རྒྱུད་བཟང་བཞོན་མ།

   བཞོན་མ་གསོ་ཚགས་རྟེན་གཞི་བསྐྲུན་པ་དེས་ལྷ་ས་གྲོང་ཁྱེར་ཁྲེང་ཀོན་ཆུས་རྔ་ཆེན་ཤང་སྒང་སྟོད་གྲོང་ཚོའི་གྲོང་མི་ཚོར་ལས་ཞུགས་ཀྱི་གོ་སྐབས་བཟང་པོ་གཏོད་ཡོད་ལ།  མང་ཚོགས་རྣམས་འབབ་འཕར་ཕྱུག་འགྱུར་ཡོང་རྒྱུར་སྐུལ་འདེད་ནུས་ལྡན་ཐེབས་ཡོད་པ་རེད།

  ཉེ་བའི་ལོའི་ཚུན་དུ་ལྷ་ས་གྲོང་ཁྱེར་ཁྲེང་ཀོན་ཆུས་ཀྱིས་ཁྱད་ལྡན་ཐོན་ལས་གོང་འཕེལ་གཏོང་རྒྱུར་དམིགས་ཏེ།  བཞོན་མ་གསོ་ཚགས་ཀྱི་ལས་རིགས་གོང་འཕེལ་ཤུགས་ཆེན་བཏང་ཡོད་པ་རེད།  རྔ་ཆེན་ཤང་སྒང་སྟོད་གྲོང་ཚོར་མ་འཇོག་སྒོར་ཁྲི ༧༠༠ ལྷག་ཙམ་བྱས་ནས་རྒྱ་ཁྱོན་མུའུ ༨༥ ཟིན་པའི་བཞོན་མ་གསོ་ཚགས་བརྟེན་གཞི་བསྐྲུན་པ་དང་།  ད་ལྟ་གསོ་ཚགས་བྱེད་མཁན་ཁྱིམ་དུད ༤༤ ཡིས་བཞོན་མ ༢༧༠ གསོ་ཚགས་བྱེད་བཞིན་ཡོད་པ་རེད།