སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ། ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས།
ཀྲུང་གོའི་བོད་ལྗོངས་དྲ་བ། > མདུན་ཤོག > སློབ་གསོ་དགའ་ཚལ།

དཔེ་ཀློག་གི་ཕན་ནུས་ཆེན་པོ་དྲུག ང་ཚོ་མཉམ་དུ་དཔེ་ཀློག་ལ་འབད།

སྤེལ་དུས 2019-04-30 ཡོང་ཁུངས། སེམས་ཀྱི་ཉི་ཟླའི་བོད་ཡིག་དྲ་བ། རྩོམ་པ་པོ། བྱམས་བརྩེའི་ཉི་འོད།

       དཔེ་ཀློག་ནི་མི་ཞིག་གི་མི་ཚེའི་ཧྲིལ་བོའི་སློབ་སྦྱོང་གི་གོ་རིམ་ཞིག་ཡིན། དཔེ་ཀློག་ལ་བརྟེན་ནས་ཤེས་བྱ་མང་པོ་བསླབ་ཐུབ་པ་དང་། གྲོགས་པོ་མང་པོ་བསྒྲིག་ཐུབ་པ། མིག་རྒྱང་བསྐྱེད་ཐུབ་པ། རང་ཉིད་ཀྱི་རིན་ཐང་ཇེ་མཐོར་གཏོང་ཐུབ་པ་སོགས་ཀྱི་དགེ་མཚན་ཆེན་པོ་འདུག་པས། དེའི་སྐོར་ཤེས་འདོད་ན་གཤམ་གྱི་ནང་དོན་ལ་ཞིབ་ཏུ་གཟིགས་རོགས།
       གཅིག རིག་གནས་དང་ཤེས་བྱ་མང་པོ་ཤེས་ཐུབ་པ།
       དཔེ་དེབ་ནི་འགྲོ་བ་མིའི་རིགས་འཕེལ་རྒྱས་ཀྱི་ཐེམ་སྐེས་ལྟ་བུ་ཞིག་ཡིན་པ་དང་། དཔེ་དེབ་ཁྲོད་སྐྱེས་བུ་དམ་པ་རྣམས་ཀྱི་བློ་གྲོས་ཀྱི་རྩལ་དང་ཤེས་རིག་གི་ཉིང་བཅུད། ད་དུང་མི་རབས་སྔོན་མ་རྣམས་ཀྱི་འཚོ་བའི་ཉམས་མྱོང་སོགས་ཤེས་བྱ་ཡོད་ཚད་འདུས་པས། དཔེ་ཀློག་བྱས་ན་རིག་གནས་དང་ཤེས་བྱ་མང་པོ་རྒྱུད་ལ་འབྱོར་སྲིད། 
       གཉིས། ཡང་དག་པའི་ལྟ་བ་རྒྱུད་ལ་འབྱོར་སྲིད།
       དཔེ་ཀློག་ལ་བརྟེན་ནས་སྔོན་བྱོན་གྱི་སྐྱེས་བུ་དམ་པ་རྣམས་ཀྱི་བློ་གྲོས་དང་རྣམ་དཔྱོད་ཀྱི་རྩལ་ལས་ཐོན་པའི་ཤེས་བྱ་མང་པོ་རྒྱུད་ལ་འབྱོར་ཐུབ་པ་དང་། ད་དུང་གནའ་དེང་གི་རིག་གནས་པ་མང་པོ་ཞིག་གི་བསམ་བློ་དང་རྒྱུད་ཀྱི་ཡོན་ཏན་ལ་སློབ་སྦྱོང་བྱ་ཐུབ་པས། རང་ཉིད་ཀྱི་རྒྱུད་ལ་ཡང་དག་པའི་རིན་ཐང་ལྟ་བ་དང་མི་ཚེ་ལྟ་བ། འཇིག་རྟེན་ལྟ་བ་སོགས་འབྱོར་སྲིད།
       གསུམ། ཤེས་རྟོགས་མཐོ་བའི་མི་ཞིག་བྱ་ཐུབ།
       དཔེ་ཀློག་ལ་བརྟེན་ནས་རང་ཉིད་ཀྱི་བསམ་བློའི་ཆུ་ཚད་ཇེ་མཐོ་དང་ཤེས་བྱའི་ཆུ་ཚད་ཇེ་ལེགས་སུ་གཏོང་ཐུབ་པ་དང་། འཇིག་རྟེན་གྱི་ཤེས་བྱ་སྣ་ཚོགས་ལ་རྒྱུས་ལོན་བྱ་ཐུབ། དེའི་ཕྱིར། གལ་ཏེ་དཔེ་ཀློག་བྱས་ན་རང་ཉིད་ཀྱི་ཤེས་རྟོགས་ཇེ་མཐོར་གཏོང་ཐུབ་པ་སོགས་ཀྱི་དགེ་མཚན་ཆེན་པོ་ཡོད།
       བཞི། མིའི་ལས་དབང་ལ་བསྒྱུར་བཀོད་བྱེད་ནུས་པ།
       དཔེ་ཀློག་གིས་མིའི་རྒྱུད་ཀྱི་ཤེས་བྱ་ཕུན་ཚོགས་སུ་གཏོང་ནུས་པ་མ་ཟད། ད་དུང་མི་གཞན་གྱི་ཉམས་མྱོང་དང་བློ་གྲོས་ལ་བརྟེན་ནས། རང་ཉིད་ཀྱི་མི་ཚེ་དང་ལས་དབང་ལ་བསྒྱུར་བཀོད་ཡག་པོ་བྱ་ཐུབ།
       ལྔ། དམིགས་ཡུལ་དང་ཕུགས་འདུན་གཅིག་པའི་གྲོགས་པོ་མང་པོ་བསྒྲིག་ཐུབ།
       དཔེ་ཀློག་ལ་བརྟེན་ནས་གྲོགས་མང་པོ་ངོ་ཤེས་ཐུབ་པར་མ་ཟད། ད་དུང་སྤྱི་ཚོགས་སྟེང་གི་འབྲེལ་བའང་ཇེ་ལེགས་སུ་གཏོང་ཐུབ། རང་དང་ཕུགས་འདུན་གཅིག་པའི་གྲོགས་པོ་མང་པོ་བསྒྲིག་ཐུབ། དེའི་ཕྱིར། ལྟ་བ་དང་ཕུགས་འདུན་གཅིག་པའི་གྲོགས་པོ་ཚོ་དང་མཉམ་ཏུ། འཇིག་རྟེན་འདིར་དོན་སྙིང་ལྡན་པའི་བྱ་བ་རླབས་ཆེན་སྣ་ཚོགས་བསྒྲུབ་ཆོག་པ་དང་། ཤེས་བྱ་སྣ་ཚོགས་ལ་བགྲོ་གླེང་བྱས་ཆོག  འདི་ནི་འཇིག་རྟེན་འདིར་ཆེས་དོན་སྙིང་ལྡན་པའི་བྱ་བ་ཞིག་ཅི་ལ་མིན།