སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
པེ་ཅིན་ཙོང་ཁ་བོད་སྨན་སྒོ་བསྟེན་ཁང་གི་གནས་ཚུལ་མདོར་བསྡུས།
སྤེལ་དུས། 2013-05-09   ཡོང་ཁུངས། ཁམས་པའི་དྲ་བ།   རྩོམ་པ་པོ།  ཚེ་རྡོར་གྱིས་བསྒྲིགས།

   པེ་ཅིན་ཙོང་ཁ་བོད་སྨན་སྒོ་བསྟེན་ཁང་ནི་རང་རྒྱལ་ནུབ་ཕྱོགས་གསར་སྤེལ་སྲིད་ཇུས་བཟང་བོའི་ལེགས་ལམ་ལ་བསྟེན་ནས་ཏང་དང་རྒྱལ་ཁབ་ཀྱི་འགོ་ཁྲིད་མི་སྣའི་ཐུགས་ཁུར་དང་རྒྱབ་སྐྱོར་འོག རྒྱལ་ཡོངས་སྲིད་གྲོས་དང་རྒྱལ་ཁབ་དམངས་ཨུ།ཀྲུང་དབྱངས་འཐབ་ཕྱོགས་གཅིག་སྒྲིལ་པུའུ། པེ་ཅིན་གྲོང་ཁྱེར་འཕྲོད་བསྟེན་ཕྱོགས་ཀྱི་འགན་འཛིན་ལས་ཁུངས་སོགས་ཀྱིས་རྒྱལ་ཁབ་སྨན་ལས་གྱི་ལམ་ལུགས་སྒྲིག་སྲོལ་ལྟར་པེ་ཅིན་རི་བོ་དགེ་ལུགས་པའི་དགོན་ཆེན་དགའ་ལྡན་བྱིན་ཆགས་གླིང་གི་ཉེ་འགྲམ་དུ་སྤྱི་ལོ་ཆིག་དགུ་གོ་དགུ་ལོའི་ཟླ་བཅུ་བར་གསར་འཛུགས་མཛད་དེ་སྨན་ཁང་གི་སྒོ་མོ་པྱེ་བ་ལགས། ད་ལྟ་རྒྱལ་ཡོངས་པེ་ཅིན་དུ་བོད་སྨན་སྒོ་བསྟེན་འདི་གཅིག་པུ་ཡིན་ལ། རྒྱལ་ཡོངས་སྲིད་གྲོས་ཀྲུའུ་ཞི་གཞོན་པ་ང་ཕོད་ངག་དབང་འཇིགས་མེད་མཆོག་གིས་གདེང་འཇོག་དང་གཟེངས་བསྟོད་གནང་བ་མ་ཟད་ཙོང་ཁ་བོད་སྨན་སྒོ་བསྟེན་ཁང་ཞེས་ཕྱག་བྲིས་གནང་སྟེ་མཚན་སྙན་བཏགས། རྒྱལ་ཡོངས་སྲིད་གྲོས་རྒྱུན་ཨུ།ཀྲུང་གོ་བོད་བརྒྱུད་ནང་བསྟན་མཐོ་རིམ་སློབ་གླིང་གི་འགོ་གཙོ་གཞོན་པ་སྐྱབས་རྗེ་ཆེ་ཤོས་སྐུ་ཕྲེང་བཞི་བ་རྗེ་བློ་བཟང་དཔལ་ལྡན་ལུང་རིགས་རྒྱ་མཚོ་རིན་པོ་ཆེ་མཆོག་ཐེངས་མང་པོར་གནས་འདིར་ཕེབས་ནས་བསླབ་བྱ་དང་མཛུབ་སྟོན་གནང་སྟེ་བོད་སྨན་སྒོ་བསྟེན་ཁང་འདིར་མ་འོངས་བའི་མདུན་ལམ་གྱི་ཁ་ཕྱོགས་གསལ་བར་བསྟན། ཁྱད་པར་དུ་རྗེ་འདི་བའི་སློབ་སྟོན་བཞིན་རྣམ་གྱུར་སེམས་ཅན་ཀུན་གྱི་རིམས་ནད་མཐའ་དག་སེལ་ཏེ་བདེ་སྐྱིད་ཀྱི་དཔལ་ལ་འགོད་པའི་བྱ་བཞག་ལ་ནུས་པ་ཡོད་ཚད་བཏོན། དེ་ཕྱིར་མི་རིགས་སོ་སོའི་བསྔགས་བརྗོད་ཀྱི་མེ་ཏོག་སིལ་མ་ཡང་ཡང་གཏོང་བཞིན་མཆིས། ངེད་ཅག་ཙོང་ཁ་བོད་སྨན་སྒོ་བསྟེན་ཁང་བཙུགས་ནས་ལོ་འཁོར་བཅུ་ལྷག་གི་རིང་ལ་མི་རིགས་ཐུན་མོང་མ་ཡིན་པའི་གསོ་རིག་གཞུང་ལུགས་དང་སྨན་གྱི་བྱིན་རླབས་ལ་བསྟེན་ནས་ནད་པའི་སྙིང་རླུང་གི་ནད། གཟའ་ནད། དྲེག་གྲུམ།   རྩ་དཀར་ནག་གི་ནད།   མཆིན་མཁྲིས་ཀྱི་ནད། ཕོ་ནད་སོགས་ཀྱི་སྡུག་བསྔལ་སེལ་བའི་ཕྱོགས་ལ་གྲུབ་འབྲས་རྨད་བྱུང་བླངས། རྒྱལ་ཡོངས་ཀྱི་ཞིང་ཆེན་སོ་སོ་དང་།གྲོང་ཁྱེར། རང་སྐྱོངས་ལྗོངས།དེ་མིན་ཕྱི་གླིང་སོགས་ཡུལ་གྲུ་ཀུན་ནས་འོངས་པའི་ནད་པ་རྣམས་དྲི་ལྡན་མེ་ཏོག་གི་ཚལ་དུ་བུང་བའི་ཚོགས་འདུས་པ་ཇི་བཞིན། 

 
འབྲེལ་ཡོད་ནང་དོན།
 
 
Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060