གནམ་གྲུའི་པ་སེ་སྐོར་གྱི་གཏན་འབེབས་གསར་པ།
སྤེལ་དུས 2021-03-18
ཡོང་ཁུངས། མི་དམངས་དྲ་བ།
རྩོམ་པ་པོ།
“དམངས་སྤྱོད་མཁའ་འགྲུལ་གྱི་པ་སེ་ཕྱིར་སློག་དལ་བའི་གནད་དོན་ཐག་གཅོད་བྱ་ཆེད། གཏན་འབེབས་ལས་མཁའ་འགྲུལ་ཀུང་སི་དང་མཁའ་འགྲུལ་ཕྱིར་འཚོང་ལས་ཚབ་པས་ལས་ཀའི་ཉིན་7ཚུན་དངུལ་ཕྱིར་སློག་པའི་ལས་རིམ་སྒྲུབ་ཐུབ་པ་བྱ་རྒྱུ་རེད། ཞུ་གཏུག་ཐག་གཅོད་ཕྱོགས་ནས། ཞུ་གཏུག་བྱེད་པའི་ཁེ་ལས་ཚང་མས་ལས་ཀའི་ཉིན་10ཚུན་ཐག་གཅོད་བྱ་ཐུབ་དགོས།”ཞེས་དམངས་སྤྱོད་མཁའ་འགྲུལ་སྐྱེལ་འདྲེན་སུའི་སུ་ཀྲང་ཡུའུ་པུའེ་ཡིས་ཚེས་15ཉིན་《སྤྱི་པའི་མཁའ་འགྲུལ་སྐྱེལ་འདྲེན་གྱི་ཞབས་ཞུ་དོ་དམ་གཏན་འབེབས།》གསལ་འགྲེལ་བྱེད་སྐབས་སུ་དེ་ལྟར་བཤད།
《སྤྱི་པའི་མཁའ་འགྲུལ་སྐྱེལ་འདྲེན་གྱི་ཞབས་ཞུ་དོ་དམ་གཏན་འབེབས།》ཉེ་སྔོན་དངོས་སུ་སྤེལ་བ་དང་། དེ་ནི་ད་ལོའི་ཟླ་9ཚེས་1ཉིན་ལག་བསྟར་བྱ་རྒྱུ་རེད། ཉིན་དེར་འཚོགས་པའི་དམངས་སྤྱོད་མཁའ་འགྲུལ་ཅུས་ཀྱི་རྒྱུན་ལྡན་གྱི་གསར་འགྱུར་ཁྱབ་བསྒྲགས་ཚོགས་འདུའི་ཐོག་ཏུ། ཡུའུ་པེའུ་ཡིས་ཐེངས་འདིར་སྤེལ་བའི་གཏན་འབེབས་ཀྱིས་དེ་སྔོན་ཡོད་པའི་རྩ་དོན་ལ་ཁྱོན་ཡོངས་ནས་བསྒྱུར་བཅོས་ཆེན་པོ་བྱས་ཡོད། ཐེངས་འདིར་བཟོ་བཅོས་བྱེད་པའི་གཙོ་གནད་ནི་མཛད་སྤྱོད་པའི་ཁེ་དབང་སྲུང་སྐྱོང་ལ་དམིགས་པ་ཡིན། འགྲུལ་པར་པ་སེ་ཕྱིར་འཚོང་དང་། ཕྱིར་སློག་དུས་སྒྱུར་བ། ཚད་བརྒལ་བཙོངས་པ་སོགས་ཐད་རྩོད་གཞི་འབྱུང་སླ་བའི་འགག་རྩའི་ཐད་ནས་བླང་བྱ་ཁ་གསལ་བཏོན་པ་དང་། ཡུལ་སྐོར་བའི་ཤེས་རྟོགས་དབང་ཆ་དང་བདམས་གསེས་དབང་ཆ། གྱོང་གུན་གསབ་ལེན་དབང་ཆ་སོགས་སྔར་བས་ཡག་པོ་སྲུང་སྐྱོང་བྱ་རྒྱུ་ཡིན་པ་འདོད།
ཡུའུ་པེའུ་ཡིས་ཕྱིན་ཆད་དམངས་སྤྱོད་ཅུས་ཀྱིས་གཅིག་གྱུར་ངང་འབྲེལ་ཡོད་ཡིག་ཆ་འཆར་འགོད་གཏན་འབེབས་དང་རྩ་དོན་བཟོ་བཅོས་བྱས་ནས། སྔར་ལས་དམངས་སྤྱོད་མཁའ་འགྲུལ་ཞབས་ཞུ་སྤུས་ཚད་དོ་དམ་མ་ལག་ལེགས་བཅོས་གཏོང་སྟེ། དམངས་སྤྱོད་མཁའ་འགྲུལ་གྱི་ཞབས་ཞུ་ཆུ་ཚད་ཇེ་མཐོར་གཏོང་རྒྱུ་བསྟན།
རྩོམ་སྒྲིག་པ། སྣང་རྡོར།