ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > མདུན་ཤོག > བོད་སྐྱོར་དཔུང་སྡེ།

སྨན་བཅོས་རོགས་སྐྱོར་གྱིས་བོད་ཀྱི་སྨན་བཅོས་འཕྲོད་བསྟེན་བྱ་གཞག་འཕེལ་རྒྱས་ལ་རོགས་སྐྱོར་བྱས་པ།

སྤེལ་དུས 2019-07-22 ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། རྩོམ་པ་པོ།
          ཉིན་ཤས་གོང་། པེ་ཅིང་ཞེ་ཧོ་སྨན་ཁང་གིས་སྨན་ཁང་དེའི་ནད་ལྕི་གསོ་རིག་ཚན་ཁག་གི་སྨན་པ་དཀའ་བཅུ་པ་ཝང་ཞའོ་ཐིང་ཚུད་པའི་ལས་སྒོའི་རྐང་འཛིན་པ་10ལས་གྲུབ་པའི་བོད་སྐྱོར་སྨན་བཅོས་རུ་ཁག་གི“ཚོགས་སྒྲིག་རྣམ་པའི”བོད་སྐྱོར་སྨན་བཅོས་རུ་ཁག་ཁག་ལྔ་པ་བོད་དུ་མངགས་གཏོང་བྱ་རྒྱུའི་ཁྱབ་བསྒྲགས་བྱས་པ་རེད།
          ཤེས་རྟོགས་བྱུང་བར་གཞིགས་ན། 2015ལོར་ཀྲུང་དབྱང་རྩ་འཛུགས་པུའུ་དང་དེ་སྔའི་རྒྱལ་ཁབ་འཕྲོད་བསྟེན་འཆར་ལྡན་བུ་བཙའ་ཨུ་ལྷན་གྱིས་སྨན་བཅོས་ཤེས་ལྡན་མི་སྣའི“ཚོགས་སྒྲིག་རྣམ་པའི”བོད་སྐྱོར་ལས་དོན་སྤེལ་བ་དང་། བོད་སྐྱོར་སྨན་བཅོས་རུ་ཁག་གིས“སློབ་རོགས་ཁྲིད”གསུམ་བྱས་ནས“ས་གནས་དེ་གའི་རྐང་འཛིན་པར་གསོ་སྦྱོང”བྱས་པ་བརྒྱུད་འབྲེལ་ཡོད་རོགས་སྐྱོར་ཐོབ་པའི་སྨན་ཁང་གི་ཕྱོགས་གང་ས་ཅི་ཐད་ལ་ཡར་རྒྱས་མངོན་གསལ་དོད་པོ་བྱུང་ནས་བོད་ཀྱི་སྨན་བཅོས་འཕྲོད་བསྟེན་བྱ་གཞག་འཕེལ་རྒྱས་མྱུར་པོ་བྱུང་ཡོད། བོད་སྐྱོར་ལས་འགན་འདི་པེ་ཅིང་ཞེ་ཧོ་སྨན་ཁང་གིས་སྣེ་ཁྲིད་དེ་བསྒྲུབས་པ་དང་ལོ་བཞིའི་རིང་ཁག་ཐེངས་བཞིའི་ལས་སྒོའི་རྐང་འཛིན་པ་ཁྱོན་38མངགས་ནས་བོད་རང་སྐྱོང་ལྗོངས་མི་དམངས་སྨན་ཁང་ལ“རང་བརྟེན་རྣམ་པའི”སྨན་བཅོས་རོགས་སྐྱོར་བྱས་པ་རེད།
          པེ་ཅིང་ཞེ་ཧོ་སྨན་ཁང་གི་འབྲེལ་ཡོད་འགན་འཁུར་བས“ཚོགས་སྒྲིག་རྣམ་པའི”བོད་སྐྱོར་སྨན་བཅོས་རུ་ཁག་གིས་སྒྲིག་འཛུགས་ལྡན་པའི་དྲ་བའི་གསོ་སྦྱོང་མ་ལག་ཅིག་འཆར་འགོད་དང་ཇུས་འགོད་བྱས་ཡོད། མ་ལག་དེས་ས་གནས་ས་ཐོག་ཏུ་སློབ་ཁྲིད་དང་གཅིག་གྱུར་སློབ་ཁྲིད་བྱས་ཏེ་བཀོལ་སྤྱོད་ཚད་ལྡན་དུ་གཏོང་བ་དང་ཞན་ཆ་གསབ་པ་དང་། རྒྱང་ཁྲིད་སློབ་ཁྲིད་བརྒྱུད་ཚད་གཞི་མཐོ་རུ་གཏོང་བ་དང་མཐོང་རྒྱ་ཆེ་རུ་བཏང་བ། ཕྱིར་གཏོང་གསོ་སྦྱོང་གོ་སྐབས་མང་དུ་གཏོང་བ་དང་ཡུན་རིང་ཟབ་སྦྱོང་བྱས་ཏེ་ཕྱོགས་བསྡུས་བྱང་ཚད་མཐོ་རུ་གཏོང་བ་དང་དུས་ཐུང་ཆེད་དོན་གསོ་སྦྱོང་བྱས་ཏེ་རྩལ་ནུས་ཆེ་རུ་བཏང་བ། རིག་ཚན་གྱི་རྐང་འཛིན་པ་གསོ་སྦྱོང་ལ་དམིགས་ཏེ་གཅིག་གཏད་གཅིག་གི་ཐབས་ལམ་སྤྱད་ནས“དགེ་རྒན་གྱིས་དགེ་ཕྲུག་ཁྲིད་པའི”བྱ་ཐབས་བརྒྱུད་ཆ་སྒྲིག་རོགས་སྐྱོར་བྱས་ཡོད་ཅེས་བརྗོད།
          པེ་ཅིང་ཞེ་ཧོ་སྨན་ཁང་གི“ཚོགས་སྒྲིག་རྣམ་པའི”བོད་སྐྱོར་སྨན་བཅོས་རུ་ཁག་ཁག་ལྔ་པ་ཟླ་7ཚེས་29ཉིན་ལྷ་སར་འབྱོར་ནས་དུས་ཡུན་ལོ་གཅིག་གི་བོད་སྐྱོར་ལས་དོན་སྤེལ་རྒྱུ་དང་། པེ་ཅིང་ཞེ་ཧོ་སྨན་ཁང་གི་ཡོན་ཀྲང་གཞོན་པ་དབྱང་ཏུན་ཀན་གྱིས་རུ་དཔོན་གྱི་འགན་འཁུར་རྒྱུ་ཡིན་ཞིང་། སྨན་བཅོས་རུ་ཁག་གི་རུ་མི་ཚོས་ཞེ་ཧོ་སྨན་ཁང་གི་བོད་སྐྱོར་སྲོལ་རྒྱུན་རྒྱུན་འཛིན་བྱས་ཏེ་སྨན་བཅོས་ལག་རྩལ་གསར་ཤོས་དང་སྨན་བཅོས་དོ་དམ་གྱི་འདུ་ཤེས་ཡག་ཤོས་མུ་མཐུད་བོད་དུ་ཁྱབ་གདལ་བཏང་ནས་བོད་ཀྱི་འཕྲོད་བསྟེན་བྱ་གཞག་འཕེལ་རྒྱས་གསར་པ་ཡོང་རྒྱུར་སྐུལ་འདེད་གཏོང་རྒྱུ་ཡིན་ཞེས་བརྗོད་པ་རེད།
རྩོམ་སྒྲིག་པ། རྡོ་རྗེ།