ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར། ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ། ཁྲོན་བོད་ལྕགས་ལམ་ལྷ་ས་ནས་ཉིང་ཁྲི་བར་གྱི་ལམ་བུའི་བསམ་གྲུབ་གླིང་ཕུག་ལམ་ཤར་བགྲོད་ཐུབ་པ། ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ།
ཀྲུང་གོའི་བོད་ལྗོངས་དྲ་བ། > བོད་སྐྱོར། > ཁ་བཏད་རོགས་སྐྱོར།

བྱང་ཆུབ་པའི་སྨན་བཅོས་ལག་རྩལ་དང་བྱམས་སེམས་ལ་བརྟེན་ནས་ས་མཐོར་ལེགས་སྐྱེས་ཕུལ།

སྤེལ་དུས 2018-02-08 ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། རྩོམ་པ་པོ། སྒྲོལ་མས་བསྒྲིགས།
ཧྥུའུ་ཅན་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བརྒྱད་པས་སྨན་བཅོས་འཕྲོད་བསྟེན་གྱི་བོད་སྐྱོར་ལ་སྐུལ་འདེད་གཏིང་ཟབ་བཏང་བ།
           2016ལོའི་ཟླ་7པར། ཧྥུའུ་ཅན་ཞིང་ཆེན་བོད་སྐྱོར་ལས་དོན་རུ་ཁག་ཁག་བརྒྱད་པའི་སྨན་བཅོས་འཕྲོད་བསྟེན་ལས་བྱེད་ཤེས་ལྡན་པ་9ཡིས་ལེ་དབར་ཁྲི་སྟོང་བརྒྱབ་ནས་ཆབ་མདོ་གྲོང་ཁྱེར་འཕྲོད་བསྟེན་དང་འཆར་བཙའ་ཨུ་ལྷན་དང་། ཆབ་མདོ་གྲོང་ཁྱེར་སྨན་རྩིས་ཁང་། ལྷོ་རོང་རྫོང་འཕྲོད་བསྟེན་ཞབས་ཞུའི་ལྟེ་གནས། དཔལ་འབར་རྫོང་འཕྲོད་བསྟེན་ཞབས་ཞུའི་ལྟེ་གནས་སོགས་སུ་བོད་སྐྱོར་ལས་དོན་སྒྲུབ་པར་ཡོང་བ་རེད།
           ཁོང་ཚོས་ཁྱིམ་ཚང་ཆུང་ངུ་དོར་ནས་དམངས་ལ་བརྩེ་སེམས་བཅངས་ཏེ་དཀའ་ངལ་ཁྱད་བསད་ཀྱིས་ཆབ་མདོའི་སྨན་བཅོས་ལས་དོན་ནང་ཧུར་ཐག་ཞུགས་ནས་ཆབ་མདོའི་སྨན་བཅོས་འཕྲོད་བསྟེན་གྱི་རྨང་གཞིའི་ཆ་རྐྱེན་ལེགས་བཅོས་བྱ་རྒྱུར་འབད་བརྩོན་ལྷོད་མེད་བྱས་པ་དང་། ཕུན་སུམ་ཚོགས་པའི་ཉམས་མྱོང་དང་རྩེར་སོན་གྱི་ལག་རྩལ་སྦ་གསང་མེད་པར་ས་གནས་ཀྱི་སྨན་དོན་པར་བསླབ་པས། ཁོང་ཚོའི་བྱང་ཆུབ་པའི་སྨན་བཅོས་ལག་རྩལ་དང་སྨན་པའི་ཀུན་སྤྱོད་བཟང་པོར་ས་གནས་དེ་གའི་མང་ཚོགས་ཀྱི་བསྔགས་བརྗོད་ཐོབ་པ་རེད།
ནད་ཐོག་སྨན་བཅོས་བྱས་ནས་དཀའ་ངལ་བསལ།
           “ས་གནས་མང་ཚོགས་ཀྱི་དགོས་མཁོ་ཆེ་ཤོས་དང་རྨང་གཞིའི་ལས་དོན་ནས་འགོ་བརྩམས་ཏེ་གོམ་པ་རེ་རེ་བཞིན་རྨང་གཞི་འདིང་བ་དང་ཞན་ཆ་གསབ་སྟེ་ནད་ཡམས་སྔོན་འགོག་ཚོད་འཛིན་གྱི་སྲུང་ཡོལ་བསྐྲུན་ནས་ས་གནས་དེ་གའི་སྨན་བཅོས་འཕྲོད་བསྟེན་ཞབས་ཞུའི་ཆུ་ཚད་རིམ་བཞིན་མཐོ་རུ་བཏང་སྟེ་མང་ཚོགས་ནད་བསྟེན་དཀའ་བའི་གནད་དོན་ཐག་གཅོད་བྱས་ཡོད”དེ་ནི་ཧྥུའུ་ཅན་ཞིང་ཆེན་གྱི་བོད་སྐྱོར་ལས་དོན་རུ་ཁག་ཁག་བརྒྱད་པས་སྨན་བཅོས་འཕྲོད་བསྟེན་ལས་བྱེད་ཤེས་ལྡན་པ་སྒྲིག་འཛུགས་བྱས་ནས་ཆབ་མདོ་གྲོང་ཁྱེར་གྱི་ད་ཡོད་ལས་དོན་ལ་དམིགས་ནས་བཏོན་པའི་སྤྱིའི་བསམ་ཕྱོགས་རེད།
           དེར་བརྟེན་ལས་དོན་རུ་ཁག་གིས་འཆར་གཞིའི་བོད་སྐྱོར་མ་དངུལ་སྒོར་དུང་ཕྱུར་1.9བསྡུ་རུབ་བྱས་པའི་ནང་ནས“2+4”འཕྲོད་བསྟེན་རྣམ་གྲངས་ཏེ་ཆབ་མདོ་གྲོང་ཁྱེར་ནད་ཡམས་སྔོན་འགོག་ཚོད་འཛིན་ལྟེ་གནས་དང་མཛོ་སྒང་རྫོང་ནད་ཡམས་སྔོན་འགོག་ཚོད་འཛིན་ལྟེ་གནས་ཀྱི་རྣམ་གྲངས་དང་། ཁ་གཏད་རྫོང་སྨན་ཁང་4འཛུགས་སྐྲུན་ལ་གཙོ་གནད་དུ་རྒྱབ་སྐྱོར་བྱས་ནས་ཆབ་མདོ་གྲོང་ཁྱེར་གྱི་ནད་ཡམས་སྔོན་འགོག་ཚོད་འཛིན་དང་གཞི་རིམ་གྱི་སྨན་བཅོས་འཕྲོད་བསྟེན་ཞབས་ཞུའི་ཆུ་ཚད་གཙོ་གནད་དུ་གོང་མཐོར་གཏོང་རྒྱུ་རེད། མིག་སྔར་རྣམ་གྲངས་ཀྱི་ལས་དོན་ཁག་གོ་རིམ་ལྡན་པའི་སྒོ་ནས་སྤེལ་བཞིན་ཡོད།
           ལག་རྩལ་གྱི་ལེགས་ཆ་འདོན་སྤེལ་བྱས་ནས་ནད་བརྟག་སྨན་བཅོས་དཀའ་བའི་ནད་གཞི་དང་ནད་གཞི་ལྕི་པོ་སྨན་བཅོས་བྱ་ཆེད་བོད་སྐྱོར་སྨན་པས་སེམས་ནུས་དང་རྔུལ་ཆུ་མང་པོ་བཏོན་ཡོད།
ཁ་བཤད་དཔེ་སྟོན་བྱས་ནས་ཤེས་ལྡན་པ་གསོ་སྐྱོང་བྱས།
           ས་གནས་སྨན་དོན་མི་སྣའི་ཆེད་ལས་ལག་རྩལ་གྱི་ཆུ་ཚད་སྔར་བས་མཐོ་རུ་གཏོང་བ་དང་། “ནམ་ཡང་གནས་ཐུབ་པའི་བོད་སྐྱོར་སྨན་བཅོས་རུ་ཁག”གཅིག་གཏོད་ཆེད། ཧྥུའུ་ཅན་ཞིང་ཆེན་བོད་སྐྱོར་སྨན་བཅོས་རུ་ཁག་གིས“བརྒྱུད་རོགས་ཁྲིད་སློབ”བཅས་ཀྱི་བྱ་ཐབས་བཞི་བཏོན་པ་རེད།
           ཆབ་མདོ་གྲོང་ཁྱེར་སྨན་རྩིས་ཁང་གིས“སློབ་ཁྲིད་དང་། བགྲོ་གླེང་། དཔྱད་བསྡུར”བཅས“གསུམ་གཞི་གཅིག”གི་སློབ་ཁྲིད་བྱ་ཐབས་བཏོན་ནས་བརྒྱུད་རོགས་ཁྲིད་ཀྱི་ལས་དོན་ཤུགས་ཆེན་སྤེལ་ཏེ་གཤག་བཅོས་བྱེད་སྟངས་བསླབ་པ་རེད།
           བོད་སྐྱོར་ལས་བྱེད་ཤེས་ལྡན་པའི་སྦྲེལ་ཟམ་གྱི་ནུས་པ་འདོན་སྤེལ་དང་ཧྥུའུ་ཅན་དང་ཆབ་མདོ་ས་གནས་གཉིས་ཀྱི་འབྲེལ་ཡོད་ཚན་པའི་དབར་ཆ་སྒྲིག་རོགས་སྐྱོར་གྱི་འབྲེལ་བ་འཛུགས་རྒྱུར་སྐུལ་འདེད་གཏོང་ཆེད། ལག་རྩལ་གྱི་བོད་སྐྱོར་དང་ཤེས་ལྡན་པའི་བོད་སྐྱོར་ཐད་གཙོ་གནད་ཐོག་ཤུགས་སྣོན་བརྒྱབ་ཅིང་། མིག་སྔར་ཧྥུའུ་ཅན་ཞིང་ཆེན་ནད་ཡམས་སྔོན་འགོག་ཚོད་འཛིན་ལྟེ་གནས་དང་། ཞིང་ཆེན་ལས་ནད་དང་རྫས་འགྱུར་གྱི་དུག་ཕོག་ཚོད་འཛིན་ལྟེ་གནས་ཀྱིས་ཆབ་མདོ་གྲོང་ཁྱེར་ནད་ཡམས་སྔོན་འགོག་ཚོད་འཛིན་ལྟེ་གནས་དང་ཁ་གཏད་རྫོང་བཞིའི་སྨན་བཅོས་སྒྲིག་གཞི་དང་དེ་བཞིན་དེ་མཚུངས་ཀྱི་ས་གནས་དང་གྲོང་ཁྱེར་གྱི་སྨན་བཅོས་ཚན་པ་དང་ཆ་སྒྲིག་རོགས་སྐྱོར་གྱི་འབྲེལ་བ་བཙུགས་པའམ་ཡང་ན་ཁ་གཏད་རོགས་སྐྱོར་གྱི་གྲོས་མཐུན་བཞག་པ་རེད།
འོས་འགན་སྨན་བཅོས་བྱས་ནས་མི་སེམས་ལ་དྲོ་སྐྱིད་སྦྱིན།
           འདི་ལོའི་ཟླ་ལྔ་པར། དཔལ་འབར་རྫོང་གི་ལྷ་རྩེ་ཤང་དུ་བྱེས་བགྲོད་རླངས་འཁོར་མང་པོ་འབྱོར་ནས་ཧྥུའུ་ཅན་ཞིང་ཆེན་བོད་སྐྱོར་སྨན་བཅོས་རུ་ཁག་གིས་ཆབ་མདོ་གྲོང་ཁྱེར་གྱི་གཞི་རིམ་དུ་འོས་འགན་སྨན་བཅོས་ཀྱི་བྱེད་སྒོ་སྤེལ་བ་རེད།
           འོས་འགན་སྨན་བཅོས་བྱེད་རིང་ས་གནས་དེ་གའི་མང་ཚོགས་སྨན་བཅོས་བྱེད་པར་ཡོང་མཁན་རྒྱུན་མི་ཆད་པ་དང་ཁྲག་ཤེད་མཐོ་བ་དང་། དོས་དྲག་གམ་དལ་བའི་རང་བཞིན་གྱི་ཕོ་རྒྱུའི་ནད། ཆམ་ནད། དབུགས་ལམ་ལ་གཉན་ཁ་རྒྱས་པ། གྲུམ་བུ་ཚིགས་ཆེན་གྱི་ནད། བྱིས་པའི་གཞན་བརྟེན་སྲིན་འབུའི་ནད་སོགས་བོད་སྐྱོར་སྨན་བཅོས་རིགས་གཅིག་མཁས་ཅན་ཚོས་སྔ་དྲོ་ནས་ཉིན་དགུང་བར་སྨན་བཅོས་ལས་ལ་བྲེལ་བ་དང་། གཞི་རྩའི་ཁྲག་ཤེད་ལྟ་བ་དང་ལུས་དྲོད་བརྟག་དཔྱད་བྱེད་པ་ནས་སྨན་ཐོ་འབྲི་བ་དང་སྨན་སྤྲོད་པ་དང་འབྲེལ་སྨན་སྤྱོད་སྟངས་གསལ་བཤད་ཞིབ་ཕྲ་བྱས་ཡོད།
           ས་བབ་མཐོ་ཡང་ལས་ཀའི་ཚད་གཞི་དམའ་རུ་ཕྱིན་མེད། གསོ་རླུང་དཀོན་ཡང་ལེགས་སྐྱེས་འབུལ་བའི་སྙིང་སྟོབས་མི་ཉམས་ཡུན་དུ་གནས་ཡོད།