དྲ་སྦྲེལ་འཕེལ་རྒྱས་ཕྱིན་པ་དང་བསྟུན་ནས། སྐད་འཕྲིན་དང་གཏོང་སྤྲོད་འབོ་སོགས་ཀྱིས་ལག་དངུལ་གཏོང་སྤྲོད་ཀྱི་ཚབ་བྱས་ཡོད་པས། ད་ཆ་ཕྱི་རོལ་དུ་འགྲོ་སྐབས་ལག་དངུལ་འཁྱེར་མི་དགོས་པར་གྱུར་ཡོད།
སྒུལ་བདེའི་གཏོང་སྤྲོད་ཀྱི་དགེ་མཚན་ཅི་ཡིན་ནམ།
མི་རྣམས་ནས་གཏོང་སྤྲོད་འབོ་དང་སྐད་འཕྲིན་གཏོང་སྤྲོད་སོགས་སྒུལ་བདེའི་གཏོང་སྤྲོད་ཡོ་བྱད་བཀོལ་སྤྱོད་བྱེད་དགའ་བ་དང་ཚོང་པས་གཏོང་སྤྲོད་འབོ་དང་སྐད་འཕྲིན་གཏོང་སྤྲོད་སོགས་སྤྱོད་དགའ་བའི་རྒྱུ་མཚན་ཅི་ཡིན་ནམ།
❶ སྒུལ་བདེའི་གཏོང་སྤྲོད་ཀྱིས་ལག་དངུལ་འཁྱེར་བའི་དུས་རབས་ལ་མཇུག་བྱང་བཀོད་པ།
ད་ཆ་ང་ཚོས་ཟ་འཐུང་རྩེད་གཡེང་དང་། ཕྱིར་སྐྱོད་པ། མངག་ཉོ་སོགས་ཚང་མ་ལག་འཁྱེར་ཁ་པར་གྱིས་ཐག་གཅོད་བྱེད་ཐུབ་ཀྱི་ཡོད།
❷ སྒུལ་བདེའི་གཏོང་སྤྲོད་ཀྱིས་དངུལ་ལོར་རྫུན་མ་སྐུང་ས་མེད་པར་བྱས་པ།
མི་ཚང་མས་ལག་འཁྱེར་ཁ་པར་ལས་དངུལ་སྤྲོད་ཀྱིན་ཡོད་པས། དངུལ་བཤེར་འཕྲུལ་ཆས་ལ་བརྟེན་ནས་དངུལ་ལོར་རྫུན་འབྱེད་བྱེད་མི་དགོས་པར་གྱུར་ཡོད།
❸ སྒུལ་བདེའི་གཏོང་སྤྲོད་ཀྱིས་དངུལ་སྒོར་ལ་བདེ་འཇགས་ཀྱི་ཁོར་ཡུག་ཅིག་བསྐྲུན་ཡོད།
སྒུལ་བདེའི་གཏོང་སྤྲོད་ནི་སྒུལ་བདེའི་དངུལ་བྱང་ཞིག་དང་འདྲ་སྟེ། དངུལ་ཚང་མ་བྱང་བུའི་ནང་དུ་བཅུག་ཡོད་པ་དང་། རང་ཉིད་ཀྱི་ཆོག་མཆན་མེད་ན་སུས་ཀྱང་ལེན་མི་ཐུབ་པས། དེས་དངུལ་སྒོར་ལ་བདེ་འཇགས་ཀྱི་ཁོར་ཡུག་ཅིག་བསྐྲུན་ཡོད།
མཐར། སྒུལ་བདེའི་གཏོང་སྤྲོད་ཀྱིས་ང་ཚོར་དུས་དང་རྣམ་པ་ཀུན་ཏུ་དྲ་ལམ་ནས་ཉོ་སྒྲུབ་བྱེད་པའི་སྤྲོ་སྣང་ལོངས་སྤྱོད་བྱེད་ཏུ་བཅུག་པ་དང་། དེ་ལ་དུས་ཚོད་དང་། ས་གནས། ཁོར་ཡུག་སོགས་ཀྱི་བཀག་རྒྱ་མེད།
དེ་ལྟར་ཡིན་མོད། སྒུལ་བདེའི་གཏོང་སྤྲོད་ནི་རལ་གྲི་སོ་གཉིས་མ་ལྟ་བུ་ཞིག་དང་འདྲ་བར་བཟང་ཆ་ཡོད་ལ་ཞན་ཆ་ཡང་ཡོད་པ་ཡིན། མི་མང་པོ་ཞིག་གིས་སྐད་འཕྲིན་དུ་དངུལ་བྱང་སྦྲེལ་ཡོད་ཅིང་། ལ་ལས་ཐ་ན་དངུལ་བྱང་ལྔ་དྲུག་རེ་སྦྲེལ་ཡོད། དེ་བས། སྐད་འཕྲིན་གྱི་བདེ་འཇགས་ནི་ཧ་ཅང་གལ་ཆེ་བ་ཞིག་ཡིན།
སྐད་འཕྲིན་གྱི་དངུལ་ཁུག་དངུལ་བྱང་དང་སྦྲེལ་ཡོད་པ་དག་གིས་སྐད་འཕྲིན་གྱི་བྱེད་ནུས་འདི་དག་གི་ནུས་པ་མེད་པར་བཟོ་རྒྱུ་གལ་ཆེ།
01 རང་འགུལ་ངང་དངུལ་འཐེན་པའི་བྱེད་ནུས།
ང་ཚོའི་ཞབས་ཞུ་ཁ་ཤས་སུ་རང་འགུལ་ངང་དངུལ་སྤྲོད་པའི་བྱེད་ནུས་ཀྱི་སྒོ་ཕྱེ་ཡོད། འོན་ཀྱང་རྒྱུན་དུ་དེའི་སྒོ་རྒྱག་རྒྱུ་བརྗེད་འགྲོ་ཡི་ཡོད། དཔེར་ན། གློག་བརྙན་དང་བརྙན་འཕྲིན་ཚོགས་མིའི་གྲོན་དངུལ་རང་འགུལ་ངང་འཐེན་པ་ལྟ་བུ་ཡིན། སྐབས་དེ་དུས་མི་མང་པོ་ཞིག་ལམ་སེང་བེད་སྤྱོད་གཏོང་བསམས་པ་ཁོ་ན་ལས་དེའི་རང་འགུལ་ངང་དངུལ་འཐེན་པའི་བྱེད་ནུས་ཀྱི་སྒོ་ཕྱེ་བར་དོ་སྣང་ཡོང་གི་མེད།
ད་ལྟ། ང་ཚོས་སྐད་འཕྲིན་ནང་བལྟས་ནས་ནུས་པ་དེ་མེད་པར་བཟོ་ཆོག
02 གསང་ཨང་གནོན་མི་དགོས་པར་དངུལ་སྤྲོད་པ།
འདི་ནི་“དངུལ་སྤྲོད་པར་གསང་ཨང་ལ་བརྟེན་མི་དགོས་པའི་དངུལ་སྤྲོད་ཚབ་རྟགས་”རེད། གལ་ཏེ་ཁྱེད་ནི་སྐད་འཕྲིན་སྤྱོད་མཁན་ཡིན་ན། བྱེད་ནུས་འདི་ཐད་ཀར་སྒོ་རྒྱག་མི་ཐུབ་ཤས་ཆེ། དེས་ན་སྐད་འཕྲིན་ནང་གི“དངུལ་ཁུག་”བཙལ་ཏེ། དེའི་བདེ་འཇགས་རང་བཞིན་ལས “བདེ་འཇགས་སྒོ་ལྕགས་” རྒྱག་དགོས།
03 སྐད་འཕྲིན་གྱི་རང་འགུལ་མཐུད་ཉོའི་བྱེད་ནུས།
བེད་སྤྱོད་གཏོང་མཁན་གྱིས་སྐད་འཕྲིན་གྱི་རང་འགུལ་ངང་གསར་སྒྱུར་བྱེད་པའི་བྱེད་ནུས་ཁ་ཕྱེ་མེད་ཀྱང་། སྤྱིར་སྐད་འཕྲིན་བེད་སྤྱོད་བྱས་རྗེས་དེའི་སྒོ་རང་བཞིན་གྱིས་ཕྱེ་ཡི་ཡོད། ང་ཚོས་ཐེང་ཤུན་བརྙན་ལམ་སོགས་ཀྱི་ཚོགས་མིའི་ཐོབ་ཐང་ཉོས་ན། འདིར་རང་འགུལ་ངང་མཐུད་ཉོའི་ནུས་པ་ལྡན་པར་གྱུར་ཡོད། ཟླ་བ་རྗེས་མའི་ཟླ་འགོར། རང་འགུལ་ངང་མུ་མཐུད་དུ་མངག་ཉོའི་ནུས་པ་དེས་ང་ཚོའི་སྐད་འཕྲིན་གྱི་ནང་ནས་རང་འགུལ་ངང་དངུལ་འཐེན་འགྲོ་ཡི་ཡོད། གལ་ཏེ་སྐད་འཕྲིན་གྱི་དངུལ་ཁུག་ཏུ་དངུལ་མེད་ཚེ། སྐད་འཕྲིན་གྱིས་དེ་དང་སྦྲེལ་ཡོད་པའི་དངུལ་བྱང་གི་ནང་ནས་དངུལ་འཐེན་གྱི་ཡོད།
འོ་ན། སྐད་འཕྲིན་གཏོང་སྤྲོད་ཀྱི་བདེ་འཇགས་རང་བཞིན་ཇི་ལྟར་ཇེ་མཐོ་རུ་གཏོང་དགོས་སམ་ཞེ་ན། འདིར་སྐད་འཕྲིན་གཏོང་སྤྲོད་ཀྱི་བྱེད་ནུས་ཆུང་ཆུང་ཞིག་ངོ་སྤྲོད་ཞུ་རྒྱུ་ཡིན།
01ཐོབ་ཐང་ར་སྤྲོད།
ད་ལྟ་ཚོང་པ་མང་ཆེ་བས་བཤེར་འབེབས་དངུལ་ལེན་ཨང་གྲངས་ལ་བརྟེན་ནས་དངུལ་ལེན་ཆོག་པས། རང་ཉིད་ཀྱིས་གསང་ཨང་གནོན་མི་དགོས། གལ་ཏེ་ཁྱེད་ཀྱི་ལག་འཁྱེར་ཁ་པར་བོར་བ་དང་། གསང་ཨང་སྲུང་སྐྱོབ་གང་ཡང་བྱས་མེད་པའི་གནས་ཚུལ་ཐོན་ཚེ། ཁྱེད་ཀྱི་སྒོར་མོ་རྐུ་ཤོར་བའི་ཉེན་ཁ་ཡོད།
དེས་ན། མི་གཞན་གྱིས་གང་འདོད་དུ་ཁྱེད་ཀྱི་སྐད་འཕྲིན་དངུལ་ཁུག་བེད་སྤྱོད་མི་ཐུབ་པའི་ཆེད། དངུལ་ཁུག་བེད་སྤྱོད་བྱེད་སྐབས་ཐོབ་ཐང་ར་སྤྲོད་བྱེད་ནུས་སྤྱོད་དགོས། སྐད་འཕྲིན་ལས་ “ང”དང་དེ་ནས་“དངུལ་ཁུག”ཞེས་པ་མནན་རྗེས་གཡས་ཟུར་དུ་གྲུ་བཞི་ཆུང་ཆུང་བཞི་ཡོད་པར་གནོན་དགོས་པ་དང་། དེ་ནས་“གཏོང་སྤྲོད་བདེ་འཇགས” དང“དངུལ་ཁུག་གི་སྒོ་ལྕགས་”བཀོལ་སྤྱོད་བྱེད་དགོས་ཏེ། ཁྱེད་ཀྱིས་མཛུབ་རིས་སམ་ལག་བརྡའི་གསང་གྲངས་གང་རུང་བདམས་ནས་ཐོབ་ཐང་ར་སྤྲོད་ཀྱི་གསང་ཨང་བྱེད་དགོས། དེ་ལྟར་བྱས་ཚེ། ཁྱེད་ཀྱིས་དངུལ་སྤྲོད་སྐབས་ཡང་བསྐྱར་ཐོབ་ཐང་ར་སྤྲོད་ཐེངས་གཅིག་བྱེད་དགོས་པ་གཤམ་གསལ་རི་མོ་ལྟར།
02 དུས་འགྱངས་གཏོང་སྤྲོད་ཀྱི་སྒོ་ཕྱེ་བ།
ཉོ་ཚོང་བདེ་འཇགས་ཡིན་མིན་ལ་སེམས་ཁྲལ་ཡོད་ཚེ། དངུལ་འབྱོར་བའི་དུས་ཚོད་གཏན་འཁེལ་བཟོ་ཆོག
སྤྲད་ཟིན་པའི་དངུལ་ཕྱིར་འཐེན་བྱེད་མི་ཐུབ་ནའང་། དངུལ་སྤྲོད་པའི་དུས་ཚོད་འགོར་འགྱངས་བྱེད་ཆོག དེ་ནི་“དངུལ་ཁུག་སྒོ་ལྕགས་”བརྒྱབ་རྗེས“གཏོང་སྤྲོད་དོ་དམ”མནན་ནས་དངུལ་ “དུས་ཐོག་ཏུ་འབྱོར་བ”དང་། “ཆུ་ཚོད་2ནང་དུ་འབྱོར་བ”“ཆུ་ཚོད་24ཡི་ནང་དུ་འབྱོར་བ”བཅས་ལས་གང་རུང་བདམས་ཏེ་དངུལ་འཕྲོད་པའི་དུས་ཚོད་གཏན་འཁེལ་བྱེད་ཆོག
03 དངུལ་སྤྲོད་ནོར་བྱུང་ཚེ་ཚོང་པ་དང་འབྲེལ་བ་བྱེད་པ།
དངུལ་སྤྲོད་ནོར་བྱུང་བ་ཤེས་རྗེས་དུས་ཐོག་ཏུ་ཚོང་པར་འབྲེལ་གཏུག་ཇི་ལྟར་བྱ་དགོས་ཞེ་ན། ཐོག་མར་“སྐད་འཕྲིན་གཏོང་སྤྲོད་”ནང་འཛུལ་བ་དང་། དེ་ནས་ཁྱེད་ཀྱིས་དངུལ་སྤྲོད་ནོར་ཤོར་བའི་མངགས་ཐོ་བཙལ་ཏེ། “ཞིབ་ཕྲའི་གནས་ཚུལ་ལ་ལྟ་བ”ཞེས་པ་གནོན་པ་དང་། དེ་ནས་“དངུལ་སྤྲོད་ཡུལ”ལ་འབྲེལ་གཏུག་བྱེད་སྟངས་མཐོང་ཐུབ་ཀྱི་ཡོད།
རྩོམ་སྒྲིག་པ། སྣང་རྡོར།