ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > དམངས་སྲོལ་ནོར་བུ།

ཤོ་པ་ཚོས་ཤོ་རྒྱག་དུས་ཤོའི་རིག་གནས་མཁྱེན་གྱི་ཡོད་དམ།

སྤེལ་དུས 2019-02-19 ཡོང་ཁུངས། བོད་ལྗོངས་ཉིན་རེའི་ཚགས་པར་བོད་ཡིག་སྨྱན་སྦྱོར། རྩོམ་པ་པོ། ཚེ་རྡོར་གྱིས་བསྒྲིགས།

      ཤོ་ནི་བོད་དུ་དར་སྲོལ་ཆེ་བའི་རྩེད་མོའི་རིགས་ཤིག་ཡིན་པ་དེར་རྒྱག་སྟངས་སྟབས་བདེ་ལ་ཡུན་རིང་བའི་རྩེད་མོ་ཞིག་རེད། གཙོ་བོ་དུས་ཆེན་དང་གུང་སེང་ངམ་ཡང་ན་གཉེན་ཉེ་འདུ་འཛོམས་སྐབས་མང་པོ་རྒྱག་གི་ཡོད། རྩེད་མོ་དེ་ངོ་མཚར་ཆེ་ཞིང་ཕན་ཚུན་རིག་པ་སྡུར་བའི་རྩེད་མོ་ཞིག་ཡིན་སྟབས། རང་རང་ལ་མཁོ་བའི་ཤོ་མིག་དང་མཐུན་པའི་ཤོ་བཤད་རྒྱག་སྲོལ་ཡོད།
      གླིང་རྗེ་གེ་སར་རྒྱལ་པོའི་རྣམ་ཐང་དུའང་དང་ཐོག་ལྷ་ཚངས་པར་བུ་དགུ་ཡོད་པའི་ནང་ནས་ལྟ་བུ་དོན་གྲུབ་ཤོ་ཤོར་ཏེ་མི་ཡུལ་དུ་ཕེབས་དགོས་བྱུང་བའི་དམངས་ཁྲོད་ཀྱི་ཤོད་རྒྱུན་ཡོད་པ་མ་ཟད། ཧོར་གླིང་གཡུལ་འགྱེད་སོགས་སུའང་ཤོ་བརྒྱབ་ནས་དམག་དཔོན་མངགས་ཚུལ་མང་པོ་ཡོད་ལ། ཉེ་རབས་ཀྱི་ལོ་རྒྱུས་སུ་ཆུ་དཀོན་པའི་ས་ཆར་ཤོ་བརྒྱབ་ནས་ཆུ་རེས་གཏན་འཁེལ་བྱེད་ཀྱི་ཡོད་པ་ལོ་རྒྱུས་ཐོག་ཏུ་ཤོ་དང་འབྲེལ་བའི་གཏམ་རྒྱུད་དུ་མ་ཡོད་ཅིང་དེར་རྒྱས་པར་མི་གླེང་། ཤོ་རྒྱག་སྐབས་ཤོ་གཉིས་དང་། ཤོ་གདན། བརྡབ་སེ། ཤོ་ཕོར། ཤོ་རྡེའུ་བཅས་དགོས་ཤིང་། དངོས་སུ་རྒྱག་སྐབས་མི་གཉིས་མཉམ་དུ་རྒྱག་པའི་ཉིས་ཤོ་དང་། གསུམ་མཉམ་དུ་རྒྱག་པའི་གསུམ་ཤོ། མི་བཞི་ཕྱོགས་གཉིས་སུ་བགོས་ཏེ་མཉམ་དུ་རྒྱག་པའི་བཞི་ཤོ་བཅས་རྩེད་ལུགས་ཁག་གསུམ་ཡོད། སྲོལ་རྒྱུན་ལྟར་ན་ཤོ་མ་བརྒྱབ་གོང་རྟེན་འབྲེལ་མཚོན་བྱེད་དུ་འཛུགས་ཆང་ཞེས་ཤོ་རྒྱག་མཁན་ཡོད་ཚད་ཀྱིས་ཆང་ཞབས་བཏགས་གང་ངམ་གསུམ་སྒྲོན་མཉེས་དག་དང་ཡང་ན་གསུམ་སྒྲོན་ཞབས་བཏགས་གང་རུང་འཐུང་དགོས། དེ་ནས་སྔ་དྲོ་ཆེ་དང་དགོང་དྲོ་ཆུང་ཞེས་རྩེད་མོ་རྩེ་བའི་དུས་ཚོད་ཞོགས་པ་ཡིན་ཚེ། ལོ་ན་རྒན་པ་དང་ཕྱི་དྲོ་འཁེལ་ཚེ་ལོ་ན་གཞོན་པ་སྔོན་ལ་འགོ་འཛུགས་དགོས། དེ་མིན། ཤོ་མོ་ཤར་དང་བག་མ་ཀླུང་ཞེས་པ་ལྟར་ལག་ཁྱི་བརྡབ་སེ་ཤར་ནས་ནུབ་བར་གཡས་སྐོར་བརྒྱབ་ནས་གཏོང་དགོས། ཤོ་རྒྱག་སྐབས་ཤོ་པའི་ཕྱོགས་སོ་སོས་གཞན་གྱི་ལག་ཁྱི་གསོད་པ་དང་རང་གི་ལག་ཁྱི་དགུ་པོ་ཅི་ནུས་ཀྱིས་ཟླ་སྒྲིལ་བཏང་སྟེ། ཤོ་རྡེའུ་གཅིག་ཀྱང་མ་ལུས་པར་བགྲངས་ནས་འགྲོ་མགྱོགས་མིན་ལྟ་བའི་འགྲན་བསྡུར་ཞིག་ཡིན་ལ། རྡེའུ་རེ་རེ་གཏོང་བར་ཡང་གཞན་ཕམ་རང་རྒྱལ་གྱི་བསམ་བློའི་ཐབས་ཇུས་འདིང་དགོས། ལག་ཁྱི་དང་པོ་བཙུགས་པ་ནས་མཇུག་བར་མཐར་ཕྱིན་བྱུང་བར་ཤོ་ཐོན་པ་ཞེས་ཤོ་རྒྱལ་བར་བརྩི། ཤོ་རྒྱག་སྐབས་ད་དུང་ཤོ་ཕོར་སྐོར་བའི་ལག་པའི་སྟངས་སྟངས་དང་བསྟུན་ནས་ཤོ་མིག་སོ་སོའི་ཐ་སྙད་ཀྱི་སྒྲ་དང་ཡོངས་སུ་མཚུངས་པའམ་ཡང་ན་ཟུར་ཙམ་འདྲ་བའི་འཚོ་བ་དངོས་ཀྱི་བྱ་དངོས་སྣ་ཚོགས་ཟུང་དུ་འབྲེལ་ཏེ་གསར་རྩོམ་བྱས་པའི་ཚིག་དུམ་གོ་བདེ་ལ་དོན་ཟབ་པ། ཚིག་སྙན་ལ་བརྗོད་བྱ་བདེ་བ། ཟུར་ཟ་དང་དགོད་བྲོའི་རྣམ་པས་ཕྱུག་པའི་ཤོ་བཤད་རྒྱག་པ་མ་ཟད། བོད་ཀྱི་ཡུལ་གྲུ་གང་དུ་ཕྱིན་ཡང་རྩེད་མོ་དེ་རྩེ་མཁན་ཕལ་ཆེ་བ་སྐྱེས་པ་རེད། 
      ཤོ་བཤད་ལ་ཤོ་མིག་གི་སྒོ་ནས་དབྱེ་ན་ཤོ་མིག་རྐྱང་པ་དང་འདྲེས་མའི་ཤོ་བཤད་དང་། དམིགས་ཡུལ་མི་འདྲ་བའི་ངོས་ནས་དབྱེ་ན་ཤོ་ཕོར་ལག་ཏུ་ཁྱེར་ནས་ཁ་མ་ཕྱེ་གོང་སྐྱོར་བའི་རེ་སྨོན་མཚོན་ཆེད་དང་། ཤོ་ཕོར་ཁ་ཕྱེ་སྐབས་རང་ལ་དགོས་པའི་ཤོ་བབས་ཡོད་པ་ཤེས་འཕྲལ་བརྗོད་པའི་སྤྲོ་སེམས་མཚོན་ཆེད། ལ་མ་ཐོན་སྔོན་ནས་ཤོ་སྐོར་དེ་རང་རྒྱལ་སོང་སྙམ་ནས་ངག་ཏུ་འདྲེན་པའི་སྤོབས་སེམས་མཚོན་ཆེད་བཅས་ཁག་གསུམ་དུ་ཕྱེ་ཡོད། གལ་སྲིད་ཤོ་བཤད་ངེས་ཅན་ཞིག་བློར་མེད་ཚེ་མི་སུ་འདྲ་ཞིག་ཡིན་རུང་ཤོ་གྲལ་དུ་ཚུད་དཀའ་བ་མ་ཟད། མཐར་ཚུད་ཀྱང་ལྐུགས་པས་ལྟ་མཐོང་བ་བཞིན་མི་གཞན་གྱི་ཁ་ལ་བལྟས་ནས་སྡོད་རྒྱུ་ལས་རྩེད་འཇོའི་སྤྲོ་སྣང་ཡོང་ཐབས་བྲལ་ལོ།