གྲོང་གསེབ་སློབ་གྲྭའི་བྱིས་པའི་ཕོ་བྲང་གི་སེམས་ཁམས་བདེ་ཐང་ཟུར་ཁྲིད་པར་གསོ་སྦྱོང་བྱས་པ།
སྤེལ་དུས 2018-12-21
ཡོང་ཁུངས། བོད་ལྗོངས་ཁྲིམས་ལུགས་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
ལྗོངས་ཡོངས་ཀྱི་གྲོང་གསེབ་སློབ་གྲྭའི་བྱིས་པའི་ཕོ་བྲང་རྣམ་གྲངས་ཀྱི་སློབ་གྲྭའི་སེམས་ཁམས་བདེ་ཐང་ཟུར་ཁྲིད་དགེ་རྒན་གྱི་ལས་སྒོའི་རྩལ་ནུས་སྔར་བས་མཐོ་རུ་གཏོང་བ་དང་། གྲོང་གསེབ་སློབ་གྲྭའི་བྱིས་པའི་ཕོ་བྲང་གི་སེམས་ཁམས་ཟུར་ཁྲིད་ཁང་གི“མ་བྱུང་སྔོན་འགོག”གི་ནུས་པ་གང་ལེགས་འདོན་ཆེད། ཉེ་ཆར། རང་སྐྱོང་ལྗོངས་ཤེས་དཔལ་སྲོལ་གཏོད་གཞུང་ལས་ཁང་གིས་ལྗོངས་སློབ་གསོ་ཐིང་དང་མཉམ་དུ་ལྷ་སར་ལྗོངས་ཡོངས་ཀྱི་གྲོང་གསེབ་སློབ་གྲྭའི་བྱིས་པའི་ཕོ་བྲང་རྣམ་གྲངས་ཀྱི་སློབ་གྲྭའི་སེམས་ཁམས་བདེ་ཐང་ཟུར་ཁྲིད་ཀྱི་ཆེད་འགན་དང་ཞོར་འགན་འཁུར་མཁན་དགེ་རྒན་ཁག་གཅིག་ལ་ཆེད་དོན་གསོ་སྦྱོང་བྱས་པ་རེད། 2016ལོ་འཁོར་ནས་2018ལོ་འཁོར་གྱི་གྲོང་གསེབ་སློབ་གྲྭའི་བྱིས་པའི་ཕོ་བྲང་རྣམ་གྲངས་ཀྱི་སློབ་གྲྭར་སློབ་མའི་སེམས་ཁམས་བདེ་ཐང་ཟུར་ཁྲིད་ལ་གཞོལ་མཁན་གྱི་ཆེད་འགན་དང་ཞོར་འགན་འཁུར་མཁན་གྱི་དགེ་རྒན་དང་། གྲོང་ཁྱེར(ས་ཁུལ)བདུན་གྱི་ཤེས་དཔལ་སྲོལ་གཏོད་གཞུང་ལས་ཁང་དང་། སློབ་གསོ་ཅུས་ཀྱི་ལས་དོན་མི་སྣ་བཅས་བསྡོམས་མི་90ལྷག་ཙམ་གསོ་སྦྱོང་ལ་ཞུགས་པ་རེད།