ཐའེ་ཧོ་ཐའེ་ཁྲིམས་རྩོད་པའི་ལས་དོན་ཁང་གིས་གན་འཇོག་མཛད་སྒོ་འཚོགས་པ།
སྤེལ་དུས 2018-12-29
ཡོང་ཁུངས། བོད་ལྗོངས་ཁྲིམས་ལུགས་ཚགས་པར།
རྩོམ་པ་པོ། ཚེ་རིང་གིས་བསྒྲིགས།
ཉིན་ཤས་གོང་། ཐའེ་ཧོ་ཐའེ(ལྷ་ས)ཁྲིམས་རྩོད་པའི་ལས་དོན་ཁང་དང་གྲོང་ཚོའི(གྲོང་ལྷན)བཅའ་ཁྲིམས་བློ་འདྲི་བའི་གན་འཇོག་མཛད་སྒོ་འཚོགས་ཤིང་། ལྷ་ས་གྲོང་ཁྱེར་ཁྲེང་ཀོན་ཆུས་དང་། སྟོད་ལུང་བདེ་ཆེན་ཆུས། ཆུ་ཤུར་རྫོང་། མལ་གྲོ་གུང་དཀར་རྫོང་བཅས་ཀྱི་གྲོང་ཚོའི(གྲོང་ལྷན)ཨུ་ལྷན་29ཡིས་ཁྲིམས་རྩོད་པའི་ལས་དོན་ཁང་དང《གྲོང་ཚོའི(གྲོང་ལྷན)ཁྲིམས་རྩོད་ཇུས་འདྲི་ཁང་གི་ཞབས་ཞུའི་གྲོས་མཐུན》ལ་མིང་རྟགས་བཀོད་པ་རེད།
གན་འཇོག་མཛད་སྒོར་ཐའེ་ཧོ་ཐའེ(ལྷ་ས)ཁྲིམས་རྩོད་པའི་ལས་དོན་ཁང་གི་འགན་འཁུར་བས། ཁྲིམས་རྩོད་པའི་ཆེད་ལས་ཀྱི་ལེགས་ཆ་འདོན་སྤེལ་གང་ལེགས་བྱས་པ་དང་གྲོང་ཚོར(གྲོང་ལྷན)བཅའ་ཁྲིམས་ཀྱི་ལས་དོན་ཐག་གཅོད་ཧུར་ཐག་བྱེད་རོགས་བྱས་ནས། གྲོང་ཚོར(གྲོང་ལྷན)“ཐག་ཉེ་ས་ནས”བཅའ་ཁྲིམས་ཀྱི་ཞབས་འདེགས་ཞུས་ཏེ། ལྷ་ས་གྲོང་ཁྱེར་གྱི་སྤྱི་པའི་བཅའ་ཁྲིམས་ཞབས་ཞུའི་མ་ལག་འཛུགས་སྐྱོང་ལ་སྔར་བས་ཤུགས་སྣོན་དང་སྤྱི་ཚོགས་བརྟན་ལྷིང་ལ་སྲུང་སྐྱོང་བྱས་ནས་ཞི་མཐུན་གྱི་ལྷ་ས་དང་། ཁྲིམས་སྐྱོང་གི་ལྷ་ས། བདེ་སྐྱིད་ལྡན་པའི་ལྷ་ས་བཅས་སྐྲུན་ཆེད་ལེགས་སྐྱེས་ཧུར་ཐག་ཕུལ་ཞིང་།
འདི་ནི་ཐའེ་ཧོ་ཐའེ(ལྷ་ས)ཁྲིམས་རྩོད་པའི་ལས་དོན་ཁང་གི་འཐུས་མི་དང་གྲོང་ཚོའི(གྲོང་ལྷན)འཐུས་མིས་གན་འཇོག་མཛད་སྒོའི་ཐོག་མིང་རྟགས་འགོད་བཞིན་ཡོད་པ།