ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > དམངས་སྲོལ། > ཟས་མཆོག

བོད་ཆང་།

སྤེལ་དུས 2017-08-24 ཡོང་ཁུངས། 《བོད་མིའི་ཡུལ་སྲོལ་གོམས་གཤིས》 རྩོམ་པ་པོ། ས་གོང་དབང་འདུས།
          བོད་མིའི་བོད་ཆང་འཐུང་བའི་གོམས་སྲོལ་དེ་བོད་ལ་དར་ནས་ད་བར་ལ་དུས་ཡུན་རིང་པོ་ཞིག་ཕྱིན་ཡོད། དེའང་《ཇ་ཆང་ལྷ་མོའི་བསྟན་བཅོས་》ལས། རྗེ་ལ་སྔ་བ་གཉའ་ཁྲི་བཙན་པོ་ཕོ་བྲང་ཡུམ་བུར་མངའ་གསོལ་བའི་སྐབས་དང་། གཞན་ཡང་ཆོས་རྒྱལ་བྱང་ཆུབ་སེམས་པ་རིམ་བྱོན་ཚང་མས་བདེ་ལྡན་བདུད་རྩིའི་སྐྱེམས་འདིར་གཙིགས་མཛད་པའི་ལོ་རྒྱུས་མང་ཞིང་། ཁྱད་པར་མཚུངས་མེད་སྲོང་བཙན་རྗེའི་འཁྲུང་སྣོད་མིང་ཅན་ཡང་ནང་རྟེན་དུ་བཞུགས་པ། དེའི་ཐོག་ནས་ཆང་འཐུང་བའི་སྲོལ་དར་ནས་ལོ་རྒྱུས་རིང་པོ་ཕྱིན་ཡོད་པ་གསལ་རྟོགས་ཐུབ།ཅེས་འཁོད་ཡོད། བོད་མིས་རང་ཉིད་གནས་ཡུལ་གྱི་གནམ་གཤིས་དང་། སྐབས་དེའི་ཐོན་སྐྱེད་འཕེལ་རིམ་གྱི་ཆུ་ཚད། འཚོ་བའི་ཆ་རྐྱེན་དང་བསྟུན་ཏེ་ཡུལ་བབ་དང་མཐུན་པའི་བཏུང་བཅའ་འཕེལ་རྒྱས་སུ་བཏང་ཡོད་པ་རེད། ཚང་མས་མཁྱེན་གསལ་ལྟར་བོད་མིའི་བཟའ་འཐུང་གི་རིགས་ལ་ཁྱད་ཆོས་ཆེན་པོ་ཞིག་ཡོད་པ་སྟེ། ཕྱི་ནང་གང་ཞིག་ལའང་ཟ་བདེ་སྤྱོད་བདེའི་ཆོས་ཉིད་ལྡན་ཡོད། དཔེར་ན་ཆང་ལ་ཆ་བཞག་ན་སྐྱེམས་སེལ་གྱི་བཏུང་བཅའ་ཞིག་ཡིན་ལ་སྤགས་ཁུའང་བྱེད་ཆོག་པ་གཅིག་ཡིན། ད་དུང་གནམ་གྲང་དུས་སྐོལ་ནས་བཏུང་ན་གཟུགས་པོར་དྲོད་སྐྱེ་བའི་ནུས་པ་ཡོད། དེར་བརྟེན་ཆང་ནི་བོད་མིའི་འཚོ་བའི་ནང་མེད་དུ་མི་རུང་བ་ཞིག་ཡིན་ཞེས་བཤད་ཆོག་གང་ལགས་ཟེར་ན་བཀྲ་ཤིས་པའི་དོན་ལ་ཆང་དེ་མེད་དུ་མི་རུང་བ་ཞིག་ཡིན་ལ་བགེགས་བར་སོགས་མི་ལེགས་པའི་དོན་བྱུང་ནའང་ཆང་དེ་ངེས་པར་དུ་དགོས་པ་ཤིག་ཡིན་ཞིང་བཤད་སྲོལ་ལ། ཆང་ནི་དགའ་བའི་དགའ་རོགས། ཆང་ནི་སྐྱོ་བའི་སྐྱོ་རོགས། དགའ་སྐྱོ་གང་འདྲ་བྱུང་ཡང་། ཆང་གིས་རོགས་པ་ཞུས་ཡོང་། ཞེས་པ་ལྟར་ལོ་གསར་ཚེས་གཅིག་གི་ཐོ་རེངས་སུ་བཏུང་བཅའི་དང་པོ་ངེས་པར་དུ་ཆང་སྐོལ་འཐུང་དགོས་ཀྱི་ཡོད་པ་དང་། མཛད་སྒོ་སོགས་ཀྱི་གསོལ་ཚིགས་གཏོང་སྐབས་གསོལ་རྒྱབ་ཅེས་ཆང་དངུལ་ཕོར་བཏེགས་སྲོལ་ཡོད་ཅིང་། ཁྱིམ་དུ་སྐུ་མགྲོན་ཕེབས་པ་སོགས་ལ་མཆོད་ཆུང་སུམ་སྒྲོན་མཉེས་དག་བཏེགས་ནས་ལྷག་བསམ་མཚོན་པ་བྱེད་ཀྱི་ཡོད། དེ་བཞིན་སྤུན་ཉེ་དང་སྐུ་མགྲོན་སོགས་ལ་ཕེབས་བསུ་ཕེབས་སྐྱེལ་ཞུ་བར་ཡང་ཁ་རྒྱུན་དུ་སྐྱེལ་ཆང་དང་བསུ་ཆང་ཟེར་སྲོལ་ཡོད་ལ། ད་དུང་གཉེན་སྒྲིག་དགའ་སྟོན་ལ་ཆང་ས་ཟེར་སྲོལ་ཡོད་པས།དེའི་གོ་དོན་ཡང་ཆང་འཐུང་རྒྱག་པའི་དོན་ཡིན་ཞིང་། ཆང་ནི་བོད་མིའི་འཚོ་བའི་ནང་མེད་དུ་མི་རུང་བ་ཞིག་ཡིན་ཟེར་དགོས་དོན་ཡང་《ཇ་ཆང་ལྷ་མོའི་བསྟན་བཅོས་》ལས།དགའ་པོ་གླུ་གཏོང་བའི་སྐད་ཤེད། སྐྱིད་པོ་བྲོ་རྒྱག་པའི་རྡིག་སྒྲ། སྡུག་པོ་མཆི་མ་འདོན་པའི་སེམས་གསོ། ལྐུག་པ་ཁ་འབྱེད་པའི་ལྡེ་མིག་སྤྱང་པོ་མགོ་སྟོང་ཅན་གྱི་ཀླད་པ། དཔའ་བོ་དགྲ་འདུལ་བའི་ཞབས་བསྐུལ། སྙིང་མེད་འཕྲང་སྒྲོལ་བའི་སྐྱེལ་མ། ཞེས་སོགས་གསུངས་ཡོད་པའི་ཐོག་ནས་བོད་མི་དང་ཆང་བར་གྱི་འབྲེལ་བ་མཚོན་ཐུབ།