ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > ཁྲིམས་གཞུང་མདའ་མོ།

གཞན་ཚབ་ཏུ་རླངས་འཁོར་བསྐོར་ནས་དོན་རྐྱེན་བཟོས་ན་སུས་འགན་འཁུར་དགོས།

སྤེལ་དུས 2018-12-27 ཡོང་ཁུངས། མཚོ་སྔོན་ཁྲིམས་ལུགས་ཚགས་པར། རྩོམ་པ་པོ། ཚེ་རིང་གིས་བསྒྲིགས།
གྱོད་དཔེ།
             ཟླ་འགའི་སྔོན་དུ། ངེད་ཚང་གི་ཁྱིམ་མཚེས་རྟ་མགྲིན་ཚང་གི་བུ་ཆེ་བར་གཉེན་སྟོན་གྱི་ཆོ་ག་བསྒྲུབས། ཉིན་དེའི་ཕྱི་དྲོའི་ཆུ་ཚོད་དྲུག་ཡས་མས་སུ། རྟ་མགྲིན་གྱིས་ང་བཙལ་ཡོང་ནས་བཤད་རྒྱུར། དེ་རིང་ཁོས་ཆང་འཐུང་བ་མང་དྲགས་པས་ད་ལྟ་ཅུང་བཟི་འདུག ཁྱོད་ཀྱིས་ཆང་འཐུང་མེད་པས་ངེད་ཚང་གི་རླངས་འཁོར་སྐོར་ནས་མགྲོན་པོ་རྣམས་ཡུལ་ལ་སྐྱེལ་དགོས་ཟེར། ངས་ཀྱང་དགའ་དགའ་སྤྲོ་སྤྲོའི་ངང་དང་ལེན་བྱས་ཏེ་ཁོས་བཤད་པ་བཞིན་བསྒྲུབས། བསམ་ཡུལ་ལས་འདས་པ་ཞིག་ལ་འགྲུལ་སྐྱེལ་བྱེད་པའི་གོ་རིམ་ཁྲོད་སྟབས་མ་ལེགས་པར་འགྲིམ་འགྲུལ་དོན་རྐྱེན་ཞིག་བྱུང་ཞིང་། ང་ལ་རྨས་སྐྱོན་བཟོས་པར་སྨན་ཡོན་སྒོར་ཁྲི་གསུམ་ཙམ་ཤོར། རྗེས་སུ་ངས་རྟ་མགྲིན་ལ་ངའི་སྨན་ཡོན་གྱི་སྐྱིན་ཚབ་འཇལ་དགོས་པའི་རེ་བ་བཏོན་ཡང་། རྟ་མགྲིན་གྱིས་འགྲིམ་འགྲུལ་དོན་རྐྱེན་ཁོས་བཟོས་པ་མིན་ཟེར་བ་དང་། འགྲིམ་འགྲུལ་ཉེན་རྟོག་པས་ཀྱང་ཡུལ་དངོས་ལ་བརྟག་དཔྱད་བྱས་མཐར་འགན་ཡོད་ཚད་ངས་འཁུར་དགོས་པར་གཏན་ཁེལ་བྱས་ཡོད་པ་རྒྱུ་མཚན་དུ་བྱས་ནས་ངའི་རེ་བ་དང་ལེན་མ་བྱས། དེ་བས། འདིར་ཁྱེད་བཅའ་ཁྲིམས་བློ་སྟོན་ཁང་ལ་འདྲི་རྒྱུ་ཞིག་ནི་དོན་དངོས་སུ་རྟ་མགྲིན་ལ་འགན་ཡོད་མེད་ཐད་དྲང་བདེན་གྱི་ལན་ཞིག་གདབ་པར་འཚལ། ཞེས་རྒྱ་མཚོ་ནས།
ཁྲིམས་རོགས་པའི་དཔྱད་བརྗོད།
             ཁྱོད་ཀྱིས་རྟ་མགྲིན་གྱི་གདན་ཞུ་ལྟར། ཁོ་ལ་རོགས་བྱས་ཏེ་རླངས་འཁོར་སྐོར་ནས་འགྲུལ་བ་བསྐྱལ་ཡང་། ཁོའི་ལག་ནས་གླ་ཆ་ཅི་ཡང་བླངས་མེད་པས། ཁྱོད་དང་ཁོ་གཉིས་བར་དུ་ལས་རོགས་བྱས་པའི་འབྲེལ་བ་གྲུབ་ཡོད། 《ཆེས་མཐོ་མི་དམངས་ཁྲིམས་ཁང་གིས་མི་ལུས་ལ་གནོད་འཚེ་སྐྱིན་ཚབ་གྱོད་དོན་ཞིབ་བཤེར་བྱེད་དུས་བཀོལ་བའི་བཅའ་ཁྲིམས་ཀྱི་གནད་དོན་འགྲེལ་བཤད།》ཀྱི་དོན་ཚན་14པའི་ཚན་པ་དང་པོའི་གཏན་ཁེལ་ལྟར་ན། ལས་རོགས་བྱེད་མཁན་གྱིས་ལས་རོགས་བྱེད་པའི་གོ་རིམ་ཁྲོད་རང་ཉིད་ཀྱི་མི་ལུས་ལ་གནོད་འཚེ་ཐེབས་ན། ལག་རོགས་བྱེད་དུ་འཇུག་མཁན་གྱིས་སྐྱིན་ཚབ་འགན་འཁྲི་འཁུར་འོས། ཁྱོད་ཀྱིས་ལག་རོགས་བྱེད་པའི་གོ་རིམ་ཁྲོད་འགྲིམ་འགྲུལ་དོན་རྐྱེན་བྱུང་སྟེ་རྨས་སྐྱོན་ཕོག་པས། ལག་རོགས་བྱེད་དུ་འཇུག་མཁན་ཏེ་རྟ་མགྲིན་གྱིས་སྐྱིན་ཚབ་ཀྱི་འགན་འཁུར་འོས། ཡིན་ཡང་འདིའི་ཁྲོད་དུ་གནད་དོན་ཞིག་ཡོད་པ་ནི། གལ་ཏེ་གནོད་འཚེ་དེ་ཁྱོད་རང་སྟེང་གི་ནོར་འཁྲུལ་ལས་བཟོས་པ་ཡིན་ན། རྟ་མགྲིན་གྱི་སྐྱིན་ཚབ་འགན་འཁྲི་འོས་འཚམས་ཀྱིས་ཇེ་ཡང་དུ་བཏང་ཆོག ཡང་བཅའ་ཁྲིམས་དེའི་དོན་ཚན་གཉིས་པའི་ཚན་པ་གཉིས་པའི་ནང་གཏན་ཁེལ་བྱས་པ་ལྟར་ན། གནོད་འཚེ་འཁེལ་ཡུལ་ལ་གནོད་འཚེ་ཡི་འབྱུང་ཡུལ་དང་དེ་ཇེ་དྲག་ཏུ་གཏོང་བར་བསམ་གཟས་པའི་ནོར་འཁྲུལ་ཡོད་ན། སྐྱིན་ཚབ་འོས་འགན་མིའི་སྐྱིན་ཚབ་འགན་འཁྲི་ཇེ་ཡང་དང་མེད་པར་བཏང་ཆོག ཐེངས་འདིའི་འགྲིམ་འགྲུལ་དོན་རྐྱེན་གྱི་འགན་ཡོད་ཚད་ཁྱོད་ཀྱིས་འཁུར་དགོས་པ་འགྲིམ་འགྲུལ་ཉེན་རྟོག་པས་གཏན་ཁེལ་བྱས་འདུག དེ་བས། ཁྱོད་ལ་གནོད་འཚེ་བྱུང་བར་ནོར་འཁྲུལ་ཆེན་པོ་ཡོད་པས་སྐྱིན་ཚབ་འོས་འགན་མིའི་འགན་འཁྲི་ཇེ་ཡང་དུ་བཏང་ཆོག གོང་གི་གནས་ཚུལ་ལ་གཞིགས་ན་སྐྱིན་ཚབ་འོས་འགན་མི་སྟེ་རྟ་མགྲིན་གྱིས་ཁྱོད་ཀྱི་སྨན་ཡོན་གྱི་ཆ་ཤས་ཙམ་འགན་འཁུར་ན་ཆོག