པ་སྣམ་རྫོང་སྒ་གདོང་གྲོང་ཚོའི་ཁྱད་ལྡན་ཐོན་རྫས་ཟོམ་པ་ལྷམ།
སྤེལ་དུས 2019-10-14
ཡོང་ཁུངས། བོད་ལྗོངས་འཕྲིན་དྲ།།
རྩོམ་པ་པོ།
སྒ་གདོང་ཟོམ་པ་ལྷམ་ལག་ཤེས་བཟོ་རྩལ་ལ་ལོ་ངོ་ ༡༠༠༠ ལྷག་ཙམ་གྱི་ལོ་རྒྱུས་ལྡན་པ་དང་། དེ་ནི་བོད་མི་རིགས་ཀྱི་སྲོལ་རྒྱུན་གྱོན་གོས་རིག་གནས་ཁྲོད་ཀྱི་བཀྲག་མདངས་འཚེར་བའི་མུ་ཏིག་ལྟ་བུ་ཞིག་ཡིན། ད་ཆ་ཟོམ་པ་ལྷམ་གྱི་ལག་ཤེས་བཟོ་རྩལ་དེ་རང་སྐྱོང་ལྗོངས་རིམ་པའི་མངོན་མིན་ཤུལ་བཞག་རིག་གནས་ཁག་ལྔ་པའི་ཚབ་མཚོན་རང་བཞིན་གྱི་མིང་གཞུང་རྣམ་གྲངས་ནང་ཚུད་ཟིན་ཡོད། སྤྱི་ཟླ་བཅུ་པའི་ཚེས ༡༡ ཉིན། བདེ་སྐྱིད་ལྡན་པའི་ལོ་ངོ་བདུན་ཅུ། བཀྲ་ཤིས་གཡང་ཆགས་ཀྱི་གཞིས་རྩེ་ཞེས་པའི་དྲ་རྒྱའི་གྲགས་ཅན་མི་སྣའི་བོད་ལྗོངས་བཅར་འདྲི་ཚོགས་པ་གཞིས་རྩེ་གྲོང་ཁྱེར་པ་སྣམ་རྫོང་སྒ་གདོང་གྲོང་རྡལ་མ་དབྱེར་གྲོང་ཚོའི་ཟོམ་པ་ལྷམ་བཟོ་གྲྭར་སྐྱོད་དེ། བོད་མི་རིགས་ཀྱི་སྲོལ་རྒྱུན་ལག་ཤེས་བཟོ་རྩལ་གྱི་ཉམས་འགྱུར་མྱོང་རོལ་ཐུབ་པ་བྱས་ཡོད།།
སྲོལ་རྒྱུན་ལག་ཤེས་བཟོ་རྩལ་གྱི། རྩེར་སོན་ཁྱད་ལྡན་ཐོན་རྫས་མཚར།
རྩོམ་སྒྲིག་པ།སྣང་རྡོར།