ཐང་ག་གསར་བ་《གཅེས་པའི་ཕ་ཡུལ》

　ཉེ་ལམ་གསར་འགོད་པས་བོད་རང་སྐྱོང་ལྗོངས་དྲིལ་སྒྲོག་པུའུ་ནས་ཤེས་གསལ་ལྟར་ན། བོད་ཞི་བས་བཅིངས་འགྲོལ་བཏང་ནས་ལོ་༦༠འཁོར་བའི་ཐང་ག་བརྒྱའི་ལས་རིམ་དང་པོ་དེ་ཟླ༩བའི་ཚེས་༢༥ཉིན་བོད་ལྗོངས་ཡུལ་སྐོར་དང་རིག་གནས་རྒྱལ་སྤྱིའི་དངོས་མང་འགྲེམས་ཚོགས་སྐབས་དང་པོའི་སྟེང་ཐོག་མར་བཤམས་རྒྱུ་རེད།
      ཤེས་གསལ་ལྟར་ན། བོད་ཞི་བས་བཅིངས་འགྲོལ་ཐོབ་ནས་ལོ་༦༠འཁོར་བའི་ཐང་ག་བརྒྱའི་ལས་གཞི་དེ་ལས་ཀ་ཡོངས་མཇུག་རྫོགས་ཡོད་ཅིང་། ལས་གཞི་དེ་ནི་བོད་རང་སྐྱོང་ལྗོངས་ཀྱིས་སྤེལ་བའི་རིག་གནས་ཀྱི་ཉིང་བཅུད་འདུས་པའི་ལས་གཞི་གལ་ཆེན་ཞིག་ཡིན། ༢༠༡༢ལོར་འགོ་ཚུགས་ཤིང་། ལོ་གཉིས་རིང་ལ་ལྷ་རིས་པ་༧༠ཡིས་རྩལ་དགུ་བཏོན་ནས་ཐང་ག་བརྒྱ་བརྩམས་ཏེ། བོད་ཞི་བས་བཅིངས་འགྲོལ་བཏང་ནས་ལོ་༦༠འཁོར་བར་སྐྱེས་སུ་ཕུལ་བ་ཡིན། ད་ལོའི་ཟླ་༩བའི་ཚེས༢༥ཉིན་ནས་ཚེས༢༧ཉིན་བོད་ལྗོངས་ཀྱི་རིག་གནས་དང་ཡུལ་སྐོར་རྒྱལ་སྤྱིའི་དངོས་མང་འགྲེམས་ཚོགས་དེ་ལྷ་ས་ནས་འཚོག་རྒྱུ་ཡིན་ཞིང་། སྐབས་དེར་ཐང་ག་བརྒྱ་དེའང་འགྲེམས་ཚོགས་སུ་ཞུགས་ནས་ཀུན་གྱི་མིག་གི་དགའ་སྟོན་དུ་སྤེལ་རྒྱུ་རེད།
        ཐེངས་འདིའི་ཐང་ག་བརྒྱའི་ལས་གཞི་ནང་དུ་བོད་ཞི་བས་བཅིངས་འགྲོལ་བཏང་ནས་ལོ་༦༠འཁོར་བ་དང་། མཛེས་པའི་བོད་ལྗོངས། བོད་ཀྱི་ལོ་རྒྱུས་དང་རིག་གནས་བཅས་བརྗོད་བྱ་ཁག་གསུམ་ཚུད་ཡོད་པ་དང་། ཁྱོན་སྡོམ་ཐང་ག་སུམ་རྒྱ་ཡོད།