སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
བོད་ཀྱི་རྫ་བཟོའི་སྒྱུ་རྩལ།
སྤེལ་དུས། 2013-04-18   ཡོང་ཁུངས། བོད་ལྗོངས་འཕྲིན་དྲ།   རྩོམ་པ་པོ།  ནོར་བུས་བསྒྲིགས།

ཕུལ་བྱུང་བོད་ཀྱི་རྫ་བཟོའི་ལག་ཤེས།

      བོད་ཀྱི་རྫ་ཆས་སྒྱུ་རྩལ་ནི་ལོ་རྒྱུས་རིང་ལ་རྣམ་གྲངས་དང་བཟོ་དབྱིབས་ཕུན་སུམ་ཚོགས་ཤིང་།  དེ་ནི་བོད་ཀྱི་དུས་རབས་སོ་སོའི་རིག་གནས་ལག་རྩལ་གྱི་སྙིང་བཅུད་ཡིན།  ད་ལྟ་རྫ་ཆས་ཀྱི་ལག་རྩལ་ཆ་ཚང་རྒྱུད་འཛིན་ཐུབ་མཁན་ཧ་ཅང་དཀོན་ཞིང་།  ས་གནས་མང་དག་དུ་དེའི་བཟོ་རྩལ་ཕལ་ཆེར་ཉམས་ཟིན་པ་རེད།  འོན་ཏེ་ད་ལྟའི་སྡེ་དགེའི་སྨན་ཤོད་སོགས་སུ་བོད་ཀྱི་སྲོལ་རྒྱུན་རིག་གནས་ལ་དགའ་ཞེན་ཆེ་བའི་མི་ཁ་ཤས་ཀྱིས་རྫ་བཟོ་དང་ཤིང་བཟོ་སོགས་ཀྱི་ལག་རྩལ་གསོ་སྐྱོང་འཛིན་གྲྭ་བཙུགས་ནས།  དེའི་ལག་རྩལ་རྒྱུན་སྐྱོང་ཐུབ་ཐབས་ལ་འབད་པ་ནི་དགའ་སྤྲོ་སྐྱེ་འོས་པ་ཞིག་རེད།

      སྤྱིར་རྫ་ཆས་བཟོ་བ་དེའང་ལས་སླ་མོ་ཞིག་མ་ཡིན་ཞིང་དེ་རྒྱུ་རྐྱེན་མང་པོ་ཞིག་ལྡན་དགོས།  དཔེར་ན།  ཐོག་མར་རྫ་མ་བཟོ་བྱེད་ཀྱི་མ་ལག་ལེན་པ་དང་།  ལྕི་བ་ལེན་པ།  ས་འདེམས་པ།  རྫ་བཟོའི་ལག་ཆ་སྒྲིག་པ།  རྫ་མ་དངོས་བཟོ་བ།  སོ་གཏོང་བ།  རྫ་རྫོང་རྒྱག་པ་སོགས་ཀྱི་གོ་རིམ་མང་དག་ཅིག་བརྒྱུད་དགོས།

    རྫ་མའི་རྣམ་གྲངས་ལའང་ཁོག་ལྡིར་དང་མེ་ཁོག  ཁོག་མ།  རྫ་མ།  བསྙལ་ཁོག  པ་རུ།  མཆོད་ཀོང་།  བཞུར་ཀྱོག  ཆུ་བན།  ཁུར་གྱམ།  བག་ཡངས།  ཆང་སྣོད།  ཞོ་རྫ།  ཇ་རུ།  རྫ་གླིང་།  རྫ་ཆོད་སོགས་རྣམ་གྲངས་མང་ཞིང་རེ་རེ་ལའང་ཆེ་ཆུང་དང་བཟོ་དབྱིབས་ཁྱད་པར་ཧ་ཅང་མང་ཞིང་།  ས་གནས་ཁག་གི་མིང་འདོགས་ཚུལ་དང་བཟོ་དབྱིབས་རྣམ་གྲངས་ལའང་དབྱེ་བ་གྲངས་ལས་འདས་སོ།

 
འབྲེལ་ཡོད་ནང་དོན།
 
 
Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060