སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
མཚོ་ལྷོ་ཁུལ་གྱི་སྐོར་བྲོའི་འཁྲབ་སྟོན་ཆེན་མོ།
སྤེལ་དུས། 2017-08-16   ཡོང་ཁུངས། ཀྲུང་གོ་བོད་ཀྱི་དྲ་བ།   རྩོམ་པ་པོ།  རྡོ་རྗེས་བསྒྲིགས།

          ཟླ8པའི་ཚེས14ཉིན་གྱི་མཚན་མོར། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་དུ་བོད་མི་སྟོང་ཕྲག་ལྷག་གིས་སྐོར་བྲོ་འཁྲབ་སྟོན་བྱས་ཤིང་། འཁྲབ་སྟོན་ཡུལ་དངོས་ཀྱི་རྣམ་པ་ཤིན་ཏུ་རྒྱ་ཆེ་བས་ལྟད་མོ་བ་མང་པོ་ཞིག་གི་ཡིད་སེམས་དབང་མེད་དུ་བཀུག
          སྐོར་བྲོའི་རིག་གནས་གནའ་ནས་ད་ལྟའི་བར་འཛིན་སྐྱོང་སྤེལ་གསུམ་བྱས་མཐར།  ཡུལ་ལུང་གི་གོམས་འདྲིས་དང་དུས་ཀྱི་ཁྱད་ཆོས་མངོན་པར་གསལ་བའི་སྐོར་བྲོ་འདྲ་མིན་སྣ་ཚོགས་ཤིག་བྱུང་དང་འབྱུང་བཞིན་ཡོད་ལ། མཚོ་ལྷོའི་སྐོར་བྲོ་ཁག་དང་པོ་དང་གཉིས་པ་སོགས་ཁྱབ་བརྡལ་དུ་བཏང་ནས།  ལོ་སར་དང་།  དུས་སྟོན།  དགོང་ཚོགས་སོགས་བྱ་འགུལ་རེ་གཉིས་ཤིག་གི་སྟེང་རང་གྲུབ་བམ་རྩ་འཛུགས་འོས་འཚམས་ཤིག་བྱས་པ་ལས་འཁྲབ་པའི་བྲོ་གར་ཞིག་ནས་འཕེལ་རྒྱས་སུ་ཕྱིན་ཏེ།  ད་ལྟར་བོད་རང་རིགས་ལས་བརྒལ་ནས་རྒྱལ་ཡོངས་མི་རིགས་ལྔ་ལྔས་མཐའ་གཅིག་ཏུ་དགའ་བསུ་དང་།   གཞན་ཡང་འཛམ་གླིང་ཡུལ་གྲུ་ཁག་ཏུ་བྲོ་འཁྲབ་པར་ན་མཉམ་ལང་ཚོ་དར་ལ་དབབ་དགོས་ཞེས་པའི་ཐིག་ཤིང་ལས་འགོངས་ཏེ།  ཁོར་ཡུག་གི་གུ་ཡངས་དོག་དང་།  དུས་ཚོད་ལ་ཚད་བཀག་མེད་པར་མི་དུ་མ་ལྷན་དུ་འདུས་རྗེས།  རོལ་མོའི་དབྱངས་འགྲོས་དང་བསྟུན་ནས་ཕྱག་དང་ཞབས་ཀྱིས་རྒྱ་འདེབས་དང་པ་དང་།  ལུས་ཀྱིས་དགྱེ་སྒུར་འཁྱོག་གསུམ་བྱས་ཏེ།  རང་སེམས་ཀྱི་འདུན་མ་མཚོན་པའམ།  ཡང་ན་ལུས་ཕུང་སྦྱོང་བརྡར་དང་སེམས་ཁམས་སྙོམ་སྒྲིག་བྱེད་པའི་ལུས་རྩལ་གྱི་རྣམ་གྲངས་ཤིག་སྟེ།  མདོར་ན་གར་མཁན་དང་ཡུལ་དུས་ལ་བཀག་རྒྱ་མེད་པར་སྐྱེས་ཕོ་མོ་རྒན་གཞོན་ཚང་མས་དུས་མཉམ་གཅིག་ཏུ་ཞབས་བྲོ་འཁྲབ་ཆོག་པའི་བྲོ་གར་ཞིག་ཏུ་གྱུར་པའོ། །



 
འབྲེལ་ཡོད་ནང་དོན།
 
 
Copyright @ China Tibet Online
འདིར་འཁོད་ཡིག་རིགས་དང་པར་རིས་རྣམས་ཀྱི་པར་དབང་ཀྲུང་གོའི་བོད་ལྗོངས་དྲ་བར་དབང་བས་དབང་བཅོལ་ཆོག་མཆན་མེད་པར་སྤྱོད་མི་ཆོག
E-Mail:jiangbai@126.com
ཁ་པར།:010-58336716