ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > སློབ་གསོ། > གསར་ཤོས།

རྐང་ཐང་དུ་སོང་བའི་ཕན་ཡོན་བཅུ་གསུམ།

སྤེལ་དུས 2019-09-27 ཡོང་ཁུངས། རྔ་སྒྲིའི་འཕྲིན་སྟེགས་ལས། རྩོམ་པ་པོ།
      1ཡིད་འཛིན་དྲན་ཤེས་བརྟན་པར་འགྱུར།
      ན་ཚོད་ཡར་འཕགས་པའི་དབང་གིས་ཡིད་འཛིན་ཇེ་སྡུག་ཏུ་འགྲོ་བ་ཆོས་ཉིད་ཡིན་ཡང་། ཉིན་རེ་རེ་ལ་རྐང་ཐང་འགུལ་སྐྱོད་འོས་འཚམ་རེ་བྱ་ཐུབ་ཚེ་ཡིད་འཛིན་ཇེ་བཟང་དུ་འགྲོ་བ་ལ་ཕན་ཐོགས་ཆེ།
      2རྩ་ལམ་ཁང་བཟང་ཡངས་པོར་མཛེས།
      རྒྱུན་པར་ཁྱིམ་དང་གཞུང་ལས་ཁང་སོགས་སུ་འགུལ་སྐྱོད་ཆེར་མེད་པར་རྐུབ་སྟེགས་སྟེང་བཙོག་རྒྱུ་མང་དྲགས་ཚེ།ལུས་ཀྱི་རྩ་ལམ་ཐམས་ཅད་འགག་པ་དང་རེངས་པར་འགྱུར་ཞིང་། དེར་འབྲེལ་ལུས་སྟེང་དུ་རྨ་འབུར་མང་པོ་ཐོན་ངེས་པས་ཉིན་རེར་རྐང་ཐང་འགུལ་སྐྱོད་འོས་འཚམ་རེ་བྱ་ཐུབ་ཚེ་དེ་དག་མེད་པར་གཏོང་བ་ལ་ཕན་ཐོགས་ཆེ།
      3རྩ་ཀུན་འཕར་ཚད་སྙོམས་པོར་སྒྲིག
      རྩ་ལམ་འགག་པའི་མོད་ལ་རྩའི་འཕར་ཚད་ཀྱང་སྐྱོན་ཅན་དུ་ཆགས་འགྲོ་བས་ལུས་ཧྲིལ་བོ་གཅུན་པ་དང་གྱོང་བོར་གྱུར་འགྲོ དེའི་ཕྱིར་ཉིན་རེར་དུས་ཚོད་ཕྱེད་ཙམ་རིང་རྐང་ཐང་འགུལ་སྐྱོད་འོས་འཚམ་རེ་བྱ་ཐུབ་ཚེ་ལུས་པོ་མཉེན་ལྷོད་ཅན་དུ་འགྱུར་བ་ལ་ཕན་ཐོགས་ཆེ།
      4ལུས་སེམས་གུ་ཡངས་བདེ་བ་མྱོང་།
      ལུས་སེམས་འཁྲུག་པ་དང་། མི་བདེ་བ། མི་སྐྱིད་པ་སོགས་ནད་རིགས་མཐའ་དག་རླུང་ཁྲག་གཉིས་ལེགས་པོར་རྒྱུ་མ་ཐུབ་པའི་ཉེར་འབྲས་ཡིན་ཞིང་། དེའང་གཙོ་བོར་རྩ་ལམ་འགག་པའི་གནད་ལ་ཐུག་ཕྱིར། རྐང་ཐང་འགུལ་སྐྱོད་འོས་འཚམ་རེ་བྱ་ཐུབ་ཚེ་ལུས་སེམས་བདེ་སྐྱིད་འོང་བ་ལ་ཕན་ཐོགས་ཆེ།
      5སྙིང་གི་བྱེད་ནུས་ལེགས་པོར་སྐྱོང་།
      འགུལ་སྐྱོད་མེད་པའི་མི་ལ་སྙིང་རླུང་བདེ་བོ་ཞིག་དཀའ་སྲིད་པ་ལྟར། རྐང་ཐང་འགུལ་སྐྱོད་འོས་འཚམ་རེ་བྱ་ཐུབ་ཚེ་སྙིང་གི་འཕར་ལྡང་དང་བྱེད་ནུས་སོགས་སྐྱོན་བྲལ་རྒྱུན་ལྡན་ཅན་དུ་འགྱུར་བ་ལ་ཕན་ཐོགས་ཆེ།
      6ཁྲག་སྦུབས་ནད་སྐྱོན་གཙང་སེལ་བྱེད།
      གསོ་རིག་གཞུང་དོན་གཞིར་བཟུང་ཚེ། རྐང་ཐང་འགུལ་སྐྱོད་ཀྱིས་ཁྲག་སྦུབ་མཉེན་ཚད་མཐོ་རུ་བཏང་སྟེ་ཁྲག་རྩ་གས་པར་འགྱུར་བ་སོགས་ནད་སྐྱོན་ཅི་རིགས་མེད་པར་གཏོང་ཐུབ་ཅིང་། དེར་འབྲེལ་ལུས་ཧྲིལ་བོའི་མཉེན་ཚད་ཀྱང་མཐོ་རུ་གཏོང་ཐུབ་པར་གསུངས།
      7ཤ་གྲིམ་སྟོབས་ཤུགས་ཇེ་ཆེར་འགྲོ།
      གཉིད་དང་ཟས་སོགས་ཀྱི་འཚོ་བ་ལ་སྔ་ཕྱིའི་གོ་རིམ་འཆོལ་བས་ལུས་ཧྲིལ་བོའི་ཤ་གྲིམ་ཐམས་ཅད་གྱོང་བོར་འགྱུར་ངེས་ལ། དེར་བརྟེན་ཤ་གྲིམ་གྱི་མཉེན་ཚད་དང་སྟོབས་ཤུགས་སོགས་ཀྱང་མེད་པར་འགྱུར་འགྲོ་ཕྱིར། རྐང་ཤེད་དང་། རུས་ཚིགས་སོགས་སླར་གསོ་བ་དང་འཕེལ་བར་བྱ་བ་ལ་ངེས་པར་རྐང་ཐང་འགུལ་སྐྱོད་ལ་བརྟེན་དགོས།
      8ཁྲག་གི་འཁོར་རྒྱུག་མྱུར་མོར་གཏོང་།
      གཤེར་ཁྲག་ལེགས་པོར་རྒྱུ་མ་ཐུབ་ན་རྩ་ལམ་དང་རྩའི་འཕར་ཚད་གཉིས་ལའང་གནོད་སྐྱོན་ཐེབས་ཏེ་ལུས་ལ་ནད་འབྱུང་སླ་བ་ལྟར། རྐང་ཐང་འགུལ་སྐྱོད་རིང་དུ་བསྟེན་པ་ཡིས་ལུས་ཀྱི་རྩ་ལམ་གཙང་སེལ་དང་།གཤེར་ཁྲག་གསར་རྙིང་གཉིས་བརྗེ་སྤོར་ལ་ཕན་པ་ཆེ།
      9དོན་ལྔའི་ནད་རིགས་སྔོན་འགོག་གཅེས།
      དོན་ལྔ་སྣོད་དྲུག་ལ་འགུལ་སྐྱོད་ཧ་ཅང་མཁོ། འགུལ་སྐྱོད་དང་བྲལ་བའི་དོན་ལྔ་སྣོད་དྲུག་དེ་ལ་ནད་གདོན་ཅི་རིགས་ཤིན་ཏུ་འབྱུང་བར་སླ། དེའི་ཕྱིར། རྐང་ཐང་འགུལ་སྐྱོད་རྒྱུན་ཆད་མེད་པར་བསྐྱང་སྟེ། ཟས་ཀྱི་འཇུ་སྟོབས་དང་ཡི་ག་སོགས་རྒྱུན་ལྡན་ཅན་དུ་བཏང་ནས་ཕོ་བ་དང་རྒྱུ་མའི་ནད་རིགས་ཁ་ཚང་བསལ་དགོས། དེ་ལྟར་བྱས་ཚེ་ནད་རིགས་འགའ་ཤས་ཤིག་མ་བཅོས་རང་སར་ཡང་ཞི་ཐུབ།
      10མཐོ་གསུམ་མགོ་འཕང་ཤུགས་ཀྱིས་གནོན།
      ཁྲག་ཤེད་མཐོ་བ་སོགས་མཐོ་བ་གསུམ་ལ་སྨན་བསྟེན་ཀྱང་ཕན་ཆེར་མི་ཐོགས་པས། རྐང་ཐང་འགུལ་སྐྱོད་མང་དུ་བྱོས་དང་མཐོ་བ་གསུམ་གྱི་མགོ་འཕང་གནོན་ཐུབ་ལ། ཞོར་དུ་གཅིན་པ་སྲ་འགྱུར་དང་། ཤ་རྒྱགས་ཚོན་པོར་ཆགས་པ་སོགས་ལའང་ཕན་ཐོགས་ཆེ།
      11ལུས་ཁམས་སྣང་བ་དྭངས་ཤིང་སྐྱིད།
      བོད་ཀྱི་གསོ་རིག་གི་གཞུང་ཆེན་མོ་རྣམས་སུའང་། རྐང་ཐང་འགུལ་སྐྱོད་མང་དུ་བསྟེན་པའི་མི་དེ་ཚོ་ལ་ཁྲག་ཤེད་མཐོ་བ་དང་། ལུས་སེམས་དུབ་པ་སོགས་ནད་རིགས་འདི་དག་འབྱུང་དཀའ་བར་གསུངས་པ་ལྟར། དེས་ལུས་སེམས་གཉིས་ལ་ངལ་གསོའི་བདེ་སྐྱིད་དང་འཚོ་བར་གདོང་གཏོད་ཀྱི་སྟོབས་ཤུགས་སྦྱིན་ཐུབ།
      12གཟུགས་མཛེས་ལང་ཚོ་གཞོན་པར་ཐུབ།
      མིའི་སྐྱེས་གཟུགས་ཡག་མིན་དེ་ཁྲག་དང་འབྲེལ་བ་ཤིན་ཏུ་དམ་སྟེ།ལུས་པོའི་ནང་དུ་ཁྲག་གཙང་མར་གནས་པ་རྣམས་ལ་རང་བཞིན་གྱིས་གཟུགས་མཛེས་པ་དང་ལྡན་པ་དང་། ལྡོག་སྟེ་ཁྲག་གི་རང་བཞིན་མི་གཙང་བ་རྣམས་ལ་ལང་ཚོའང་ཡག་པོ་མི་འདུག་པས། མཐར་གཏུགས་ན་ཁྲག་གི་གཙང་རྩོག་དེའང་རྐང་ཐང་འགུལ་སྐྱོད་ལ་འབྲེལ་བ་དམ་ཟབ་ཆེ།
      13བདེ་ཐང་སྒོ་བརྒྱ་འདི་ཡིས་བསུ།
      དབུགས་ཀྱི་འབྱིན་རྔུབ་དང་། མཁལ་མའི་བྱེད་ནུས། ཀླད་པའི་འཁོར་སྐྱོད། ད་དུང་མིག་གི་དབང་བོ་དང་། བློ་གྲོས་གསལ་མྱུར། ཚེ་ཐག་རྒྱུན་བསྲིངས་སོགས་ལའང་མེད་དུ་མི་རུང་བ་ནི་རྐང་ཐང་གི་འགུལ་སྐྱོད་འདི་ཉིད་ཡིན་པས། རྐང་ཐང་ངང་མང་དུ་སོང་དང་། གོམ་པས་བཤུལ་རིང་འཇོལ་དང་བདེ་ཐང་ལ་དཔལ་འབྱོར་གྱི་རིན་པ་མི་དགོས། མི་ཚེ་ལ་ན་ཚའི་སྡུག་བསྔལ་མི་དགོས་ཨང་། 
རྩོམ་སྒྲིག་པ།སྣང་རྡོར།