ཚོགས་སྐབས་གསུམ་པའི་གྲ་སྒྲིག་ལས་དོན་ཁག་ཁྱོན་ཡོངས་ནས་ལེགས་གྲུབ་བྱ་རྒྱུའི་འགན་ལེན་བྱེད་བཞིན་ཡོད། མིག་སྔར་ཐོན་ཟོག་6500འགྲེམས་སྟོན་ནང་ཞུགས་རྒྱུ་དང་རྣམ་གྲངས་13ལ་གན་རྒྱ་འཇོག་རྒྱུར་མ་དངུལ་བསྡོམས་སྒོར་དུང་ཕྱུར་14.846ཟིན་བཟོ་ཡོད་པ་རེད།

མིག་སྔར་མངའ་རིས་འགྲེམས་སྟོན་ཚོམས་ཆེན་སྐྲུན་པའི་སྔོན་རྩིས་འགྲོ་གྲོན་ལ་ཞིབ་བཤེར་ཆོག་མཆན་ཐོབ་ནས་འཛུགས་སྐྲུན་བྱེད་བཞིན་ཡོད་པ་དང་། འགོ་ཚུགས་མཛད་སྒོའི་རིག་རྩལ་འཁྲབ་སྟོན་ནང་ཞུགས་མཁན་འཁྲབ་སྟོན་པ་84ཡིས་དུས་ཚོད་དམ་འཛིན་གྱིས་ནང་སྦྱོང་བྱེད་བཞིན་ཡོད། མངའ་རིས་ས་ཁུལ་ཚོང་དོན་ཅུས་ཀྱིས་འགྲེམས་ཞུགས་ཚོང་ཟོག་གི་སྣེ་ཁ་དང་གྲངས་འབོར་ལ་བསྐྱར་ཞིབ་བྱེད་པའི་ལས་དོན་མཇུག་འགྲིལ་བ་དང་། འགྲེམས་སྟོན་དངོས་ཟོག་གྲས་སུ་རིག་གནས་ཐོན་རྫས་དང་། སྔོ་ཆས། གཏེར་ཆུ། མཐའ་མཚམས་ཚོང་ཟོག མི་རིགས་རྒྱན་གོས། མི་རིགས་ལག་ཤེས་བཟོ་རྩལ་ཐོན་རྫས། སྤོས། ཁུ་ལུའི་ཐོན་རྫས་སོགས་རིགས་16དང་སྣེ་ཁ་6500ལྷག་ཙམ་ཡོད་པ་རེད།

མངའ་རིས་ས་ཁུལ་ཚོང་དོན་ཅུས་ཀྱི་ཅུས་ཀྲང་ཀྲའོ་ཝུན་ཀྲུང་གིས་ངོ་སྤྲོད་བྱས་དོན། མངའ་རིས་ས་ཁུལ་གྱིས་རྫོང་ཁག་དང་། ཚན་པ་ཁག་དང་ཁེ་ལས་ཁག་ལ་ཟླ་གཅིག་ཙམ་གྲ་སྒྲིག་འཐུས་ཚང་བྱས་པའི་འགྲེམས་སྟོན་ཚོང་ཟོག་ཟླ་8ཚེས་25ཉིན་གོང་ལྷ་སར་དབོར་དགོས་པའི་བླང་བྱ་བཏོན་པ་རེད། དེ་དང་དུས་མཚུངས། མངའ་རིས་ས་ཁུལ་གྱིས་ད་དུང་འགྲེམས་ཞུགས་མི་སྣ་ཚང་མར་དུས་ཡུན་གཟའ་འཁོར་གཅིག་གི་གསོ་སྦྱོང་བྱ་རྒྱུ་རེད། ཚོང་འགུགས་མ་འདྲེན་ཐད་མིག་སྔར་མངའ་རིས་ས་ཁུལ་གྱིས་རང་སྐྱོང་ལྗོངས་རིམ་པའི་རྣམ་གྲངས་4ལ་གན་རྒྱ་འཇོག་རྒྱུའི་གཏན་འཁེལ་བྱས་པར་མ་དངུལ་སྒོར་དུང་ཕྱུར་11.05ཟིན་རེ་ཡོད་པ་དང་། ས་ཁུལ་རིམ་པའི་རྣམ་གྲངས་9ལ་གན་རྒྱ་འཇོག་རྒྱུའི་གཏན་འཁེལ་བྱས་པར་མ་དངུལ་སྒོར་དུང་ཕྱུར་3.786ཟིན་རེ་ཡོད་པ་རེད།

འབྲེལ་ཡོད་ནང་དོན།

- བོད་ལྗོངས་རྟེན་རྫས་བཤམས་མཛོད་ཁང་གི་འགྲེམས་སྟོན་མང་པོ་ཞིག་ལས་ལྟད་མོ་བའི་ཡིད་དབང་འགུགས་པ།

- སྤུས་རྟགས་བཏོད་དེ་ཡུལ་སྐོར་ལ་ཤུགས་སྣོན་བརྒྱབ་པ།

- ཞིང་པའི་དཔེ་ཁང་ནས་བློ་གྲོས་འཕེལ།

- མི་ཤུཊ་ཐོན་ཁུངས་དང་སྤྱི་ཚོཊ་འགན་སྲུང་ཁོངས་གཏོཊ་ཁ་གཏད་བོད་སྐྱོར་གྱི་ལས་དོན་བཞུགས་མོལ་ཚོཊ་འདུ་འཚོཊ་པ།

- ཀྲུང་གོའི་བོད་ཀྱི་རིག་གནས་སྤེལ་རེས་ཚོགས་པས་མོང་གོལ་རྒྱལ་ཁབ་ལ་འཚམས་འདྲི་བྱས་པ།

- སྤྱི་ཚོགས་བཅོས་སྐྱོང་གསར་གཏོད་བྱས་ཏེ་བོད་ཡུན་རིང་བདེ་འཁོད་ཡོང་བའི་འགན་ལེན་བྱེད་དགོས།

- ཀྲུང་གོ་ནས་ཡོ་རོབ་བར་གྱི་དུས་གཏན་མེ་འཁོར་ཐོག་མ་ཟླ་རྗེས་མར་མཚོ་སྔོན་ནས་གཏོང་འགོ་ཚུགས་རྒྱུ་ཡིན་པ།

- བོད་ཀྱིས་མངོན་མིན་རིག་གནས་ཤུལ་བཞག་རྒྱུན་འཛིན་པའི་གསབ་དངུལ་ཚད་གཞི་མཐོ་རུ་གཏོང་རྒྱུ་ཡིན་པ།

- མཚོ་སྔོན་ཡུལ་ཤུལ་གྱི་བོད་རིགས་སློབ་མས་ང་ཚོས་པེ་ཅིང་ནམ་ཡང་བརྗེད་མི་སྲིད་ཅེས་བཤད་པ།

- རྐང་རྩེད་སྤོ་ལོའི་འགྲན་བསྡུར་ནང་པར་ཙིར་གྱི་སྐྱེས་པའི་རུ་ཁག་ལ་ཨང་དང་པོ་ཐོབ་པ།