སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
རེ་མ།
སྤེལ་དུས། 2012-09-17   ཡོང་ཁུངས། བོད་ཀྱི་དྲ་བ།   རྩོམ་པ་པོ།  ནོར་བུས་བསྒྲིགས།

 

རེ་མ་ཞེས་པ་ནི་འཐེན་དཀྲོལ་རོལ་མོའི་རྣམ་གྲངས་ཤིག་སྟེ།དེ་ནམ་བྱུང་གི་ལོ་རྒྱུས་ཞིབ་པར་མི་གསལ་ཡང་འབྲེལ་ཡོད་རོལ་མོར་ཉམས་ཞིབ་གནང་མཁན་ཚོས་ཉིང་ཁྲི་ས་ཁུལ་རྨེ་རུ་ཤང་གི་ཨ་ཕོ་བློ་བསྟན་ལ་བཅར་འདྲི་ཞུས་འབྲས་སུ་ལོ་ངོ་བརྒྱ་ཕྲག་གི་ལོ་རྒྱུས་ཡོད་སྐད་དོ།།དེ་ཡང་ནང་དུ་སྤུན་བཅུག་སྟེ་ཕར་འཐེན་ཚུར་འཐེན་བྱེད་པའི་ཐགས་སྤྱད་སྒྲོམ་བུའམ་དྭགས་ཀོང་ཡུལ་སྐད་དུ་རེ་མ་ཞེས་པའི་དབྱིབས་དང་འདྲ་བས་རེ་མ་ཞེས་སུ་བརྗོད།དེ་ནི་དྭགས་ཀོང་རྒྱ་རྒྱུད་ལས་བོད་ཀྱི་ས་ཆ་གཞན་ལ་དར་སོ་མེད་ཀྱང་།རྒན་རབས་རྣམས་ཀྱི་གསུང་རྒྱུན་ལྟར་ན།དེ་སྔ་དྭགས་ཀོང་རྒྱ་རྒྱུད་ནས་འཚོ་ཐབས་ཞན་པའི་དམངས་ཁྲོད་སྒྱུ་རྩལ་པ་འགའ་རེས་དབུས་ཕྱོགས་ལྷ་སའི་སྲང་ལམ་ག་གེ་མོ་ཞིག་ཏུ་རེ་མ་ལ་བརྟེན་ནས་དྭགས་ཀོང་ཁུལ་གྱི་དམངས་གཞས་འདྲ་མིན་གཏོང་སྲོལ་ཡོད་པར་མ་ཟད།སྐབས་འགར་མཉམ་དུ་གཏོང་ངམ་ལོགས་དགར་གཏོང་ངམ་ཞེས་པའམ།ཡང་ན་ཕོ་སྐད་རྒྱག་གམ་མོ་སྐད་རྒྱག་གམ་ཞེས་པ་ལ་སོགས་པའི་མི་སྐད་སྣ་ཚོགས་བསྒྱུར་སྲོལ་ཡོད་སྐད།རོལ་ཆ་དེ་གཏོང་མཁན་གྱི་སྒྱུ་རྩལ་པར་ཆ་བཞག་ན།སྐྱེས་པ་ཡོད་ལ་བུད་མེད་ཀྱང་ཡོད།།

 
འབྲེལ་ཡོད་ནང་དོན།
 
 
Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060