ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ། ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར།
ཀྲུང་གོའི་བོད་ལྗོངས་དྲ་བ། > མདུན་ཤོག > བོད་སྐྱོར་དཔུང་སྡེ།

བོད་སྐྱོར་རྣམ་གྲངས་ཁག་202ལ་མིང་རྟགས་བཀོད་པ།

སྤེལ་དུས 2019-06-21 ཡོང་ཁུངས། ཤིན་ཧྭ་གསར་འགྱུར་ཁང་། རྩོམ་པ་པོ།
སྔོན་རྩིས་བྱས་ན་མ་དངུལ་སྒོར་དུང་ཕྱུར་215བཏང་ནས་བོད་ཀྱི་དབུལ་སྒྲོལ་འགག་སྒྲོལ་ལ་རོགས་སྐྱོར་བྱེད་པ།
      མིག་སྔའི་བར། རྣམ་གྲངས་ཁག་25དོན་འཁྱོལ་བྱུང་བར་དམིགས་སར་འབྱོར་བའི་མ་དངུལ་སྒོར་དུང་ཕྱུར་60ལྷག་ཙམ་ཟིན་ཡོད།
      ▲འདི་ལོ་བོད་རང་སྐྱོང་ལྗོངས་ཀྱིས་ལོ་འདིའི་ནང་དབུལ་པོ་དབུལ་རྐྱང་ཡོངས་སུ་སེལ་བའི་བརྩོན་ལེན་བྱས་ཏེ་མི་འབོར་དབུལ་པོ་ཁྲི་15དབུལ་སྒྲོལ་ཐུབ་པ་དང་རྫོང་དང་ཆུས་དབུལ་པོ་19ཡི་དབུལ་ཞྭ་འཕུད་རྒྱུ་ཡིན་པ་རེད།
      ཤིན་ཧྭ་གསར་འགྱུར་ཁང་ནས་གློག་འཕྲིན་འབྱོར་གསལ། ཚེས་17ཉིན་བོད་རང་སྐྱོང་ལྗོངས་ཀྱི་ཤིན་ཏུ་དབུལ་བའི་ས་ཁུལ་གྱི་དབུལ་སྒྲོལ་འགག་སྒྲོལ་གྱི་ལས་དོན་ལ་ལས་ཡུལ་དངོས་སུ་སྐུལ་སྤེལ་དང་ཁ་གཏད་བོད་སྐྱོར་ཟབ་ཏུ་གཏོང་བའི་དབུལ་སྐྱོར་ལས་དོན་ཚོགས་འདུ་བོད་ལྗོངས་ཉིང་ཁྲིར་འཚོགས་པ་རེད། བོད་སྐྱོར་རྣམ་གྲངས་ཁག་202ལ་ལས་ཡུལ་དངོས་སུ་མིང་རྟགས་འགོད་པའི་མཛད་སྒོ་འཚོགས་པར་སྔོན་རྩིས་བྱས་ན། མ་དངུལ་སྒོར་དུང་ཕྱུར་215གཏོང་རྒྱུ་ཡིན་པ་རེད། མིང་རྟགས་བཀོད་པའི་རྣམ་གྲངས་ཀྱི་གྲངས་འབོར་དང་མ་དངུལ་གྱི་གཞི་ཁྱོན་གཉིས་ཀ་ཤུགས་ཆེན་འཕར་ཡོད།
      རྒྱལ་སྲིད་སྤྱི་ཁྱབ་ཁང་དབུལ་སྐྱོར་གསར་སྤེལ་འགོ་ཁྲིད་ཚོགས་ཆུང་གི་བླང་བྱར་གཞིགས་ན། 2018ལོ་ནས་2020ལོའི་རིང་ཀྲུང་དབྱང་གིས“ཁུལ་གསུམ་དང་ཀྲོའུ་གསུམ”གྱི་ཤིན་ཏུ་དབུལ་བའི་ས་ཁུལ་གནས་ཡུལ་གྱི་ཞིང་ཆེན་དང་རང་སྐྱོང་ལྗོངས་ཀྱིས་ལོ་ལྟར་ས་ཁུལ་དབུལ་པོའི་དབུལ་སྒྲོལ་འགག་སྒྲོལ་གྱི་ལས་དོན་ལ་ལས་ཡུལ་དངོས་སུ་སྐུལ་སྤེལ་ཚོགས་འདུ་ཐེངས་རེ་འཚོག་དགོས་པ་ཁ་གསལ་བཏོན་ཡོད། བོད་རང་སྐྱོང་ལྗོངས་ཀྱིས་2016ལོ་ནས་བཟུང་ཚོགས་འདུ་འདི་རིགས་ཚོགས་པ་དང་2017ལོ་ནས་བཟུང་ལོ་ལྟར་གྱི་ཚོགས་འདུའི་ཐོག་བོད་སྐྱོར་རྣམ་གྲངས་ཀྱི་མིང་རྟགས་འགོད་པའི་མཛད་སྒོ་གཉེར་གྱི་ཡོད། མིག་སྔའི་བར། རྣམ་གྲངས་ཁག་25དོན་འཁྱོལ་བྱུང་བར། དམིགས་སར་འབྱོར་བའི་མ་དངུལ་སྒོར་དུང་ཕྱུར་60ལྷག་ཙམ་ཟིན་ཡོད།
      ཤེས་རྟོགས་བྱུང་བར་གཞིགས་ན། 2019ལོར་རྣམ་གྲངས་ལ་མིང་རྟགས་འགོད་མཁན་ཁ་གཏད་བོད་སྐྱོར་གྱི་ཞིང་ཆེན་དང་གྲོང་ཁྱེར་17དང་། ཁ་གཏད་བོད་སྐྱོར་གྱི་ཀྲུང་དབྱང་ཁེ་ལས་16 ཆེད་མངགས་མིང་རྟགས་འགོད་པར་གདན་དྲངས་པའི་ཁེ་ལས་མང་པོ་བཅས་དང་འབྲེལ་བ་ཡོད་པ་དང་། རྣམ་གྲངས་ལ་ཐོན་ལས་དང་། སློབ་གསོ། སྨན་བཅོས། ལས་ཞུགས་གཞན་སྒྱུར། འཛད་སྤྱོད་དབུལ་སྐྱོར། ཚན་རྩལ་དབུལ་སྐྱོར་སོགས་ཁྱབ་ཁོངས་ཁག་ཚུད་ཡོད། དེའི་ཁྲོད་འཛད་སྤྱོད་དབུལ་སྐྱོར་དང་ལས་ཞུགས་གཞན་སྒྱུར་གྱི་རྣམ་གྲངས་གཉིས་ཀ་འདི་ལོ་གསར་དུ་བསྣན་པ་ཞིག་ཡིན་པ་དང་། སྔོན་རྩིས་བྱས་ན། མིང་རྟགས་འགོད་པའི་བྲིན་འཚོང་དངུལ་འབོར་སྒོར་དུང་ཕྱུར་45ཟིན་རྒྱུ་དང་མི་8000ལྷག་ཙམ་ལ་ལས་ཞུགས་བཀོད་སྒྲིག་བྱེད་རྒྱུ་རེད།
      དབུལ་སྒྲོལ་འགག་སྒྲོལ་གྱི་དམག་འཐབ་རྒྱག་འགོ་ཚུགས་པ་ནས་བཟུང་། བོད་ལྗོངས་ཀྱི་མི་འབོར་དབུལ་པོ་དེ་སྔའི་མི་ཁྲི་59ནས་མི་ཁྲི་15བར་ཉུང་དུ་ཕྱིན་པ་དང་། རྫོང(ཆུས)དབུལ་པོའི་གྲངས་འབོར་74ནས་19བར་ཉུང་དུ་ཕྱིན་པས། དབུལ་ཞྭ་འཕུད་པའི་གྲངས་ཚད་རྒྱལ་ཡོངས་ཀྱི་ཨང་དང་པོར་སླེབས་པ། དབུལ་པོ་ཐོན་ཚད་25.2%ནས་5.6%བར་ཆག་པ་རེད། འདི་ལོ་བོད་རང་སྐྱོང་ལྗོངས་ཀྱིས་ལོ་འདིར་དབུལ་པོ་དབུལ་རྐྱང་ཡོངས་སུ་སེལ་བའི་བརྩོན་ལེན་བྱས་ཏེ་མི་འབོར་དབུལ་པོ་ཁྲི་15དབུལ་སྒྲོལ་ཐུབ་པ་དང་རྫོང་དང་ཆུས་དབུལ་པོ་19ཡི་དབུལ་ཞྭ་འཕུད་རྒྱུ་ཡིན་པ་རེད།
རྩོམ་སྒྲིག་པ། རྡོ་རྗེ།