སློབ་གསོ།         སྐད་ཡིག         རྩོམ་རིག        ཆོས་ལུགས།        སྒྱུ་རྩལ།        གསོ་རིག        དམངས་སྲོལ།        དཔེ་དེབ།         སྒྲ་བརྙན།        པར་མཛོད།         གློག་རྡུལ་དུས་དེབ།         དྲི་བ་འདོན་ས།       
 
 
༄༅།།ལྷོ་ཁ་ས་ཁུལ་གྱིས་ཡུལ་སྐོར་བྱེད་ས་གསར་པ་སྟེ་ལེགས་པ་ལུང་པའི་མཛེས་ལྗོངས་ཁུལ་གསར་དུ་འཛུགས་རྒྱུ་རེད།
སྤེལ་དུས། 2010-06-02   ཡོང་ཁུངས། ཀྲུང་གོའི་བོད་ལྗོངས་ཆ་འཕྲིན་ལྟེ་གནས།   རྩོམ་པ་པོ།   ལྗོན་སྨྱུག་ནས་བསྒྲིགས་ཤིང་བསྒྱུར། ཟླ་གཞོན་ནས་ཞུས།

 
     བོད་ཀྱི་རིག་གནས་ཀྱི་འབྱུང་ཁུངས་སུ་གྲགས་པའི་ལྷོ་ཁ་ས་ཁུལ་གྱིས་ལོ་རྒྱུས་དང་རིག་གནས་ཀྱི་རྫོང་མཐུག་པོའི་མིང་དོན་ལ་བརྟེན་ནས་དུས་ད་ལྟའི་བར་དུ་ཡུལ་སྐོར་བ་རྣམས་ཀྱི་ཡིད་སེམས་འགུག་བཞིན་ཡོད་པ་རེད། འོན་ཀྱང་གནས་དེའི་ངོ་མཚར་བའི་ཡུལ་སྐོར་ཐོན་ཁུངས་ཀྱི་ཐད་ནས་དེ་ཙམ་དུ་མ་ཟད་ད་དུང་གཞན་ཡང་ཡོད་དོ། ཉེ་ལམ་གསར་འགོད་པས་ལྷོ་ཁ་ས་ཁུལ་ཡུལ་སྐོར་ཅུས་ཀྱི་ཅུས་ཀྲང་ཆིའུ་ལིན་ཁྲུའུ་ལ་བཅར་འདྲི་བྱས་པ་ལས་རྒྱུས་ལོན་བྱུང་བ་ལྟར་ན། ཕྱིས་འབྱུང་གི་དུས་སྐབས་ཤིག་རིང་།ལྷོ་ཁ་ས་ཁུལ་གྱིས་མ་དངུལ་སྒོར་དུང་ཕྱུར་གསུམ་ཡས་མས་བཏང་ནས་བོད་ལྗོངས་ཀྱི་ཡུལ་སྐོར་གནས་མཆོག་གསར་བ་སྟེ་ལེགས་པ་ལུང་པའི་གདོད་མའི་སྐྱེ་ཁམས་ཡུལ་སྐོར་མཛེས་ལྗོངས་ཁུལ་ཞེས་པ་བསྐྲུན་རྒྱུ་ཡིན་པ་རེད། 
                                                    

                                                                            ལྗོན་ཤིང་འདབ་ལོས་གཡོགས་པའི་ལེགས་པ་ལུང་བ།
         ལེགས་པ་ལུང་པའི་མཛེས་ལྗོངས་ཁུལ་ནི་ལྷོ་ཁ་ས་ཁུལ་གྱི་མཚོ་སྣ་རྫོང་གི་ནུབ་ལྷོའི་ཕྱོགས་སུ་ཆགས་ཤིང་། ལྷོ་ཁ་ས་ཁུལ་གྱི་ས་ཨུ་དང་སྲིད་འཛིན་ཀུང་ཧྲུའུ་ཡོད་སའི་རྩེད་ཐང་གི་བར་ལ་སྤྱི་ལེ༢༨༠ཙམ་དང་། ལྷ་ས་གྲོང་ཁྱེར་དང་བར་ཐག་སྤྱི་ལེ༤༡༠ཙམ་ཡོད། ཆ་སྙོམས་ཀྱི་ས་བབ་མཐོ་ཚད་ལ་སྨི༢༤༠༠ཡོད་པ་དང་། ནུབ་ཏུ་འབྲུག་ཡུལ་དང་། ལྷོ་རུ་རྒྱ་གར་བཅས་དང་འབྲེལ་ཡོད་པས། རང་རྒྱལ་གྱི་ནུབ་ལྷོ་མཐའ་མཚམས་བར་འགྲོ་འོང་བྱེད་སའི་སྒོ་མོ་གལ་ཆེན་ཞིག་ཡིན།
         ལེགས་པ་ལུང་པ་ནི་རང་བྱུང་གི་མཛེས་ལྗོངས་དང་རྩོལ་བྱུང་མཛེས་ལྗོངས་ཧ་ཅང་ཕུན་སུམ་ཚོགས་པའི་ལུང་པ་ཞིག་ཡིན་ཞིང་། ས་བབ་མཐོ་ཚད་སྨི་༤༥༠༠ལྷག་གི་སྤོ་ལྷ་ཉག་ག་ནས་སྦྲེལ་ལྟར་འཁྱུད་པའི་རི་འགོའི་གཞུང་ལམ་ཀྱག་ཀྱོག་བརྒྱུད་དེ་རི་འདབས་ཀྱི་ས་བབ་སྨི༢༤༠༠ཙམ་ལ་ཐོན་པའི་བར་དུ། བལྟས་ཚོད་དུ་རི་སྟེང་དང་རི་འདབས་ཙམ་དུ་དབྱེ་ཡོད་ནའང་། ཡུལ་ལྗོངས་ཀྱི་བཀོད་པ་དང་ཁ་དབུགས་ཀྱི་ཆ་ནས་ཁྱད་པར་ཆེན་པོ་ཡོད་པ་རེད། ལེགས་པ་ལུང་པ་ནི་ལྷོ་ཁ་ས་ཁུལ་གྱི་གདོད་མའི་ནགས་ཚལ་གཞན་དང་བསྡུར་ན་འགྲོ་བ་མིས་སླད་མ་བཏང་བའི་ཨེ་ཤ་ཡའི་ཚ་ཁུལ་གྱི་སྐྱེ་ཁམས་ལྗོངས་ཁུལ་ཞིག་ཡིན། ས་དེར་ཆར་ཆུ་མོད་པས། ནགས་ཚལ་དེ་ནི་ནགས་རྫོབ་སྟུག་ཅིང་མཐའ་མི་མངོན་པ་ཞིག་ཡིན། ས་བབ་མཐོ་ཚད་སྨི༡༠༠ཡི་ཚ་བ་ཆེ་ཞིང་ཆར་ཆུ་མང་བའི་མཐོན་མཐིང་ནགས་ཚལ་ནས་ས་བབ་སྨི༤༠༠༠ལྷག་ཡོད་པའི་གྲང་ལྷགས་ཆེ་ཞིང་ཐར་ཐོར་དུ་སྐྱེས་པའི་ནགས་ཚལ་བཅས་ནགས་ཚལ་རྣམ་པ་སྣ་ཚོགས་ཤིག་མཆིས།  

 
འབྲེལ་ཡོད་ནང་དོན།
 
 
Copyright @ China Tibet Online
འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་བོད་ལྗོངས་ཆ་འཕྲིན་ལྟེ་གནས་ལ་དབང་བས་
ཕན་ཚུན་དབང་བཅོལ་དང་གྲོས་མོལ་མ་བྱས་གོང་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།།

E-Mail:Tict@tibet.cn
ཁ་པར།:8610-58336060