ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > མདུན་ཤོག > ཁྲིམས་གཞུང་མདའ་མོ།

རིན་གོང་ཆེད་གཅོག་ཚོང་རྗས་ལ་སྤུས་ཀའི་གནད་དོན་ཡོད་ན་ཕྱིར་སློག་བྱེད་ཆོག་གམ།

སྤེལ་དུས 2019-07-24 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ།
          ངས་ལྷམ་འཚོང་ཁང་ཞིག་ནས་རིན་གོང་ཆེད་གཅོག་བྱེད་ཀྱིན་པའི་ལུས་རྩལ་ལྷམ་ཞིག་ཉོས་པ་དང་། སྐབས་དེར་ཚོང་ཁང་ནང་དུ“རིན་གོང་ཆེད་གཅོག་ཚོང་རྫས་ཡིན་པས་ཕྱིར་སློག་བྱེད་མི་ཆོག”ཅེས་པའི་བརྡ་ཡིག་སྦྱར་འདུག འདིར་འདྲི་རྒྱུ་ཞིག་ནི་རིན་གོང་ཆེད་གཅོག་ཚོང་རྗས་ལ་སྤུས་ཀའི་གནད་དོན་ཡོད་ནའང་ཕྱིར་སློག་བྱེད་མི་ཆོག་པ་ཨེ་རེད།
          ཐོག་མར་རིན་གོང་ཆེད་གཅོག་ཚོང་རྫས་དང་རིན་བཅག་ཚོང་རྫས་གཉིས་ཀྱི་དབྱེ་བ་གསལ་པོར་འབྱེད་དགོས། རིན་གོང་ཆེད་གཅོག་ཚོང་རྫས་ཡིན་ན་ཚོང་རྫས་མ་གཞིའི་སྟེང་སྤུས་ཀའི་གནད་དོན་གང་ཡང་མེད་པར། ཚོང་བདག་གིས་ཚོང་སྐུལ་བྱེད་པའི་ཆེད་དུ་རིན་གོང་ཆེད་དུ་ཇེ་དམའ་རུ་བཏང་ནས་ཕྱིར་འཚོང་བྱེད་པའི་བྱེད་ཐབས་ཤིག་ཡིན་ལ། རིན་བཅག་ཚོང་རྫས་ནི་ད་གཟོད་ཚོང་རྫས་ཀྱི་སྤུས་ཀར་གནད་དོན་ཡོད་པ་དང་ཡང་ན་སྐྱོན་ཆ་ཡོད་པ་སོགས་ཀྱི་དབང་གིས་ཕྱིར་འཚོང་བྱེད་དཀའ་བའི་ཚོང་རྫས་ལ་གོ་བ་ཡིན།
          《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འཛད་སྤྱོད་པའི་ཁེ་དབང་སྲུང་སྐྱོབ་བཅའ་ཁྲིམས》ཀྱི་དོན་ཚན24པའི་ནང་དུ།“ཚོང་གཉེར་པས་འདོན་སྤྲོད་བྱས་པའི་ཚོང་རྫས་དང་ཞབས་ཞུ་སོགས་སྤུས་ཀའི་བླང་བྱ་དང་མི་མཐུན་ན། འཛད་སྤྱོད་པས་རྒྱལ་ཁབ་ཀྱི་གཏན་འཁེལ་དང་དོ་བདག་པའི་ཁ་ཆད་ལྟར་ཕྱིར་སློག་བྱེད་ཆོག་པ་དང་། ཡང་ན་ཚོང་གཉེར་པར་བརྗེ་སྤོ་དང་ཞིག་གསོ་བྱེད་པའི་འོས་འགན་འཁུར་དགོས་པའི་རེ་འདུན་བཏོན་ཆོག”པ་གཏན་འཁེལ་བྱས་ཡོད། རྒྱལ་ཁབ་ཀྱི་གཏན་འཁེལ་དང་དོ་བདག་པའི་ཁ་ཆད་གང་ཡང་མེད་ན། འཛད་སྤྱོད་པས་ཚོང་རྫས་ལག་ཏུ་འབྱོར་བའི་ཉིན་ནས་ཉིན7ནང་ཕྱིར་སློག་བྱེད་ཆོག 《སིལ་འཚོང་ཚོང་བའི་ཚོང་སྐུལ་བྱ་སྤྱོད་ལ་དོ་དམ་བྱེད་པའི་ཐབས་ལམ》གྱི་དོན་ཚན18པའི་ནང་དུ“སིལ་འཚོང་ཚོང་བས་ཚོང་སྐུལ་བྱེད་པར་ཁ་གཡར་ཏེ་ཕྱིར་སློག་དང་བརྗེ་སྤོ་མི་བྱེད་པ།ཡང་ན་འཛད་སྤྱོད་པའི་བརྗེ་སྤོ་དང་ཕྱིར་སློག་ལ་བཀག་འགོག་བྱེད་མི་ཆོག་པ”གཏན་འཁེལ་བྱས་ཡོད།
          དེ་བས་ཚོང་བདག་གིས་ཚོང་རྫས་ཕྱིར་འཚོང་བྱེད་པའི་སྐབས་སུ། ཚོང་རྫས་ལ་སྤུས་ཀའི་གནད་དོན་ཡོད་པའི་དབང་གིས་ད་གཟོད་རིན་གོང་བཅག་ནས་ཕྱིར་འཚོང་བྱེད་ཀྱིན་ཡོད་པ་གསལ་པོར་བཤད་ཡོད་ན་མ་གཏོགས། ཚོང་རྫས་དེར་སྔར་བཞིན་རྒྱུན་ལྡན་རིན་གོང་གི་ཚོང་རྗས་དང་འདྲ་བའི་སྤུས་ཀའི་འགན་སྲུང་ཡོད་དགོས་པ་དང་།“རིན་གོང་ཆེད་གཅོག་ཚོང་རྫས་ཡིན་པས་ཕྱིར་སློག་བྱེད་མི་ཆོག”ཅེས་པའི་བརྡ་ཡིག་དེ་ནི་ནུས་མེད་ཡིན་པས། ཚོང་རྫས་ལ་སྤུས་ཀའི་གནད་དོན་ཡོད་ན་ཕྱིར་སློག་བྱེད་ཆོག་གོ།
རྩོམ་སྒྲིག་པ། རྡོ་རྗེ།