བོད་ལྗོངས་ནང་བསྟན་སློབ་གླིང་གི་དགོན་སྡེའི་གྲྭ་བཙུན་ལ་གསོ་སྦྱོང་སྤེལ་ཐེངས་བཅུ་གཉིས་པ་མགོ་བརྩམས་པ།_གསར་འགྱུར་གལ་ཆེན།

བོད་ལྗོངས་ནང་བསྟན་སློབ་གླིང་གི་དགོན་སྡེའི་གྲྭ་བཙུན་ལ་གསོ་སྦྱོང་སྤེལ་ཐེངས་བཅུ་གཉིས་པ་མགོ་བརྩམས་པ།

སྤེལ་དུས།　2016-11-10　　 ཡོང་ཁུངས།　ཀྲུང་གོའི་བོད་ལྗོངས་དྲ་བ།　　 རྩོམ་སྒྲིག་པ། 　བྱམས་པས་བསྒྱུར།

ཟླ11པའི་ཚེས7ཉིན་གྱི་སྔ་དྲོར། བོད་ལྗོངས་ནང་བསྟན་སློབ་གླིང་གི་མཐའ་འཁོབ་དགོན་སྡེའི་གྲྭ་བཙུན་ལ་གསོ་སྦྱོང་སྤེལ་ཐེངས་བཅུ་གཉིས་པ་མགོ་རྩོམ་པའི་མཛད་སྒོ་བསྡུས། ལྗོངས་སྲིད་གྲོས་ཀྱི་ཀྲུའུ་ཞི་གཞོན་པའམ་ནང་བསྟན་མཐུན་ཚོགས་བོད་ལྗོངས་ཡན་ལག་ཚོགས་པའི་ཚོགས་གཙོ། བོད་ལྗོངས་ནང་བསྟན་སློབ་གླིང་གི་སློབ་གཙོ་སྒྲུབ་ཁང•ཐུབ་བསྟན་མཁས་གྲུབ་མཛད་སྒོར་ཞུགས་པ་མ་ཟད་གསུང་བཤད་གནང་།

གསོ་སྦྱོང་ནང་བསྟན་དོན། མཐའ་འཁོབ་དགོན་སྡེའི་གྲྭ་བཙུན་ལ་གསོ་སྦྱོང་འཛིན་གྲྭ་བསྒྲུབས་པ་ནི་གྲྭ་བཙུན་གྱིས་ཆོས་ལ་སྦྱོང་བའི་ཁོར་ཡུག་ལེགས་བཅོས་དང་། གྲྭ་བཙུན་གྱི་སྤྱི་ཡོངས་བྱང་ཚད་མཐོར་འདེགས། དགོན་སྡེའི་དོ་དམ་ཆུ་ཚད་ལ་ཤུགས་སྣོན་པ་དང་གསར་སྐྲུན་བྱེད་པ་བཅས་ཀྱི་བྱེ་བྲག་གི་བྱེད་ཐབས་དང་། བོད་ལྗོངས་ཀྱི་བོད་བརྒྱུད་ནང་བསྟན་འཆམ་མཐུན་བརྟན་འཇགས་ཡོང་བར་སྲུང་སྐྱོབ་བྱེད་པའི་གནད་འགག་གི་བྱ་བ་ཞིག་ཡིན། གྲྭ་བཙུན་སློབ་མས་ཐེངས་འདིའི་གསོ་སྦྱོང་གི་གོ་སྐབས་དམ་འཛིན་གྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཏོན་པའི“ཆབ་སྲིད་སྟེང་རྒྱབ་རྟེན་བྱེད་ཆོག་པ་དང་། ཆོས་ལུགས་སྟེང་ཤེས་རྒྱ་ཡངས་པ། ཀུན་སྤྱོད་སྟེང་མང་ཚོགས་ཀྱིས་ཁས་ལེན་པ། གནད་འགག་གི་སྐབས་སུ་ནུས་པ་ཐོན་པ”བཅས་ཀྱི་མཛུབ་སྟོན་གལ་ཆེན་གྱི་དགོངས་དོན་ཡིད་ལ་དམ་པོར་བཟུང་ནས། ཆབ་སྲིད་ཚེ་སྲོག་ཏུ་བལྟ་བ་དང་རྒྱལ་གཅེས་ཆོས་གཅེས་ཀྱི་དར་ཆ་མཐོན་པོར་སྒྲེང་བ། མཐུན་སྒྲིལ་ཡར་ཐོན་བཅས་ཀྱིས་རྒྱལ་སྲུང་དམངས་ཕན་གྱི་གྲྭ་བཙུན་དཔེ་ལེགས་ཉན་ཞིག་བྱ་རྒྱུ་བརྩོན་ལེན་བྱེད་པ་དང་། སློབ་སྦྱོང་ཁ་ཟས་སུ་བརྩིས་ཏེ། སློབ་ལ་བརྩོན་པ་དང་བློ་སྦྱོང་རྣལ་མ་བྱེད་པ། ཆོས་ལུགས་ཀྱི་རིགས་པའི་གཞུང་ལུགས་དང་ཚན་རིག་རིག་གནས་ཀྱི་ཆུ་ཚད་མཐོར་འདེགས་བྱེད་པ་བཅས་ཀྱིས་མཐོང་རྒྱ་ཡངས་ཤིང་མཁྱེན་རྒྱ་ཟབ་པའི་གྲྭ་བཙུན་དཔེ་ལེགས་ཅན་ཞིག་བྱ་རྒྱུར་འབད་པ། སྒྲིག་ལམ་འགན་སྲུང་དུ་བརྩི་བ་དང་། “གཅེས་སྤྲས་བཞི”ཡི་བྱ་སྤྱོད་ཚད་གཞིར་བཟུང་སྟེ། ཀུན་སྤྱོད་ཀྱི་སྟེང་ནས་མང་ཚོགས་ཀྱིས་ཁས་ལེན་པའི་གྲྭ་བཙུན་དཔེ་ལེགས་པ་ཞིག་བྱ་དགོས་པ། བྱས་རྗེས་དམིགས་འབེན་དུ་བརྩིས་ཏེ། བྱས་རྗེས་འབུལ་སྤྲོ་བ་དང་གཞན་ལ་གཅེས་སེམས་བཅངས་པ། ཆོས་ལུགས་ཀྱི་ཤེས་རྒྱ་རྒྱུན་མི་ཆད་པར་ཇེ་ཡངས་སུ་གཏོང་བ་བཅས་ཀྱིས་གནད་འགག་གི་སྐབས་སུ་ནུས་པ་ཐོན་པའི་གྲྭ་བཙུན་དཔེ་ལེགས་ཅན་ཞིག་བྱས་ནས། བོད་བརྒྱུད་ནང་བསྟན་གྱིས་སྤྱི་ཚོགས་རིང་ལུགས་འཛུགས་སྐྲུན་ཁྲོད་སྔར་ལས་ཆེ་བའི་དྲང་ཕྱོགས་ཀྱི་ནུས་པ་ཐོན་པར་བྱ་དགོས།

འབྲེལ་ཡོད་ནང་དོན།

- ཁྲོན་བོད་ལྕགས་ལམ་དར་རྩེ་མདོ་ནས་ཉིང་ཁྲི་བར་གྱི་ལམ་བུ་ཕྱི་ལོ་སྐྲུན་འགོ་འཛུགས་རྒྱུ་ཡིན་པ།

- བོད་ལྗོངས་སུ་གཞི་ཁྱོན་ཆེ་བའི་ཞིང་ཆེན་རིམ་པའི་མ་ལམ་འཛུགས་སྐྲུན་བྱ་འཆར་ཡོད་པ།

- བོད་ལྗོངས་ཀྱི་ཞིང་འབྲོག་པའི་བུད་མེད་གློག་རྡུལ་ཚོང་དོན་སྦྱོང་བརྡར་འཛིན་གྲྭར་ཞུགས།

- བོད་ཀྱིས་ཀུན་སྤྱོད་དཔེ་བཟང་བ་དང་མིང་འདོན་བྱ་དགའ་ཐོབ་མཁན་ལ་གཟེངས་བསྟོད་བྱས་པ།

- ལུས་རྩལ་གྱིས་བོད་ཀྱི་སྟོན་དུས་སུ་ཡུལ་ལྗོངས་གཞན་ཞིག་བསྣན་པ།

- ཚན་རིག་དང་མཐུན་པའི་གོང་འཕེལ་གྱིས་བོད་ལྗོངས་ཀྱི་དཔལ་འབྱོར་བྱ་འཕུར་བ་ལྟར་འཕེལ་རྒྱུར་རོགས་འདེགས་བྱས་པ།

- བོད་ལྗོངས་སློབ་ཆེན་གྱིས་ནུས་པ་ཀུན་བཏུས་ཀྱི་བོད་སྐད་མཉེན་ཆས་དང་པོ་བཏོན་འདུག

- ཀྲུང་གོའི་མ་འཇོག་ཁེ་ལས་ཨོ་སི་ཁྲུ་ལི་ཡའི་ཞིང་ལས་གསར་སྤེལ་ནང་ཞུགས་པ།

- ཆབ་མདོ་གྲོང་ཁྱེར་གྱི་དཔལ་འབྱོར་དང་སྤྱི་ཚོགས་རྒྱུན་སྲིང་དང་སྐྱོན་བྲལ་ངང་འཕེལ་རྒྱས་བྱུང་བ།

- ཝུའུ་དབྱིང་ཅེས་ལས་བྲལ་དང་ལས་འཁྱུར་ངལ་གསོ་གནང་མཁན་ལས་བྱེད་པ་རྒན་གྲས་དང་བཞུགས་མོལ་གནང་བ།