ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > སློབ་གསོ། > གསར་ཤོས།

ཁ་པར་གྱིས་རྫི་བོ་བྱེད་ཐུབ་ཀྱིན་འདུག

སྤེལ་དུས 2019-08-08 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ། བསོད་ནམས་འཚོས་བསྒྱུར།
      2018ལོར། རང་རྒྱལ་གྱིས་ཞིང་ཆེན་12ལ་5G དྲ་བ་ཚོད་ལྟའི་ཚུལ་གྱིས་བེད་སྤྱོད་གཏོང་འགོ་ཚུགས་ཤིང་། སི་ཁྲོན་རྔ་བ་ཁུལ་ཡང་ཚོད་ལྟ་བྱེད་ཡུལ་གྱི་ཁོངས་སུ་ཚུད་ཡོད།

      5G ཡིས་ང་ཚོའི་དྲ་བའི་མྱུར་ཚད་ལྡབ་འགྱུར་གྱིས་མགྱོགས་སུ་གཏོང་ཐུབ་པ་སྟེ། དཔེར་ན་4G ཡིས་སྐར་མ་6ཙམ་སྤྱད་ནས་ཕབ་ལེན་བྱེད་དགོས་པའི་གློག་བརྙན་ཞིག་5Gཡིས་སྐར་ཆ་3ནང་ཕབ་ལེན་བྱེད་ཐུབ་པ་ལྟ་བུ་ལས་གཞན། དེ་ལ་བརྟེན་ནས་ད་དུང་ང་ཚོའི་འཚོ་བའི་ཁྲོད་བསམ་ཡུལ་ལས་འདས་པའི་འགྱུར་བ་འབྱུང་སྲིད་པ་སྟེ། དཔེར་ན་ཉེ་ལམ་རྔ་བ་རུ་5G ཡི་རྫི་བོ་བྱུང་ཡོད་ཅིང་། 5G ལག་རྩལ་ལ་བརྟེན་ནས་ཕྱུག་ཟོག་སྦྲ་གུར་ནང་བསྡད་དེ་འཚོ་ཐུབ་པ་མངོན་དུ་གྱུར་ཡོད་ལ། འབྲོག་པའི་ལས་ཀ་ལྡབ་འགྱུར་གྱིས་ཡང་དུ་བཏང་ཡོད།
      ཕྱུག་ཟོག་གི་ལུས་ཐོག་ཏུ་བརྡ་རྟགས་བསྡུ་ལེན་ཆས་ཤིག་བཏགས་ན། ཕྱུག་ཟོག་དེ་གང་དུ་ཡོད་པ་སོགས་ཁ་པར་ལས་ཤེས་ཐུབ་པ་མ་ཟད། གལ་ཏེ་རྐུན་མས་བརྐུས་ན་ཁ་པར་ལས་ཉེན་བརྡ་ཡང་གཏོང་ཡོང་བ་རེད།

      མ་འོངས་པར། 5Gདྲ་བ་གྲོང་ཁྱེར་ཆེ་ཁག་ལ་ཁྱབ་ཐུབ་པ་མ་ཟད། ད་དུང་ཐག་རིང་ལུང་ཁུག་ཏུ་ཡང་འབྲེལ་མཐུད་ཐུབ་པས་མི་མང་པོར་ཕན་པ་ཆེན་པོ་ཐོགས་སྲིད།

       5Gཞེས་པ་ནི་རབས་ལྔ་བའི་སྤོ་འགུལ་འཕྲིན་གཏོང་ལག་རྩལ་ལ་གོ་ཞིང་། དེ་ལ་བརྟེན་ནས་དྲ་བའི་མྱུར་ཚད་ཇེ་མགྱོགས་སུ་གཏོང་ཐུབ་པ་མ་ཟད། ད་དུང་ད་ལྟ་མངོན་དུ་འགྱུར་མ་ཐུབ་པ་སྟེ་དཔེར་ན་སྨན་པས་ནད་པར་ས་ཆ་གཞན་ཞིག་ནས་གཤག་བཅོས་བྱེད་ཐུབ་པ་སོགས་བསམ་ཡུལ་ལས་འདས་པའི་དོན་མང་པོ་ཞིག་མངོན་དུ་གྱུར་ནས། མ་འོངས་པའི་འཚོ་བ་སྔར་ལས་ལྷག་པའི་སྟབས་བདེ་དང་ངོ་མཚར་ཅན་དུ་བསྒྱུར་ངེས།
རྩོམ་སྒྲིག་པ། སྣང་རྡོར།