དབུ་ལ་རལ་བའི་ཉི་ཟླ་ཁུར་བའི། ། ཁམས་པའི་ཕོ་རྒོད་མི་ཡི་དྭངས་མ། །
སྤེལ་དུས 2020-12-24
ཡོང་ཁུངས། ཁམས་པའི་དྲ་བ།
རྩོམ་པ་པོ།
འདི་དག་ནི་ཁམས་ཉག་ཆུ་ཨོ་ཐོག་ཡུལ་གྱི་དམངས་སྲོལ་རིག་གནས་མཚོན་པའི་འདྲ་པར་འགའ་ཡིན་ལ། རལ་བ་ནི་ཁམས་ཕྱོགས་དུ་དར་ཁྱབ་ཆེ་བའི་རྒྱན་ཆ་ཞིག་ཡིན་ལ། རལ་བ་དམར་པོ་དང་ནག་པོ་གཉིས་ཡོད་པ་ལས་ཁམས་ཉག་ཆུ་ཨོ་ཐོག་ཡུལ་གྱི་རལ་བ་ནི་ཕལ་ཆེར་ནག་པོ་ཡིན།
ལྷམ་མཐིལ་མ་རྐང་བའི་མཐིལ་ན་མཛེས། ། དེ་གྱོན་ནས་གནའ་བྲོ་འཁྲབ་ན་ཡག །
ལྷམ་འདིའི་མིང་ལ(ལྷམ་མཐིལ་མ)ཞེས་འབོད་ལ། ལྷམ་མཐིལ་མ་ནི་དགེ་འདུན་པ་དང་སྐྱ་བོ་གཉིས་ནས་གྱོན་ཆོག་མོད། དེ་ལ་ཅུང་ཟད་མི་འདྲ་ས་ཡང་ཡོད།
ཐུགས་ལ་བྱམས་བརྩེའི་མེ་ཏོག་བཞད་པའི། ། ཁམས་པའི་བུ་མོ་གསེར་གྱི་རང་གཤིས། །
གོང་གི་བུད་མེད་ཀྱི་རྒྱན་ཆ་འདིའི་མིང་ལ་མགོ་ཆའམ་ཁྱ་མོ་ཞེས་བརྗོད་ལ། རྒྱན་ཆ་འདི་ནི་གསེར་དངུལ་གཉིས་ལས་བྱས་པ་ཡང་ཡོད་པས་གསེར་གྱིས་བརྡུང་བའི་རྒྱན་ཆ་ནི་ད་ལྟ་དར་སྲོལ་ཆེ། རྒྱན་ཆ་འདི་ཡང་ཉག་ཆུ་ཨོ་ཐོག་གི་ཐུན་མོང་མ་ཡིན་པ་ཞིག་གོ །
རྩོམ་སྒྲིག་པ། སྣང་རྡོར།