ཟླ ༦ ཚེས ༢༥ ཉིན། ཀྲུང་དབྱང་མི་རིགས་སློབ་ཆེན་གྱིས་སཱ་རུའུ་ལཱ་ཡིས་ལྐོག་ངན་བསླངས་པར་ཐེར་འདོན་གོང་ཞུ་ཐེབས་པ་དེར། སྐྱོན་ཐོ་འགོད་པ་དང་ལས་གནས་ལས་ཕུད་པའི་ཆད་པ་བཅད་པ་ཁྱབ་བསྒྲགས་བྱས་ལ། ད་ལོའི་ལོ་མགོར། སློབ་གྲྭ་དེའི་སློབ་མས་སཱ་རུའུ་ལཱར་རྩད་གཅོད་ཅེས་པ་སྐད་འཕྲིན་དུ་རྒྱ་ཆེར་སྤེལ་ཞིང་། དཔལ་འབྱོར་སློབ་གླིང་གི་དགེ་རྒན་ཆེན་མོ་གཞོན་པ་སཱ་རུའུ་ལཱ་ཡིས་བཙན་གྱིས་སློབ་མར་དཔེ་ཆ་ཉོ་རུ་འཇུག་པ་དང་། དུ་བ་སློང་བ། གཞན་ད་དུང་འབྲེལ་ཡོད་ཀྱི་པར་སོགས་བཀོད་དེ་ཁོས་སྤྱོད་སྟངས་ལ་ཐེར་འདོན་ནན་མོ་བྱས།
སློབ་མས་ཐེར་འདོན་གོང་ཞུ་བྱས་རྗེས། ཟླ ༡ ཚེས ༩ ཉིན། སློབ་གྲྭའི་དྲིལ་བསྒྲགས་པུའི་འབྲེལ་ཡོད་འགན་ལེན་མི་སྣས་པེ་ཅིང་ན་གཞོན་ཚགས་པར་གྱི་གསར་འགོད་པར་སཱ་རུའུ་ལཱ་ཡི་ལས་མཚམས་གནས་སྐབས་ཀྱིས་བཞག་ཡོད་པ་བསྒྲགས་ལ། སློབ་གླིང་གི་བརྟག་དཔྱད་ལ་བསྟུན་དགོས་པར་སྤེལ། ཁ་སང་། སློབ་གྲྭས《བློ་མཐུན་སཱ་རུའུ་ལཱ་ཡིས་ལྐོག་རྔན་བླངས་པ་དང་། དཔེ་ཆ་བཙོང་བ་བཅས་ཀྱི་གནད་དོན་རྩད་ཞིབ་བྱས་པའི་བརྡ་ཁྱབ》སྤེལ་ལ། བརྡ་ཁྱབ་ཏུ། རྩད་ཞིབ་བྱས་པར་གཞིགས་ན། བློ་མཐུན་སཱ་རུའུ་ལཱ་ཡིས ༢༠༡༣ ལོའི་ཟླ ༩ བ་ནས ༢༠༡༥ ལོའི་ཟླ ༡ པའི་བར། སློབ་ཁྲིད་ཀྱི་དཔེ་དེབ་དང་དཔྱད་གཞི་ཡིག་ཆ་མ་ཡིན་པར་སློབ་མར་རང་ཉིད་ཀྱི་དཔེ་ཆ་བཙོང་བ་དང་། སློབ་མའི་ལྐོག་རྔན་བླངས་པས། སློབ་གྲྭའི་སློབ་གཙོའི་གཞུང་བསྒྲུབ་ཚོགས་འདུས ༢༠༡༥ ལོའི་ཟླ ༥ བའི་ཚེས ༡༤ ཉིན་གྱི་ཐག་གཅོད་ལྟར་ན། སཱ་རུའུ་ལཱ་སྐྱོན་ཐོར་འགོད་པ་དང་། ལས་གནས་ལས་ཕུད་པའི་ཆད་པ་གཅོད་དགོས་པ་བསྒྲགས།
སཱ་རུའུ་ལཱ་ནི་ཀྲུང་དབྱང་མི་རིགས་སློབ་ཆེན་དཔལ་འབྱོར་སློབ་གླིང་གི་དགེ་རྒན་ཆེན་མོ་གཞོན་པ་དང་། ལོ་གང་མང་ལ་མི་ཚེའི་ལས་གནས་འཆར་འགོད་དང་། མི་ཤུགས་ཀྱི་འབྱུང་ཁུངས་གསར་འབྱེད་དང་དོ་དམ། མི་གྲངས་དཔལ་འབྱོར་རིག་པ། བོད་ལྗོངས་ཀྱི་མི་གྲངས་དང་དཔལ་འབྱོར་གནད་དོན་ཐད་ཀྱི་ཞིབ་འཇུག་དང་ལག་ལེན་གྱི་ལས་བསྒྲུབ་མཁན་ཡིན་ལ། ཀྲུང་གོའི་མི་ཚེའི་ལས་གནས་འཆར་འགོད་ཀྱི་མི་དང་པོ་དང་། བསམ་པའི་གཙོ་འཛིན་དུ་གྲགས།
ད་ལོའི་ཟླ ༡ པའི་ཚེས ༥ ཉིན། སློབ་གྲྭའི་སློབ་མ་མང་པོས་དྲ་འཕྲིན་དང་། སྐད་འཕྲིན་སོགས་བརྒྱུད་ཆ་འཕྲིན་དང་། འདྲ་པར་གང་མང་སྤེལ་ཏེ། སཱ་རུའུ་ལཱ་ཡིས་ཐེངས་མང་དུ་སློབ་མར་རང་གི་དཔེ་ཆ་བཙོང་བ་དང་། ལྐག་རྔན་བསླངས་ཤིང་། ཁོའི་ཚོགས་པར་ཞུགས་པར་ལོ་རེར་སྒོར ༢༠༠ དང ༤༠༠ སྤྲད་ན་ད་གཟོད VIP རུ་འགྱུར་ཐུབ།
ཟླ ༡ པའི་ཚེས ༧ ཉིན་ནས་བཟུང་། སློབ་མ་མང་པོས་སྔ་གཞུག་ཏུ་སློབ་གྲྭའི་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དུ་སཱ་རུའུ་ལཱ་གཏུག་བཤེར་བྱས་ལ། ཁོ་རང་གིས་བརྩམས་པའི 《འཆར་གཞི་མེད་པའི་མི་མཐར་ཕམ་ངེས་ཡིན། སཱ་རུའུ་ལཱ་ཡིས་ན་གཞོན་ཚོར་སྐུལ་བའི་བསླབ་བྱ》ནི་རྒྱུགས་གཞིའི་ནང་དོན་ཡིན་པར་བསྒྲགས་ནས་སློབ་མ་ཚོར་བཙན་གྱིས་ཉོ་རུ་བཅུག་པ་དང་། སྒོར ༢༨ ཡིན་འདུག འོན་ཀྱང་སློབ་ཁྲིད་དང་རྒྱུགས་གཞིའི་ཁྲོད། འབྲེལ་ཡོད་ཀྱི་ནང་དོན་གཅིག་ཀྱང་མེད་པ་རེད། ཡང་སློབ་མ་ལ་ལས་སཱ་རུའུ་ལཱར་སྒོར ༡༠༠༠ གི་ལེགས་སྐྱེས་ཉོས་པའི་བདེན་དཔང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དུ་སྐྱེལ་ལ། ཁོས་དཔྱད་རྩོམ་དག་བཅོས་བྱེད་པར་ངེས་པར་དུ་སྔོན་ལ་ལེགས་སྐྱེས་སྟེར་དགོས་ཟེར།
སློར་མས་ཐེར་འདོན་གོང་ཞུ་བྱས་པའི་དོན་རྐྱེན་ཐད། ཁོས་དྲ་འཕྲིན་ལས་བཤད་རྒྱུར། ཀྲུང་གོར་མི་ཆོས་རིང་ལུགས་རབ་ཏུ་དར་བས། ལེགས་སྐྱེས་སྟེར་བ་ནི་དྲིན་དྲན་པ་དང་རང་འཐད་ཡིན་ཟེར། འོན་ཀྱང ༢༠༡༣ ལོའི་དགེ་རྒན་དུས་ཆེན་ཐོན་ལ་ཉེ་དུས། ཁྱིམ་བདག་གིས་དགེ་རྒན་ལ་ལེགས་སྐྱེས་སྟེར་བར་དམིགས་ནས། ཁོས་ཀྲུང་གོ་དྲ་བའི་བཅར་འདྲི་བྱེད་སྐབས་བཤད་རྒྱུར། དེ་ནི་དངོས་ཡོད་ཀྱི་སྤྱི་ཚོགས་སྣང་ཚུལ་དང་། དུས་ཡུན་རིང་བོ་བརྒྱུད་གྲུབ་པའི་སྲོལ་ངན་ཞིག་རེད། དགེ་རྒན་ཞིག་ལ་མཚོན་ན་སློབ་མའི་རྒྱུགས་འབྲས་ལེགས་པོ་ནི་ལེགས་སྐྱེས་ཆེས་མཆོག་པ་རེད། དགེ་རྒན་ཡིན་ཕྱིན། ངེས་པར་དུ་ཀུན་སྤྱོད་ལེགས་པོ་དང་ལྡན་དགོས་ཟེར།
ཁ་བྱང་ཕྱི་མོ། མི་རིགས་སློབ་ཆེན་གྱི་དགེ་རྒན་ཆེན་མོ་གཞོན་པས་སློབ་མར་ལྐོག་རྔན་བསླངས་པས་ལས་གནས་ལས་ཕུད།
