རྒྱུགས་སྤྲོད་སློབ་མ་ཚོའི་ཆེད་དུ་ང་ཚོས་འདི་ལྟར་བྱ་དགོས།
སྤེལ་དུས 2020-07-06
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
ཟླ་༧ཚེས་༢ཉིན། གསར་འགོད་པས་ལྷ་ས་གྲོང་ཁྱེར་སྣོད་བཅུད་ཁོར་ཡུག་ཅུས་ནས་ཤེས་རྟོགས་བྱུང་བར་གཞིགས་ན། ད་ལོའི་ཡིག་རྒྱུགས་ཁྲོད་ཞུགས་མཁན་གྱི་སློབ་མ་རྣམས་ལ་ཁུ་སིམ་ངང་བསྐྱར་སྦྱོང་དང་ངལ་གསོ་ལེགས་པོ་ཐེབས་པའི་རྒྱུགས་ལེན་ཁོར་ཡུག་ཞིག་སྐྲུན་ཆེད། ལྷ་ས་གྲོང་ཁྱེར་སྣོད་བཅུད་ཁོར་ཡུག་ཅུས་ནས་༢༠༢༠ལོའི་རྒྱུགས་ཆེན་བཞིའི་རིང་རྒྱུགས་རའི་ཉེ་འཁོར་གྱི་འཛེར་སྒྲ་ཚོད་འཛིན་ལས་དོན་ལག་བསྟར་ཇུས་གཞི་གཏན་འབེབས་བྱས་ཡོད་པ་རེད།
གཏན་འབེབས་ལྟར་ན།
དེ་རིང་ནས་ཟླ་༧ཚེས་༢༦བར། ལྷ་ས་གྲོང་ཁྱེར་གྱི་ཁེ་ལས་དང་ཨར་སྐྲུན་ཚན་པ་ཁག་གིས་ལུགས་མཐུན་ངང་ལས་ཀའི་དུས་ཚོད་ལེགས་སྒྲིག་བྱས་ནས། མཚན་མོར་ཨར་ལས་བྱ་རྒྱུ་གཏན་འགོག་བྱས་ཏེ། རྒྱུགས་སྤྲོད་སློབ་མར་ཁུ་སིམ་ངང་ངལ་གསོ་རྒྱག་པའི་ཁོར་ཡུག་ཅིག་བསྐྲུན་རྒྱུའི་འགན་ལནེ་བྱས་པ་རེད།
རྒྱུགས་རའི་ཉེ་འཁོར་གྱི་སྨི་༡༠༠ནང་ཚུན་གྱི་རོལ་རྩེད་ཁང་སྣ་ཚོགས་ཀྱིས་གཉེར་སྐྱོང་བྱེད་པའི་བརྒྱུད་རིམ་ནང་། ཁོར་ཡུག་སྲུང་སྐྱོང་གི་འདུ་ཤེས་ཟབ་ཏུ་གཏོང་བ་དང་། འཛེར་སྒྲ་ཚོད་འཛིན་ནན་པོ་བྱེད་པ། རྒྱུགས་མ་བླངས་གོང་གི་འཛེར་སྒྲ་ཉུང་དུ་གཏོང་བ། ཡིག་རྒྱུགས་གཏོང་རིང་འཛེར་སྒྲ་མི་ཐོན་པ་བཅས་བྱ་དགོས།
ལྷ་ས་གྲོང་ཁྱེར་སྣོད་བཅུད་ཁོར་ཡུག་ཅུས་ཁོར་ཡུག་ལྟ་ཞིབ་ཉིང་ལག་ཁུ་ཁག་གིས་མྱུར་དུ་ཞིབ་བཤེར་བྱས་ནས། གཏན་འབེབས་ལས་འགལ་བའི་མི་སྒེར་དང་ཚན་པ་ལ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འཛེར་སྒྲའི་འགོག་བཅོས་ཀྱི་འབྲེལ་ཡོད་གཏན་འབེབས་ལྟར་ཆད་པ་གཅད་རྒྱུ་རེད།
རྩོམ་སྒྲིག་པ། སྣང་རྡོར།