༄༅།།ལྷ་བབས་དུས་ཆེན།

 བོད་ཟླ་དགུ་པའི་ཚེས་ཉེར་གཉིས་ཉིན་ནི་སངས་རྒྱས་ལྷ་ཡུལ་ནས་མི་ཡུལ་ལ་བྱོན་པའི་དུས་བཟང་ལ་ངོས་འཛིན་ནས་བོད་པ་ཚོས་དཀར་ཕྱོགས་དགེ་བའི་ལས་ཀྱི་རིགས་ལམང་པོ་སྒྲུབ་སྲོལ་ཡོད། དེ་ཡང་བཤད་སྲོལ་དུ་སངས་རྒྱས་ཤཱཀྱ་ཐུབ་པའི་ཡུམ་སྐུ་གཤེགས་ནས་ལྷ་ཡུལ་དུ་སྐུ་འཁྲུངས་པའི་རྗེས། ཡུམ་དང་ལྷ་རྣམས་ལ་ཆོས་གསུང་ཆེད། སྟོན་པ་ལྷ་ཡུལ་ལ་ཕེབས་ནས་བོད་ཟླ་དགུ་པའི་ཚེས་ཉེར་གཉིས་ཉིན་སླར་ཡང་མི་ཡུལ་ལ་མར་བབས་པའི་དུས་ཁྱད་པར་ཅན་ཞིག་ཡིན་པས་ན། མི་ཚོས་དེ་ཉིན་དགོན་པ་ཁག་ལ་ཕེབས་ནས་མཆོད་མཇལ་བྱེད་པ་ལ་སོགས་རྒྱུན་ལྡན་དང་མི་འདྲ་བའི་རྣམ་དཀར་དགེ་བའི་ཚོགས་རླབས་པོ་ཆེ་གསོག་པའི་དོན་དུ་འབད་པ་གང་ཡོང་ཞུ་བ་མ་ཟད། རང་རང་སོ་སོའི་འཁོས་འབྱོར་ལ་གཞིགས་ནས་མཆོད་འབུལ་བསྙེན་བཀུར་དང་། ངན་སློང་ལ་སྦྱིན་པ་གཏོང་བ་ལ་སོགས་ཀྱི་བྱེད་སྒོ་མང་པོ་སྤེལ་གྱི་ཡོད། ཡང་ཡུལ་ལུང་འགའ་ཞིག་ལ་དེ་ཉིན་ལྷ་འབེབས་པའི་སྲོལ་ཡང་ཡོད།

                                                                                                                                                   འབྲུག་མོས་ཞུ་དག་བྱས།