“ནག་སེལ་གཤེད་བཅོམ”བྱས་ནས་གནོད་འཚེ་ཕོག་མཁན་ལ་མ་དངུལ་སྒོར་ཁྲི་20ལྷག་ཕྱིར་བསློགས་པ།
སྤེལ་དུས 2018-12-28
ཡོང་ཁུངས། བོད་ལྗོངས་ཉིན་རེའི་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
ཉིན་ཤས་གོང་། ལྷ་ས་གྲོང་ཁྱེར་སྤྱི་བདེ་ཅུས་ཀྱིས་ལྷ་སའི“ནག་སེལ་གཤེད་བཅོམ་དང་ལོག་སེལ་ཟིང་བཅོས”ཀྱི་ཆེད་དོན་འཐབ་རྩོད་ཀྱི་གཙོ་གནད་ཉེས་དོན་གྱོད་གཞིའི་མྱུལ་ཞིབ་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས་ཉེ་དུས་ཀྱི་གཙོ་གནད་ཉེས་དོན་གྱོད་གཞིའི་གྱོད་དཔེ་གསུམ་བརྡ་ཁྱབ་བཏང་བ་རེད།
ཡོངས་བསྒྲགས་ཚོགས་འདུར་ཟླ་9པ་ནས་བཟུང་། ལྷ་ས་སྤྱི་བདེས་བརྐུས་པའི་གྱོད་གཞི་124དང་། འཕྲོག་བཅོམ་གྱི་གྱོད་གཞི་3 གནོད་འཚེ་བཏང་བའི་གྱོད་གཞི་14བཅས་རྩད་ཆོད་པ་དང་གྱོད་འབྲེལ་མི་སྣ་256ཁྲིམས་ལྟར་ཐག་གཅོད་བྱས་པ་དང་། གློག་འཕྲིན་གྱི་ཁ་བསླུས་གྱོད་གཞི་4གཞོགས་འདེགས་ཀྱིས་རྩད་བཅད་ནས་བཟུང་བ། གྱོད་འབྲེལ་མ་དངུལ་སྒོར་ཁྲི་80ལྷག་ཙམ་གཏོང་སྤྲོད་མཚམས་འཇོག་དང་། སྒོར་ཁྲི་301བཀག་འཇོག་བྱས་པ། གནོད་འཚེ་ཕོག་མཁན་ལ་མ་དངུལ་སྒོར་ཁྲི་20ལྷག་ཕྱིར་བསློགས་ཏེ་ལྷ་ས་གྲོང་ཁྱེར་གྱི་སྤྱི་ཚོགས་ཀྱི་བདེ་འཇགས་ཁོར་ཡུག་ཡག་པོ་ཞིག་བཏོད་ཡོད་ཅེས་བརྡ་ཁྱབ་བཏང་བ་རེད།