སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
དགེ་བཤེས་འཇམ་དབྱངས་རྒྱ་མཚོ་ཚང་གིས་རྒན་གྱའི་བཀྲ་ཤིས་བདེ་འཛོམས་ཐང་ནས"དཔལ་དུས་ཀྱི་འཁོར་ལོའི"དབང་བསྩལ།
སྤེལ་དུས། 2015-06-29   ཡོང་ཁུངས། ཀྲུང་གོའི་བོད་ལྗོངས་དྲ་བ།   རྩོམ་པ་པོ།  པ་སངས།

དགེ་བའི་བཤེས་གཉེན་ཨ་ཁུ་འཇམ་དབྱངས་རྒྱ་མཚོ་ཚང་།

ཤིན་ཧྭ་དྲ་བའི་ལན་ཀྲུའུ་ནས་ཟླ ༦ ཚེས ༢༧ ཉིན་འབྱོར་བའི་གློག་འཕྲིན། ཟླ ༦ ཚེས ༢༧ ཉིན་བླ་བྲང་བཀྲ་ཤིས་འཁྱིལ་གྱི་དགེ་བའི་བཤེས་གཉེན་ཆེན་པོ་པཎ་ཆེན་སྐུ་ཕྲེང་བཅུ་གཅིག་པ་ཆོས་ཀྱི་རྒྱལ་པོའི་ཡོངས་འཛིན་ཨ་ཁུ་འཇམ་དབྱངས་རྒྱ་མཚོ་ཚང་གིས་ཀན་ལྷོའི་རྒན་གྱའི་ཡུལ་ནས་དཔལ་དུས་ཀྱི་འཁོར་ལོའི་དབང་ཆེན་སྩོལ་བ་རེད།

ཐེངས་འདིའི་དུས་འཁོར་དབང་མོ་ཆེ་ནི་རྒན་གྱ་ཤང་དང་དེའི་མཐའ་འཁོར་གྱི་དད་ལྡན་སེར་སྐྱ་ཡོངས་ཀྱིས་རེ་ཞུ་ཞུས་པ་ཡིན་པ་དང་། ཀན་སུའུ་ཞིང་ཆེན་སྲིད་གཞུང་ཆོས་ལུགས་ལས་དོན་སྡེ་ཁག་གིས་བསྒྲུབ་ཆོག་པའི་ཆོག་མཆན་ཐོབ་པ་རེད།

རྒན་གྱའི་བཀྲ་ཤིས་བདེ་འཛོམས་ཐང་།

དུས་འཁོར་དབང་མོ་ཆེའི་ཉིན་དང་པོར་ཀན་སུའུ་དང་སི་ཁྲོན། མཚོ་སྔོན། བོད་ལྗོངས། ཡུན་ནན་སོགས་ཀྱི་དད་ལྡན་སེར་སྐྱ་དང་ཡུལ་སྐོར་བ་མི་ཁྲི ༡༡ ཡོང་ཡོད་པ་དང་། གསར་འགོད་པས་དབང་གནང་སའི་ཡུལ་དངོས་སྟེ་བཀྲ་ཤིས་བདེ་འཛོམས་ཐང་ནས་སྦྲ་གུར་ཡང་ཁྲི ༣ ལྷག་མཐོང་།

རྒྱུས་ལོན་བྱས་པ་ལྟར་ན། དུས་འཁོར་དབང་མོ་ཆེ་ནི་ཟླ ༦ ཚེས ༢༧ ཉིན་ནས་ཟླ ༦ པའི་ཚེས ༣༠ བར་ཁྱོན་ཉིན ༤ ལ་འཚོགས་རྒྱུ་ཡིན་པ་རེད། དབང་ཆེན་བདེ་ལེགས་ངང་འགོ་ཚུགས་ཏེ་བདེ་ལེགས་ངང་མཇུག་བསྡུ་ཕྱིར་ཡུལ་དེའི་སྲིད་གཞུང་ནས་ལས་བྱེད་མི་སྣ ༥༠༠ ཡུལ་དངོས་ཀྱི་བདག་དམ་དང་ཞབས་ཞུའི་བྱ་བར་ཞུགས་སུ་བཅུག་ཡོད། དེ་དག་གིས་དབང་ཆེན་སྐབས་ཀྱི་འགྲིམ་འགྲུལ་དང་བཟའ་བཏུང་། སྨན་བཅོས། ཅ་དངོས་མཁོ་འདོན་སོགས་ཀྱི་ཐད་ལ་རོགས་རམ་ཁ་ཚང་བ་བྱེད་ཀྱིན་ཡོད། ཉིན་དང་པོར་ཆོས་གསུང་བ་དང་ཆོས་སྙན་པ། ངལ་གསོ་བ་སོགས་སྒྲིག་རིམ་ལྡན་པའི་ངང་ལེགས་འགྲུབ་བྱུང་བས། ཡུལ་དེའི་མི་རིགས་མཐུན་སྒྲིལ་དང་། ཆོས་ལུགས་མཐུན་སྒྲིལ། སྤྱི་ཚོགས་བདེ་འཇགས་སོགས་ཀྱི་སྣང་ཚུལ་ཡག་པོ་ཕྱོགས་ཡོངས་ནས་མངོན། །

དཔལ་དུས་ཀྱི་འཁོར་ལོའི་ངོ་སྤྲོད།

ནང་གི་རྩ་རླུང་ཐིག་ལེའི་ཉམས་ལེན་གཉིས། །

གཞན་ཡང་སྨིན་བྱེད་དབང་དང་གྲོལ་བྱེད་ཀྱི། །

བསྐྱེད་རྫོགས་ལམ་གཉིས་གྲོལ་འབྲས་ཨེ་མ་མཚར། །

ཞེས་མཆོད་པར་བརྗོད་པ་སྔོན་དུ་བཏང་སྟེ། རྒྱུད་སྡེ་གཞན་དང་བཤད་སྲོལ་མི་མཚུངས་པའི་ཐུན་མོང་མ་ཡིན་པའི་བཅོམ་ལྡན་འདས་དཔལ་དུས་ཀྱི་འཁོར་ལོའི་སྐོར་ཅུང་ཟད་ངོ་སྤྲོད་ཞུ་བ་ལ།

 
འབྲེལ་ཡོད་ནང་དོན།
 
 
Copyright @ China Tibet Online
འདིར་འཁོད་ཡིག་རིགས་དང་པར་རིས་རྣམས་ཀྱི་པར་དབང་ཀྲུང་གོའི་བོད་ལྗོངས་དྲ་བར་དབང་བས་དབང་བཅོལ་ཆོག་མཆན་མེད་པར་སྤྱོད་མི་ཆོག
E-Mail:jiangbai@126.com
ཁ་པར།:010-58336716