སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
   མདུན་ཤོག    འཕྲིན་གསར།    གསུང་རབ།     བོད་སྐད་ཡིག      རྩོམ་རིག      སློབ་གསོ།    ཆོས་ལུགས།    གསོ་རིག    ལོ་རྒྱུས།     སྒྱུ་རྩལ།     དམངས་སྲོལ།    སྐར་རྩིས།    མཚན་ཉིད་རིག་པ།     དཔལ་འབྱོར།
   སྲིད་ཁྲིམས།     ས་རྒྱུས།     སྐྱེ་ཁམས།     ཞིང་ཕྱུགས།     ཕྱི་སྐད་སློབ་དེབ།    དཔྱད་རྩོམ།     ཚིག་མཛོད།     དུས་དེབ་དང་ཚགས་པར།     རྩོམ་པ་པོ།    དཔེ་མཛོད་ཁང་།     པར་སྐྲུན་ཁང་།     གཞན་དག
 
《བོད་ཀྱི་སྐར་རྩིས་རིག་པའི་གཞུང་ལུགས་དང་ལག་ལེན》ངོ་སྤྲོད།
སྤེལ་དུས། 2012-02-03   ཡོང་ཁུངས།  མཚོ་སྔོན་དྲ་ག་པ།    རྩོམ་པ་པོ།  ནོར་བུ།


བོད་ཀྱི་སྐར་རྩིས་རིག་པའི་གཞུང་ལུགས་དང་ལག་ལེན། 

          དེ་ཡང་འཛམ་བུ་གླིང་གི་ཏོག་ཏུ་གྱུར་བའི་གངས་རི་ར་བས་ཡོངས་སུ་བསྐོར་བའི་ལྗོངས་འདིར་སྔོན་བྱོན་མེས་པོ་མང་པོའི་གཞལ་བར་དཀའ་བའི་བཀའ་དྲིན་ལས་མི་རིགས་གཞན་ལ་ཆུ་ཤོར་མི་དགོས་པ་རིག་ཅིང་ཤེས་པར་བྱ་བའི་གནས་ཆེ་བ་ལྔ་སྟེ། དེ་དག་རྣམས་ཀྱི་ངོ་བོ་ནི།། སྨྲ་ངན་ཚར་གཅོང་སྒྲ་དང་ཚད།། བློ་ལྡན་རྗེས་འཛིན་བཟོ་གསོ་བ།། རང་ཉིད་ཀུན་ཤེས་ནང་རིག་པ།། ཞེས་གསུངས་པ་བཞིན་སྒྲ་དང་ཚད་མས་ཚིག་དོན་འཁྲུལ་བ་ཚར་གཅོད། བཟོ་དང་གསོ་བས་གདུལ་བྱ་སྤྱི་དང་བྱེ་བྲག་རྗེས་སུ་འཛིན། ནང་དོན་རིག་པས་བདག་ཉིད་ཀུན་མཁྱེན་སྒྲུབ་པའི་ལམ་གྱི་རིམ་པ་ཀུན་ཤེས་པར་བྱེད་པས་ན་བསླབ་བྱའི་གཙོ་བོའོ།། 
          དེ་ལ་འདིར་གཞན་དག་རྗེས་སུ་འཛིན་པའི་རིག་གནས་མཆོག་གི་ཡ་གྱལ་སྐར་རྩིས་རིག་པར་ལོ་ངོ་ཉིས་སྟོང་ལྷག་གི་ལོ་རྒྱུས་ལྡན་ཞིང་། རང་རེའི་མེས་པོ་གོང་མ་རྣམས་ཀྱིས་གནས་ཀྱི་སྐར་མ་ལ་བརྟག་པའི་རྩིས་དང་།  བར་སྣང་སྤྲིན་དང་རླུང་།  འདབ་ཆགས་དང་ས་གཞིའི་རྩི་ཤིང་།  མཚོ་དང་ཆབ་རོམ་སོགས་ལ་བརྟག་པའི་རྩིས་སྣ་ཚོགས་ཞིབ་འཇུག་དང་བེད་སྤྱོད་བྱས་ཏེ་རིམ་པར་གོང་འཕེལ་བྱུང་དུ་བཏང་།  བོད་ཀྱི་སྐར་རྩིས་རིག་པ་འདི་ནི་ཁུངས་དང་ལྡན་པ་ཡིན་ཏེ།  དུས་འཁོར་རྩ་རྒྱུད་དང་བསྡུས་རྒྱུད་གཉིས་གཙོ་བོ་ཡིན་ལ།  གཞན་ཡང་རྡོ་རྗེ་མཁའ་འགྲོའི་རྒྱུད།  དབྱངས་འཆར་གྱི་རྒྱུད། མིག་བཅུ་གཉིས་བའི་མདོ། སྟག་རྣའི་རྟོག་བརྗོད། ཉི་མའི་སྙིང་བོ་མདོ་སོགས་མདོ་རྒྱུད་མང་པོ་དང་། འགྲེལ་ཆེན་དྲི་མེད་འོད། བསྡུས་རྒྱུད་འགྲེལ་བ་དྲི་མེད་འོད་ནི་རིགས་ལྡན་པད་མ་དཀར་པོས་མཛད་པ་དང་།  ཕྱག་རྡོར་སྟོད་འགྲེལ། དུས་ཀྱི་འཁོར་ལོའི་རྩིས་ཀྱི་མན་ངག་ཅེས་བྱ་བ་སོགས་རྒྱ་གཞུང་བསྟན་བཅོས་དུ་མ་ཡོད།
          བོད་གཞུང་ལ་མཚོན་ན་ཡང་། ཀརྨ་སྐུ་ཕྲེང་གསུམ་པའི་རབ་བྱུང་རྡོ་རྗེའི་རྩིས་ཀུན་ལས་བཏུས་པ།  བུ་སྟོན་ཐམས་ཅད་མཁྱེན་པའི་རྩིས་གཞུང་མཁས་བ་དགའ་བྱེད།  མཁས་གྲུབ་རྗེའི་དུས་འཁོར་ཊཱིཀ་བཤད་དེ་ཉིད་སྣང་བ།  གྲ་ཕུག་པ་ལྷུན་གྲུབ་རྒྱ་མཚོའི་རྩིས་གཞུབ་པད་དཀར་ཞལ་ལུང་མ་བུ། མཁས་གྲུབ་ནོར་བཟང་རྒྱ་མཚོའི་དུས་འཁོར་སྤྱི་དོན་དྲི་མེད་འོད་རྒྱན།  སྨིན་གླིང་ལོ་ཆེན་ངྷརྨ་ཤཱིའི་ཉིན་བྱེད་སྣང་བ། སྡེ་སྲིད་སངས་རྒྱས་རྒྱ་མཚོའི་བེེ་དཀར་པོ་མ་བུ།  ཕྱག་མཛོད་གསུང་རབ་ཀྱི་རྩིས་གཞུང་རིགས་ལྡན་སྙིང་ཐིག    བྲག་དགོན་བསྟན་པ་རབ་རྒྱས་ཀྱི་རྩིས་གཞུང་རིགས་ལྡན་མཆོད་པའི་འོད་སྣང་།  བདེ་ཆེན་སྤྲུལ་སྐུལ་བློ་བཟང་ཆོས་འཕེལ་རྒྱ་མཚོའི་རྩིས་གཞུང་དཔྱོད་ལྡན་ཡིད་ཀྱི་དགའ་སྟོན།   མཁས་དབང་ཚེ་བརྟན་ཞབས་དྲུང་ཚང་གི་སྐར་རྩིས་གཞུང་བསྡུས་མིའུ་ཐུང་སྒྱུ་མའི་གོམ་འགྲོས།  མཁས་དབང་དམུ་དགེ་བསམ་གཏན་ཚང་གི་རིགས་ལྡན་མཆོད་པའི་མེ་ཏོག   རྗེ་བསམ་གྲུབ་རྒྱ་མཚོའི་འཇམ་དབྱངས་དགྱེས་པའི་མཆོད་སྤྲིན་དང་སྐར་རྩིས་ཀུན་འདུས་ནོར་བུ་ལ་སོགས་པས་གཙོར་མཚོན་པའི་སྐར་རྩིས་ཀྱི་ཁུངས་ཤིག་ཏུ་མང་ངོ་།།

 རྡོ་འབུམ་དཔེ་འཕྲིན།  ནང་རིག་གཏེར་མཛོད། མཆོད་མེ་རྩོམ་རིག་དྲ་བ།   གེ་སར་ཞིབ་འཇུག  ན་གཞོན་གསར་བ།

Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060