ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ། ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར།
ཀྲུང་གོའི་བོད་ལྗོངས་དྲ་བ། > མདུན་ཤོག > ཁྲིམས་གཞུང་མདའ་མོ།

སྒྲིག་སྲོལ་གསར་པ་ཁག་ཅིག་ཟླ་5པ་ནས་ལག་བསྟར་བྱ་རྒྱུ་རེད།

སྤེལ་དུས 2019-05-13 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ།
2019ལོའི་ཟླ་5པ་ནས་བཟུང་བཅའ་ཁྲིམས་དང་ཁྲིམས་སྲོལ་གསར་པ་ཁག་ཅིག་དངོས་སུ་ལག་བསྟར་བྱ་རྒྱུ་ཡིན་པ་རེད།
          རྒན་གསོའི་འགན་བཅོལ་ཚན་པའི་གྲོན་དངུལ་དེ་16%བར་ཆག་ཡང་གཏོང་རྒྱུ།

          《སྤྱི་ཚོགས་འགན་བཅོལ་གྲོན་དངུལ་གྱི་ཚད་དམའ་རུ་གཏོང་བའི་ཕྱོགས་བསྡུས་ཇུས་གཞིའི》ནང་དུ། 2019ལོའི་ཟླ་5ཚེས་1ཉིན་ནས་བཟུང་གྲོང་ཁྱེར་དང་གྲོང་རྡལ་གྱི་ལས་བཟོའི་གཞི་རྩའི་རྒན་གསོ་འགན་བཅོལ་ཚན་པའི་གྲོན་འཇལ་བསྡུར་ཚད་དམའ་རུ་གཏོང་རྒྱུ་དང་། མིག་སྔར་ཚན་པའི་གྲོན་འཇལ་བསྡུར་གྲངས་16%ལས་མཐོ་བའི་ཞིང་ཆེན་གྱིས་16%བར་ཆག་རྒྱུ་ཡིན་པ་ཁ་གསལ་བཏོན་ཡོད།
          དེ་དང་ཆབས་ཅིག་མུ་མཐུད་དུས་མཚམས་རང་བཞིན་གྱི་ལས་ཤོར་འགན་བཅོལ་དང་ལས་རྨས་འགན་བཅོལ་གྲོན་དངུལ་གྱི་ཚད་དམའ་རུ་གཏོང་རྒྱུ་ཡིན་པ་རེད། 2019ལོའི་ཟླ་5ཚེས་1ཉིན་ནས་བཟུང་ལས་ཤོར་འགན་བཅོལ་གྱི་གྲོན་དངུལ་བསྡོམས་འབོར་1%ལག་བསྟར་བྱེད་མཁན་ཞིང་ཆེན་གྱིས་ལས་ཤོར་འགན་བཅོལ་གྱི་གྲོན་དངུལ་ཚད་གཞི་དམའ་རུ་གཏོང་བའི་དུས་མཚམས་རང་བཞིན་གྱི་དུས་བཀག་ནས་2020ལོའི་ཟླ་4ཚེས་30ཉིན་བར་རིང་དུ་གཏོང་རྒྱུ་ཡིན་པ་དང་། 2019ལོའི་ཟླ་5ཚེས་1ཉིན་ནས་བཟུང་ལས་རྨས་འགན་བཅོལ་གྱི་གྲོན་དངུལ་ཚད་གཞི་དམའ་རུ་གཏོང་བའི་དུས་མཚམས་རང་བཞིན་གྱི་དུས་བཀག་ནས་2020ལོའི་ཟླ་4ཚེས་30ཉིན་བར་རིང་དུ་གཏོང་རྒྱུ་རེད།
          རྒྱལ་ཁབ་ཁྲལ་དོན་སྤྱི་ཁྱབ་ཅུས་ཀྱིས་ཟླ་5ཚེས་1ཉིན་ནས་བཟུང《ཀྲུང་གོའི་ཁྲལ་བསྡུའི་ཡུལ་མིའི་ཐོབ་ཐང་བདེན་དཔང་》ཞེས་པའི་འབྲེལ་ཡོད་དོན་ཚན་ལེགས་སྒྲིག་བྱ་རྒྱུ་ཡིན་པ།

          རྒྱལ་ཁབ་ཁྲལ་དོན་སྤྱི་ཁྱབ་ཅུས་དྲ་ཚིགས་ཐོག་གནས་ཚུལ་སྤེལ་བར་གཞིགས་ན། ཟླ་5ཚེས་1ཉིན་ནས་བཟུང《ཀྲུང་གོའི་ཁྲལ་བསྡུའི་ཡུལ་མིའི་ཐོབ་ཐང་བདེན་དཔང》ལེན་པའི་འབྲེལ་ཡོད་དོན་ཚན་ལེགས་སྒྲིག་བྱ་རྒྱུ་ཡིན་པ་དང་། གསར་དུ་བཟོ་བཅོས་བརྒྱབ་པའི་ཁྲལ་བསྡུའི་བཅའ་ཁྲིམས་ཀྱི་འབྲེལ་ཡོད་གཏན་འབེབས་གཞིར་བཟུང་། ཁྲལ་བསྡུའི་གྲོང་མི་མི་སྒེར་ས་ཁོངས་ནང་སྡོད་ཡུན་ལོ་གཅིག་ནས་ཉིན་183བར་ལེགས་སྒྲིག་བྱས་པ་རེད།
          《ཀྲུང་གོའི་ཁྲལ་བསྡུའི་ཡུལ་མིའི་ཐོབ་ཐང་བདེན་དཔང་》ནི་གཙོ་བོ་མངའ་ཁོངས་ནང་ཁུལ་གྱི་ཁེ་ལས་སམ་ཡང་ན་མི་སྒེར་གྱིས་ཕྱི་ཕྱོགས་སུ་མ་འཇོག་དང་། གཉེར་སྐྱོང་། ངལ་ལས་མཁོ་འདོན་བཅས་ཀྱི་བྱེད་སྒོ་སྤེལ་སྐབས། ཀྲུང་གོ་སྲིད་གཞུང་གིས་ཕྱི་ཕྱོགས་སུ་མིང་རྟགས་བཀོད་པའི་ཁྲལ་བསྡུའི་གྲོས་ཆོད་སྣ་ཚོགས་ཀྱི་ཐོབ་ཐང་ལོངས་སྤྱོད་བྱ་རྒྱུ་ཡོད་པས་མངའ་ཁོངས་ཕྱིའི་ཁྲལ་བསྡུའི་བཅའ་ཁྲིམས་ཀྱི་ཁྲལ་བསྡུའི་དབང་ཆར་ཚོད་འཛིན་བྱ་རྒྱུ་དེ་རེད། ར་སྤྲོད་ཡི་གེ་དེས“ཕྱིར་སྐྱོད་པའི”ཁེ་ལས་དང་མི་སྒེར་གྱི་མངའ་ཁོངས་ཕྱི་རོལ་གྱི་ཁྲལ་བསྡུའི་ཁུར་པོ་ནུས་ལྡན་ངང་ཆུང་དུ་གཏོང་ཐུབ་ཀྱི་ཡོད།
          ཁྲེང་ཏུའུ་རུ་ཟླ་5་པ་ནས་བཟུང་ཉེན་ཆེའི་ཟོག་རོ་འཚོ་བའི་གད་སྙིགས་ནང་བླུགས་ན་དངུལ་ཆད་མཐོ་ཤོས་སྒོར་འབུམ་1གཅོད་རྒྱུ་ཡིན་པ།

          གཏན་འབེབས་གསར་པར་གཞིགས་ན། ཁྲེང་ཏུའུ་གྲོང་ཁྱེར་གྱི་ལས་ཁུངས་དང་མི་སྒེར་ལས་བྱུང་བའི་འཚོ་བའི་གད་སྙིགས་རང་གིས་བསྡུ་རུབ་བྱས་ཏེ་གད་སྙིགས་བླུགས་སྣོད་ནང་རིགས་དབྱེ་ནས་འཇུག་དགོས་པ་མ་ཟད། གཏན་འབེབས་ལྟར་གད་སྙིགས་བསྡུ་རུབ་བྱ་ཡུལ་དུ་སྐྱེལ་དགོས་པ་དང་། གལ་ཏེ་ཉེན་ཆེའི་ཟོག་རོ་སོགས་བེད་མེད་ཟོག་རོ་གཞན་དག་འཚོ་བའི་གད་སྙིགས་ནང་བླུགས་ཚེ་མཐོ་ཤོས་ལ་སྒོར་འབུམ་1གི་དངུལ་ཆད་གཅོད་རྒྱུ་ཡིན་པ་རེད།
རྩོམ་སྒྲིག་པ། རིན་སྒྲོལ།