གཟི་འོད་འབར་བའི་གཟུགས་མེད་རིག་གནས་ཤུལ་བཞག་འདི་ཚོ་མཇལ་ཨེ་མྱོང་།
སྤེལ་དུས 2019-10-21
ཡོང་ཁུངས། ཁམས་པའི་དྲ་བ།
རྩོམ་པ་པོ།
ཀྲུང་གོ་ཁྲེང་ཏུའུ་རྒྱལ་སྤྱིའི་གཟུགས་མེད་རིག་གནས་ཤུལ་བཞག་འགྲེམ་སྟོན་འདུ་ཚོགས་ཀྱི་དཀར་མཛེས་ཡན་ལག་ཚོགས་རའི་འགོ་ཚུགས་མཛད་སྒོ་མཇུག་རྫོགས་རྗེས། འགོ་ཁྲིད་དང་ཕྱོགས་ཡོང་གི་མགྲོན་པོ། རྒྱ་ཆེའི་ལྟད་མོ་བ་དག་གིས་ཐེངས་འདིའི་གཟུགས་མེད་རིག་གནས་ཤུལ་བཞག་འདུ་ཚོགས་སྐབས་བདུན་པའི་དཀར་མཛེས་ཡན་ལག་ཚོགས་ར་དར་མདོ་ཟློས་གར་ཁང་དུ་སྤེལ་བའི་དཀར་མཛེས་ཁུལ་གྱི་རྫོང་ཁག་སོ་སོའི་ལག་ཤེས་པ་དག་གི་ལག་རྩལ་ལས་ཐོན་པའི་རྒྱལ་ཁབ་དང་ཞིང་ཆེན་རིམ་པའི་གཟུགས་མེད་རིག་གནས་ཤུལ་བཞག་གི་གྲས་སུ་ཚུད་པའི་ཀརྨ་སྒར་བྲིས། ཧོར་པོའི་བཟོ་རྩལ། རྒྱལ་རོང་གི་འཚེབ་དྲུབ། གསེར་རྟའི་རྡོ་རྐོས་སྒྱུ་རྩལ། རྫི་བོའི་ལག་རྩལ་ཐོན་རྫས། ཕྱག་ཕྲེང་གི་ཤིང་ཕོར་ལག་རྩལ། རྟའུ་ཡི་མར་རྒྱན་མཆོད་པ་སོགས་འགྲེམ་སྟོན་བྱེད་བཞིན་པའི་འགྲེམ་སྟོན་ཐོན་རྫས་དག་ལ་ཡུལ་དངོས་སུ་ལྟ་སྐོར་དུ་ཕེབས་ཡོད་པ་རེད།
མཁྱེན་ལིའི་སྐུ་ནི་རྫོང་སར་འཇམ་དབྱངས་མཁྱེན་བརྩེ་དབང་པོས་གསར་གཏོད་གནང་། དེ་ནས་རིམ་པར་བརྒྱུད་དེ་ད་ལྟའི་སྐྱ་ལོད་ཉི་མའི་བར་དུ་བར་མ་ཆད་པར་བྱུང་། མཁྱེན་ལིའི་ཁྱད་ཆོས་གཙོ་བོ་ནི་གསེར་དངུལ་ཟངས་རག་བཤའ་མ་བྱས་ནས་སྲོལ་རྒྱུན་དང་མཐུན་པ་ཁོ་ན་བྱས་པ། རྒྱུ་ངན་གྱིས་བསླད་མེད་པ། སྲོལ་རྒྱུན་ལག་རྩལ་ལས་དེང་དུས་ཀྱི་འཕྲུལ་རིགས་ཀྱིས་བསྐྲུན་པ་མིན་པ། རྫས་འགྱུར་གྱིས་རྩི་བྱུག་མི་དགོས། སྐུ་གཟུགས་དང་མཆོད་རྟེན་སོགས་མཁྱེན་ལིའི་ཐོན་རྫས་རྣམས་ཀྱི་ཆ་ཚད་སྲོལ་རྒྱུན་དང་མཐུན་པ་ཁོ་ན་ལས་གྲུབ་པ་སོགས་ཀྱིས་ཀྲུང་གོའི་རིག་གནས་སྒྱུ་རྩལ་གྱི་དབྱིངས་རིམ་ནས་མཁྱིན་ལི་ཉི་ཟླའི་གཟི་བྱིན་འབར་བ་ཅན་དེ་ཡིན་ནོ།།
མི་རབས་གསུམ་གྱི་ལག་རྩལ་བརྒྱུད་པའི་ཕྱག་ཕྲེང་གི་ཤིང་ཕོར།
བོད་རྒྱལ་མོ་རོང་གི་འཚེབ་དྲུབ་སྒྱུ་རྩལ།
སྡེ་དགེ་པར་ཁང་བཀྲ་ཤིས་སྒོ་མང་གི་པར་ཤིང་།
གེ་སར་རྡོ་བརྐོས་ཚོན་བྲིས་མའི་ལག་རྩལ།
རྫི་བོའི་ཐོན་རྫས།
ཀརྨ་སྒར་བྲིས་ཀྱི་ཐང་ག
ནོར་ལུག་ཀོ་བའི་ལག་བཟོས་ཀོ་ཆས།
ཉག་རོང་སྨན་འབག
བོད་སྨན།
སྡེ་རོང་གི་སྨྱུག་བསླས་ལག་རྩལ་ཐོན་རྫས།
འདབ་པའི་ཨ་ཤོད་རྫ་ཆས།
བོད་ཀྱི་ཡིག་གཟུགས།
རྩོམ་སྒྲིག་པ།སྣང་རྡོར།