སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
   མདུན་ཤོག    འཕྲིན་གསར།    གསུང་རབ།     བོད་སྐད་ཡིག      རྩོམ་རིག      སློབ་གསོ།    ཆོས་ལུགས།    གསོ་རིག    ལོ་རྒྱུས།     སྒྱུ་རྩལ།     དམངས་སྲོལ།    སྐར་རྩིས།    མཚན་ཉིད་རིག་པ།     དཔལ་འབྱོར།
   སྲིད་ཁྲིམས།     ས་རྒྱུས།     སྐྱེ་ཁམས།     ཞིང་ཕྱུགས།     ཕྱི་སྐད་སློབ་དེབ།    དཔྱད་རྩོམ།     ཚིག་མཛོད།     དུས་དེབ་དང་ཚགས་པར།     རྩོམ་པ་པོ།    དཔེ་མཛོད་ཁང་།     པར་སྐྲུན་ཁང་།     གཞན་དག
 
«གསར་རྩོམ་ཉམས་མྱོང་གླེང་བ»ཞེས་པའི་དེབ་གསར་བ་ཞིག་པར་དུ་བསྐྲུན་ཡོད་པ།
སྤེལ་དུས། 2013-10-16   ཡོང་ཁུངས། མཆོད་མེ་བོད་ཀྱི་རྩོམ་རིག་དྲ་བ།   རྩོམ་པ་པོ།  འབྲུག་མོས་བསྒྲིགས།

                                          
    ཉེ་བའི་ཆར་བོད་ཀྱི་རྩོམ་རིག་སྡིངས་ཆར
«གསར་རྩོམ་ཉམས་མྱོང་གླེང་བ»ཞེས་པའི་དེབ་གསར་པ་ཞིག་སླེབས་འདུག   དེབ་འདི་ནི་ཀྲུང་དབྱང་མི་རིགས་སློབ་གྲྭ་ཆེན་མོའི་བོད་རིག་པའི་ཞིབ་འཇུག་གླིང་གི་འབུམ་རམས་པ་དང་རྩོམ་རིག་ཤེས་རམས་པའི་མཛུབ་སྟོན་དགེ་རྒན། གྲགས་ཆོད་པའི་སྒྲུང་གཏམ་པ་བཀྲ་བྷ་ནས་གཙོ་སྒྲིག་བྱས་པ་ཞིག་རེད་འདུག་ཅིང་། མི་རིགས་དཔེ་སྐྲུན་ཁང་གི་བོད་ཡིག་རྩོམ་སྒྲིག་ཁང་ནས༢༠༡༣ལོའི་ཟླཔོའི་ཚེས་༡ཉིན་པར་ཐེངས་དང་པོ་བརྒྱབ་པ་ཞིག་ཡིན་གསལ།  མ་ཟད་འདི་ཉིད་སློབ་གྲྭ་དེ་གའི༼བོད་ཀྱི་རྩོམ་རིག་ཞིབ་འཇུག་དེབ་ཚོགས༽ཞེས་པའི་ལས་འཆར་ལས་དེབ་ཨང་བཞི་བ་དེ་ཡིན་འདུག ༼གཞན་དྲུག་ནི«བོན་གྱི་ལྷ་རབས་ལ་དཔྱད་པ།»«སྐྱབས་ཆེན་བདེ་གྲོལ་ཞིབ་འཇུག»«དེང་རབས་སྙན་ངག་རིག་པ།»«སྟག་འབུམ་རྒྱལ་གྱི་སྒྲུང་གཏམ་ལ་དཔྱད་པ།»«ཁྲི་འདུས་སྲོང་གི་མགུར་གླུར་དཔྱད་པ།»«ལོ་བརྒྱའི་ལྷ་སའི་སྙན་ངག་གི་ཞིབ་འཇུག»བཅས་སོ༽
   
དེབ་འདིར་གླིང་མདུན་དཔལ་འབྱོར་དང་སྟག་འབུམ་རྒྱལ་སོགས་རྩོམ་པ་པོ་རྒན་གྲས་ཀྱི་སྐོར་དང་། ལོ་ན་སུམ་ཅུ་ཡས་མས་སྒང་གི་རྩོམ་པ་པོ་གཞོན་གྲས་ཀྱི་ཁྱུ་སོགས་བསྡོམས་བཞི་བཅུ་ཞེ་བཞི་ལྷག་གི་གསར་རྩོམ་གྱི་མྱོང་བ་བརྗོད་པའི་རྩོམ་ལྔ་བཅུ་ང་དགུ་འདུག དེ་དག་ཡང«ནགས་ཀློང་ཁུ་བྱུག་འདུ་གནས»ལྟ་བུའི་གསར་རྩོམ་གྱི་མྱོང་བ་གཅིག་ཏུ་དྲིལ་བའི་དེབ་དང་། «སྦྲང་ཆར»སོགས་རྩོམ་རིག་དུས་དེབ་ཆེ་གྲས་ལས་གནད་ཕིགས་པ་དག་ཕྱོགས་གཅིག་ཏུ་བསྡོམས་པ་གཞིར་བཅས། རྩོམ་གསར་པ་མང་པོ་ཡང་བར་བར་དུ་གསེབ་ཏེ་གྲུབ་པ་ཞིག་ལགས་པས། ད་ཕན་བར་གསར་རྩོམ་གྱི་མྱོང་བ་དག་བསྡོམས་པ་དམ་ལ་ཆ་རྫོགས་པ། བསྡུ་སྟོབས་ཆེ་བའི་དེབ་ཅིག་ཏུ་གྱུར་ཡོད་ཙང་། ཉར་ཚགས་དང་ཞིབ་འཇུག་ཅི་རིགས་བགྱི་བ་ལ་སྟབས་བདེ་བསྐྲུན་ཡོད།
  
དེ་ལས་ཀྱང་གླེང་རི་བ་ཞིག་ནི། ཀློག་པ་པོའི་བལྟ་འདོད་ཀྱི་ཡི་ག་གོད་པའི་ཆུ་ལྟར་འཕྱུར་ཡོང་ཆེད། དེབ་འདིའི་པར་ངོས་བཀོད་སྒྲིག་གི་ཐད་ནས་མཛེས་ཉམས་ཆེར་དོད་དེ། ཡིག་གཟུགས་ཀྱི་ཆེ་ཆུང་དང་རྩོམ་དངོས་ཀྱི་འགྱུ་སྟངས་སོགས་འགབ་ལ་ཆ་འགྲིག་པ། ཚགས་དམ་ལ་ཟོར་ཡངས་པོའི་སྒོ་ནས་ཇུས་འགོད་གནང་འདུག་པས་བལྟས་ཚོད་ཀྱིས་མིག་ལ་མཛེས་ཤིང་ཡིད་ལ་འཐད་པ་ཞིག་ཏུ་འདུག  ཤོག་ལྡེབས་ཀྱི་མཐའི་ཆར་རྩོམ་པ་པོ་རེ་རེའི་ལོ་རྒྱུས་མདོར་བསྡུས་ཤིག་ལ་འདྲ་པར་ཚུན་གང་གི་ཚད་ཙམ་སྤགས་ཏེ་མི་ངོ་ལྷ་ངོ་འཕྲོད་པར་བྱས་ཤིང་། རྩོམ་གྱི་ཁོག་འབུབས་ལས་གནད་ཟིན་པ་དང་དོན་རྩ་ཆེ་བའི་ཚིག་དག་ལོགས་སུ་བཏོན་ཏེ་སྟར་འགྲིག་པོའི་སྒོ་ནས་ཤོག་ལྡེབས་ཀྱི་མཐར་ཁྲིགས་ཆགས་སུ་བཀོད་འདུག་པས། འབྱོང་ཀློག་དང་བམ་ཀློག་གང་ཡིན་ཡང་། ནང་གི་དེ་ཉིད་ཟིན་པ་ལ་བར་ཁྱད་ཆེར་མེད་པ་ཞིག་ཏུ་བཟོས་ཡོད་པས་ལུག་སྤང་འདོད་ཀྱིས་སྤང་དང་། ར་བྲག་འདོད་ཀྱིས་བྲག་ནང་བཞིན་ཀློག་ཆོག་གི་ཡོད། 

 རྡོ་འབུམ་དཔེ་འཕྲིན།  ནང་རིག་གཏེར་མཛོད། མཆོད་མེ་རྩོམ་རིག་དྲ་བ།   གེ་སར་ཞིབ་འཇུག  ན་གཞོན་གསར་བ།

Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060