སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
​ན་གཞོན་ཁྲིམས་འཛིན་ལ་ཤུགས་བསྣན་ནས་ནར་མ་སོན་པའི་མི་བདེ་ཐང་ངང་འཚར་ལོངས་འབྱུང་བར་སྲུང་སྐྱོབ་བྱེད་དགོས།
སྤེལ་དུས། 2017-08-23   ཡོང་ཁུངས། མཚོ་སྔོན་བོད་ཡིག་གསར་འགྱུར།   རྩོམ་པ་པོ།  

ཆེས་མཐོའི་མི་དམངས་ཁྲིམས་ཁང་གི་ཡོན་ཀྲང་ཀྲོའུ་ཆིང་གིས་ཉེ་ཆར་ནན་གྱིས་བསྟན་དོན།ཏང་ཀྲུང་དབྱང་གི་ནར་མ་སོན་པའི་མི་ལ་སྲུང་སྐྱོབ་བྱེད་པར་ཤུགས་སྣོན་དགོས་པའི་སྐོར་གྱི་བྱེད་ཕྱོགས་སྲིད་ཇུས་ནན་ཏན་སྒོས་ལག་ལེན་མཐར་ཕྱིན་དང་།སྤྱི་ཚོགས་ཀྱི་ཐུགས་ཁུར་ལ་ཧུར་བརྩོན་སྒོས་ཨ་ལན་སློག་པ།ན་གཞོན་ཁྲིམས་འཛིན་ལ་ཤུགས་བསྣན་ཏེ།ཁྲིམས་འཛིན་འགན་ནུས་འདོན་སྤེལ་གང་ལེགས་བྱེད་པ་བཅས་ཀྱིས།ནར་མ་སོན་པའི་མིའི་ཁྲིམས་མཐུན་ཁེ་དབང་དངོས་གནས་སྲུང་སྐྱོབ་དང་ནར་མ་སོན་པའི་མི་བདེ་ཐང་ངང་འཚར་ལོངས་འབྱུང་བར་དངོས་གནས་སྲུང་སྐྱོབ་བྱེད་དགོས།

ཀྲོའུ་ཆིང་གིས་ཆེས་མཐོའི་མི་དམངས་ཁྲིམས་ཁང་གིས་བསྡུས་པའི་ན་གཞོན་ཁྲིམས་འཛིན་བཞུགས་མོལ་ཚོགས་འདུའི་སྟེང་བསྟན་དོན། ན་གཞོན་ཁྲིམས་འཛིན་བྱ་བར་འཕྲད་པའི་གནས་བབ་གསར་པ་དང་ལས་འགན་གསར་པར་ངོས་འཛིན་གང་ལེགས་བྱེད་པ་དང་།“དམིགས་སུ་འཛིན་པ་དང་དམིགས་བསལ་གྱིས་སྲུང་སྐྱོབ་བྱེད་པ”ཡི་ཁྲིམས་འཛིན་འདུ་ཤེས་རྒྱུན་འཁྱོངས་བྱས་ཏེ།ནར་མ་སོན་པའི་མིའི་ཁྲིམས་འགལ་ཉེས་བསགས་བྱ་འགུལ་ལ་ཁྲིམས་ལྟར་ཆད་གཅོད་བྱེད་པ་དང་།སློབ་རྭའི་བརྙས་སྨོད་དང་སློབ་རའི་དྲག་ཤུགས་ལ་དངོས་གནས་འགོག་བཅོས།ནར་མ་སོན་པའི་མི་དང་འབྲེལ་བའི་རྩོད་གཞི་ཐག་གཅོད་ཡང་དག་བཅས་བྱས་ནས།བདེ་འཇགས་ཀྱི་སློབ་ར་འཛུགས་སྐྲུན་བྱེད་པར་སྐུལ་འདེད་དང་།ནར་མ་སོན་པའི་མིའི་ལུས་སེམས་བདེ་ཐང་ལ་སྲུང་སྐྱོབ་བྱེད་དགོས།

ཀྲོའུ་ཆིང་གིས་ནན་གྱིས་བསྟན་དོན། གྱོད་བསྟུན་ཁྲིམས་འགྲེལ་བྱེད་པར་ཤུགས་སྣོན་དང་།ནར་མ་སོན་པའི་མིས་དང་ལེན་བྱེད་སླ་བའི་བྱེད་ཐབས་ཀྱིས་ཁྲིམས་ལུགས་དྲིལ་སྒྲོག་བྱེད་པའི་སློབ་གསོ་སྤེལ་ཏེ།ནར་མ་སོན་པའི་མིའི་ཁྲིམས་སྲུང་བ་དང་ཁྲིམས་སློབ་པ།ཁྲིམས་བརྩི་བ།ཁྲིམས་སྤྱོད་པ་བཅས་བྱེད་པའི་འདུ་ཤེས་ཇེ་དྲག་ཏུ་གཏོང་བ་དང་།བཅོས་བསྒྱུར་གསར་སྐྲུན་བྱེད་པ་རྒྱུན་འཁྱོངས་དང་།སྤྱི་ཚོགས་ཀྱི་ཕྱོགས་ཡོངས་མཐུན་སྦྱོར་མཉམ་སྡེབ་ཡོང་བར་བྱས་ཏེ།ནར་མ་སོན་པའི་མི་ལ་སྲུང་སྐྱོབ་བྱེད་པའི་བྱ་བ་མུ་མཐུད་དུ་གོང་འཕེལ་ཡོང་བར་མཉམ་དུ་སྐུལ་འདེད་གཏོང་དགོས། །

 
འབྲེལ་ཡོད་ནང་དོན།
 
 
Copyright @ China Tibet Online
འདིར་འཁོད་ཡིག་རིགས་དང་པར་རིས་རྣམས་ཀྱི་པར་དབང་ཀྲུང་གོའི་བོད་ལྗོངས་དྲ་བར་དབང་བས་དབང་བཅོལ་ཆོག་མཆན་མེད་པར་སྤྱོད་མི་ཆོག
E-Mail:jiangbai@126.com
ཁ་པར།:010-58336716