རྒྱལ་ཡོངས་ཚན་རྩལ་མཐུན་ཚོགས་ཁོངས་གཏོགས་ཀྱིས་བོད་སྐྱོར་རྣམ་གྲངས་68ལག་བསྟར་བྱ་རྒྱུ་ཡིན་པ།
སྤེལ་དུས 2017-08-29
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ།
གསར་འགོད་པས་རྒྱལ་ཡོངས་ཚན་རྩལ་མཐུན་ཚོགས་ཁོངས་གཏོགས་ཀྱི་ཁ་གཏད་བོད་སྐྱོར་ལས་དོན་བཞུགས་མོལ་ཚོགས་འདུའི་ཐོག་ནས་ཤེས་རྟོགས་བྱས་པར། རང་ལྗོངས་ཀྱི་ཚན་རྩལ་མཐུན་ཚོགས་ཁོངས་གཏོགས་དང་རྒྱལ་ཡོངས་ཚན་རྩལ་མཐུན་ཚོགས་ཁོངས་གཏོགས་ཀྱིས་རྣམ་གྲངས་68མཐུད་འབྲེལ་བྱ་རྒྱུ་ཡིན་པ་དེའི་ལག་བསྟར་དུས་བཀག་2017ལོ་ནས་2020ལོ་བར་ཡིན་པ་རེད།
ཤེས་རྟོགས་བྱས་པར་གཞིགས་ན། རང་སྐྱོང་ལྗོངས་ཚན་རྩལ་མཐུན་ཚོགས་དང་ཀྲུང་གོ་ཚན་རྩལ་མཐུན་ཚོགས་དེ་བཞིན་ཁོངས་གཏོགས་སྒྲིག་གཞིས་རྣམ་གྲངས་21མཐུད་འབྲེལ་བྱ་རྒྱུ་ཡིན་པ་དེའི་ནང་དོན་གཙོ་བོ་ཚན་རིག་སློབ་གསོ་དང་། ཚན་རིག་ཁྱབ་གདལ་དཔེ་སྟོན། ཚན་རིག་ཁྱབ་གདལ་ཐོན་རྫས་ཞིབ་བཟོ། གསར་གཏོད་རིམ་སྤོར། ཚན་རྩལ་ཞབས་ཞུའི་ལས་སྟེགས། རིག་གཞུང་སྤེལ་རེས། ཇུས་འདོན་ཚོགས་པ་སྐྲུན་པ། འབྲེལ་ཡོད་སྒྲིག་ཆས་གསར་བརྗེས་སོགས་ཀྱི་ཁྱབ་ཁོངས་དང་འབྲེལ་བ་ཡོད། རང་ལྗོངས་ཀྱི་གྲོང་ཁྱེར(ས་ཁུལ)7གྱི་ཚན་རྩལ་མཐུན་ཚོགས་ཁོངས་གཏོགས་དང་ཁ་གཏད་རོགས་སྐྱོར་བྱེད་མཁན་ཞིང་ཆེན(གྲོང་ཁྱེར)17དབར་རྣམ་གྲངས་47འབྲེལ་མཐུད་བྱ་རྒྱུ་དེའི་ནང་དོན་གཙོ་བོ་རྨང་གཞིའི་སྒྲིག་བཀོད་འཛུགས་སྐྲུན་དང་། ཤེས་ལྡན་མི་སྣ་གསོ་སྦྱོང་། མི་རིགས་སྐད་ཡིག་གི་ཚན་རིག་ཁྱབ་གདལ་ཆ་འཕྲིན་ཅན་ལས་སྟེགས། གཞོན་ནུ་ལོ་ཆུང་གི་ཚན་རིག་ཁྱབ་གདལ་སློབ་གསོ། ཞིང་འབྲོག་ཐོན་ཟོག་ཚན་རྩལ་གྲུབ་འབྲས་སུ་འགྱུར་བ་སོགས་ཀྱི་ཁྱབ་ཁོངས་དང་འབྲེལ་བ་ཡོད།