སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
   མདུན་ཤོག    འཕྲིན་གསར།    གསུང་རབ།     བོད་སྐད་ཡིག      རྩོམ་རིག      སློབ་གསོ།    ཆོས་ལུགས།    གསོ་རིག    ལོ་རྒྱུས།     སྒྱུ་རྩལ།     དམངས་སྲོལ།    སྐར་རྩིས།    མཚན་ཉིད་རིག་པ།     དཔལ་འབྱོར།
   སྲིད་ཁྲིམས།     ས་རྒྱུས།     སྐྱེ་ཁམས།     ཞིང་ཕྱུགས།     ཕྱི་སྐད་སློབ་དེབ།    དཔྱད་རྩོམ།     ཚིག་མཛོད།     དུས་དེབ་དང་ཚགས་པར།     རྩོམ་པ་པོ།    དཔེ་མཛོད་ཁང་།     པར་སྐྲུན་ཁང་།     གཞན་དག
 
གསར་དུ་ཐོན་པའི་<<བརྡ་སྤྲོད་དོན་གནད་གསེད་བཀྲོལ>>ཞེས་པའི་དཔེ་དེབ་ངོ་སྤྲོད།
སྤེལ་དུས། 2014-07-14   ཡོང་ཁུངས། ཀྲུང་གོའི་བོད་ཀྱི་སློབ་འབྲིང་དྲ་བ།   རྩོམ་པ་པོ།  འབྲུག་མོས་བསྒྲིགས།

                         དཔྱད་ཞིབ་དང་དོགས་སློང་ལས་བརྩམས་པའི་བརྡ་སྤྲོད་སྐོར་གྱི་དེབ་གསར་ཞིག
          —
གསར་དུ་ཐོན་པའི་<<བརྡ་སྤྲོད་དོན་གནད་གསེད་བཀྲོལ>>ཞེས་པའི་དཔེ་དེབ་ངོ་སྤྲོད།
                                         
      
རྩོམ་པ་བོ་འབར་ཞུན་ནམ་མིང་དངོས་ལ་ཤིས་ཚང་མཁྱེན་རབ་རྒྱ་མཚོའམ་སྨྱུག་མིང་ལ་ཤིས་ཚང་ལྗང་མྱུག་ཞུ་བས་བརྩམས་པའི་<<བརྡ་སྤྲོད་དོན་གནད་གསེད་བཀྲོལ་>>ཞེས་པའི་དཔེ་དེབ་འདི་ཉིད་ཀན་སུའུ་མི་རིགས་དཔེ་སྐྲུན་ཁང་གིས་དཔར་དུ་བསྐྲུན་ཏེ་ཚོང་རར་དགྲམ་ལ་ཉེ་འདུག
    
དེབ་འདིའི་བརྗོད་བྱ་ཧྲིལ་བོ་ནི་ང་ཚོས་རྒྱུན་དུ་མཐོང་བའི་བརྡ་སྤྲོད་ཁྲོད་ཀྱི་ནོར་བ་རྒྱུན་འབྱམས་སུ་སོང་དང་འགྲོ་བཞིན་ཡོད་པ་ཁག་དང་། དེ་མིན་རྒྱུན་དུ་ང་ཚོས་ཡི་གེ་འབྲི་ཀློག་གང་གི་སྐབས་སུ་གོ་འཛོལ་འཁྲུལ་ཉེན་ཆེ་བའི་དོན་གནད་མང་དག་ཅིག་ལ་དཔྱད་ཞིབ་དང་དོགས་སློང་བྱས་ཤིང་། དེ་དང་འབྲེལ་བའི་གཞན་གྱི་དྲི་བ་སྣ་ཚོགས་ལ་ལན་ལྡོན་པ་སོགས་ཀྱིས་གྲུབ་པ་ཞིག་ཡིན་ལ། དེབ་འདི་ནི་རྩོམ་པ་བོས་ད་སྔར་བོད་ཀྱི་བརྡ་སྤྲོད་སུམ་རྟགས་དག་གསུམ་ལ་དཔྱད་གླེང་ཉམས་ཞིབ་བྱས་དང་བྱེད་ཀྱིན་པའི་གོ་རིམ་ཁྲོད་བོད་ཀྱི་བརྡ་སྤྲོད་སྤྱིའི་དོན་གནད་རེ་འགའ་དམིགས་སུ་བཀར་ཏེ། བོད་ཡིག་སྦྱོང་སྤྱོད་སྤེལ་གསུམ་གྱི་ལས་ལ་འཇུག་པ་ཀུན་དང་། ལྷག་པར་བོད་ཀྱི་བརྡ་སྤྲོད་དོན་གཉེར་བ་དག་ལ་ཟུར་ལྟ་དང་དཔྱད་གཞིར་ཕུལ་པའི་བརྡ་སྤྲོད་ཀྱི་དེབ་ཅིག་རེད།
  
དེབ་འདིའི་ནང་དོན་ཕལ་ཆེ་བ་ནི་རྩོམ་པ་བོ་ཁོང་གིས་གཉེར་གྱིན་པའི་«འབར་ཞུན་སྐད་འཕྲིན་ཟིན་བྲིས་» ཞེས་པར་བཀོད་ཟིན་པའི་བརྡ་སྤྲོད་དང་འབྲེལ་བའི་རྩོམ་དག་ཡིན་ཞིང་། འདི་ནི་ད་སྔར་བརྡ་སྤྲོད་སྐོར་ནས་བོད་ཀྱི་སྐད་འཕྲིན་གྱི་ཟིན་བྲིས་དེབ་ཏུ་བཅོས་པ་ཆེས་ཐོག་མ་རུའང་གཞག་ཆོག དཔེ་དེབ་འདིའི་ནང་དོན་ཧྲིལ་བོ་དོན་ཚན་ཆེན་པོ་གསུམ་དུ་ཕྱེས་ཡོད་དེ། བོད་ཀྱི་བརྡ་སྤྲོད་སྤྱིའི་དོན་གནད་འགའ་རེ་བྱེ་བྲག་ཏུ་མོལ་བ་དང་། བརྡ་སྤྲོད་དང་འབྲེལ་བའི་གཞན་གྱི་དྲི་བ་སྣ་ཚོགས་ལ་ལན་ལྡོན་པ། རྒྱུན་འབྱམས་སུ་ཕྱིན་པའི་ཡིག་ནོར་འགའ་བྱེ་བྲག་ཏུ་གླེང་བ་བཅས་ཡིན་ལ། དོན་ཚན་སོ་སོར་ཡང་ནང་གསེས་སུ་དོན་གནད་བྱེ་བྲག་པ་དུ་མས་གྲུབ་པར་བྱས་ཡོད། 
 
དེའང་དོན་ཚན་གཉིས་པའི་དྲི་བ་དྲིས་ལན་དག་ནི་རྩོམ་པ་བོ་རང་ངོས་ནས་ཆེད་དུ་དྲི་བ་དྲིས་ལན་གྱི་རྣམ་པར་བགྱིས་པ་མ་ཡིན་པར་ངོ་ཤེས་མིན་གྱི་དྲ་གྲོགས་ཚོས་སྔ་ཕྱིར་ཁོང་ལ་ཡིག་ངག་གཉིས་ཐོག་ནས་དྲིས་པའི་དོགས་འདྲི་ཁག་ལ་སྐབས་ཐོག་ཏུ་ཁ་གསལ་གོ་བདེའི་ལམ་ནས་ལན་བཏབ་པ་འབའ་ཞིག་ཡིན་འདུག
  
དེབ་འདི་ཉིད་བརྡ་སྤྲོད་ཀྱི་དཔེ་དེབ་གཞན་དང་བསྡུར་ན་ཐུན་མོང་མ་ཡིན་པའི་ཁྱད་ཆོས་འགའ་ཞིག་མཆིས་ཏེ།
  
དང་བོ། དེབ་ཏུ་བཀོད་པའི་རྩོམ་ཡིག་དག་ཐོག་མར་ཁ་པར་གྱི་སྐད་འཕྲིན་ཟིན་བྲིས་སུ་སྤེལ་བ་ཡིན་པས་ཚིག་ཉུང་དོན་འདུས་དང་། སུས་ཀྱང་ཀློག་བདེ་ཞིང་ཁ་གསལ་གོ་སླ་བའི་ཁྱད་ཆོས་ལྡན།
  
གཉིས་པ། འདིར་བཀོད་པའི་རྩོམ་ཡིག་ཕལ་ཆེ་བ་ང་ཚོའི་རྒྱུན་ལྡན་གྱི་རྩོམ་འབྲི་སོགས་ཀྱི་སྐབས་སུ་ཕྲད་དང་འཕྲད་ཀྱིན་པའི་དོགས་གནད་སྐོར་ཡིན་པས། བརྡ་སྤྲོད་པའི་གཞུང་ལ་དོན་གཉེར་བྱེད་མཁན་ཙམ་དུ་མ་ཟད། བོད་ཡིག་གི་ལམ་ནས་སློབ་སྦྱོང་དང་ལས་ཀ་གཉེར་མཁན་སུ་ཡིན་ཡང་བེད་སྤྱོད་ཀྱི་རིན་ཐང་བླ་མེད་ལྡན།
       
གསུམ་པ། དེབ་ཀྱི་ཕྱི་ཤོག་འཆར་འགོད་ཇུས་ལེགས་ཤིང་སྤུས་དག་པ། ནང་གི་པར་ངོས་བཀོད་སྒྲིག་བབ་ཆགས་ཤིང་ངོས་གཙང་བ་དང་། ལྷག་པར་རྗོད་བྱེད་ཚིག་སྦྱོར་ལ་དག་ཆ་ལྡན་ཞིང་མགོ་མཇུག་བར་གསུམ་དུ་ཆད་ལྷག་ནོར་སྐྱོན་གྱི་ཆ་ཤིན་ཏུ་ཉུང་། 
  
བཞི་བ། གོ་དཀའ་བའི་གཞུང་ལུགས་ཀྱི་བརྡ་ཆད་སོགས་ཀྱིས་མ་སྤྲས་པས། བོད་ཡིག་ལ་འཇུག་པའི་ལས་དང་པོ་བ་ཞིག་ལ་མཚོན་ནའང་གོ་བདེ་སྤྱོད་བདེ་ཡིན་པའི་ཁྱད་ཆོས་ལྡན་པ་བཅས་སོ།
------------------------------------------
[
རྩོམ་པ་བོ་ངོ་སྤྲོད་མདོ་བསྡུས།]
  
(དེབ་འདིའི་རྩོམ་པ་བོ་ཁོང་ནི་དུས་རབས་སྔ་མའི་ལོ་རབས་བརྒྱད་ཅུ་བའི་ནང་མདོ་ལྷོ་ཀླུ་ཆུའི་ཡུལ་དུ་སྐྱེས་ཤིང་།   ཆུང་དུས་ནས་རབ་ཏུ་བྱུང་སྟེ་དགོན་སྡེའི་སློབ་གསོའི་འོག་ནས་མཚར་ལོངས་བྱུང་། ཕྱི་ལོ་ ༢༠༠༡ ལོ་ནས་གསར་རྩོམ་གྱི་ལམ་བུར་ཞུགས་ཤིང་། སྔ་ཕྱིར་སྙན་ངག་དང་ལྷུག་རྩོམ། དཔྱད་རྩོམ། འབོལ་རྩོམ། གཞས་ཚིག་སོགས་རྩོམ་ལུས་མི་འདྲ་བའི་རྩོམ་ཡིག་མང་དུ་སྤེལ་བ་ལས་ད་སྔར་<<ལེགས་བཤད་ལྗོན་དབང་གི་འགྲེལ་བ་བློ་གསར་རིག་འབྱེད་ལྡེ་མིག>>དང་<<སུམ་ཅུ་བའི་བཞེད་མཚམས་སོམ་ཉི་གཅོད་པའི་རལ་གྲི><<བརྡ་དག་ཕྱེ་མ་ལེབ་ཀྱི་ཚིག་འགྲེལ་བློ་གསར་བགྲོད་པའི་རྐང་སྟེགས>>སོགས་བརྩམས་ཆོས་དེབ་ལྔ་ཡོངས་ཁྱབ་ཏུ་འགྲེམས་སྤེལ་བྱས། ད་ལྟ་གཞུང་ཆེན་སློབ་གཉེར་གྱི་མཇུག་སྐྱོང་བའི་མུར་བརྡ་སྤྲོད་འཆད་སྤེལ་ལ་བརྩོན་བཞིན་ཡོད་དོ།།)    

 རྡོ་འབུམ་དཔེ་འཕྲིན།  ནང་རིག་གཏེར་མཛོད། མཆོད་མེ་རྩོམ་རིག་དྲ་བ།   གེ་སར་ཞིབ་འཇུག  ན་གཞོན་གསར་བ།

Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060