ཏང་ཡོན་སློབ་གསོ་དོ་དམ་བྱ་བས་རྩ་དོན་གང་དག་བརྩི་སྲུང་བྱ་དགོས་སམ།
སྤེལ་དུས 2019-09-18
ཡོང་ཁུངས། མཚོ་སྔོན་བོད་ཡིག་གསར་འགྱུར།
རྩོམ་པ་པོ།
ཏང་ཡོན་སློབ་གསོ་དོ་དམ་བྱ་བས་གཤམ་གྱི་རྩ་དོན་འདི་དག་བརྩི་སྲུང་བྱ་དགོས་ཏེ།
(གཅིག) ཏང་གིས་ཏང་ལ་དོ་དམ་བྱེད་དགོས་པ་དང་། ཕྱོགས་ཡོངས་ནས་ཏང་ནན་གྱིས་སྐྱོང་བ་རྒྱུན་འཁྱོངས་བྱས་ཏེ། གཟབ་ནན་གྱི་བླང་བྱ་དེ་ཏང་ཡོན་སློབ་གསོ་དོ་དམ་བྱ་བའི་བརྒྱུད་རིམ་ཧྲིལ་པོ་དང་ཕྱོགས་སོ་སོར་དོན་ཐོག་ཏུ་འཁྱོལ་བར་བྱེད་པ་དང་། ཏང་ཡོན་མགོ་ཁྲིད་ལས་བྱེད་པས་སྣེ་ཁྲིད་ནས་སློབ་གསོ་དོ་དམ་དང་ལེན་བྱེད་དགོས།
(གཉིས) ཏང་གི་ཆབ་སྲིད་འཛུགས་སྐྲུན་དེ་སྤྱི་ཁྱབ་བཀོད་འདོམས་པ་རུ་འཛིན་པ་རྒྱུན་འཁྱོངས་བྱས་ནས། ཏང་གཤིས་སློབ་གསོ་དང་ཆབ་སྲིད་གཞུང་ལུགས་ཀྱི་སློབ་གསོ་འབུར་དུ་ཐོན་པར་བྱེད་པ་དང་། ཏང་ཡོན་གྱིས་ཏང་གི་སྒྲིག་ཡིག་དང་ཏང་གི་ལམ་སྲོལ། ཏང་གི་སྒྲིག་ཁྲིམས་བཅས་བརྩི་སྲུང་བྱེད་པར་ཁྲིད་སྟོན་བྱས་ཏེ། ཐོག་མའི་བསམ་འདུན་མི་བརྗེད་པར། འགན་འཁྲི་ཡིད་ལ་དམ་པོར་འཆང་དགོས།
(གསུམ) ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུ་བ་རྒྱུན་འཁྱོངས་བྱས་ནས། ཏང་ཡོན་སློབ་གསོ་དོ་དམ་གྱི་སྤུས་ཚད་དང་ཕན་འབྲས་དངོས་གཙིགས་འཛིན་བྱེད་དགོས་པ་དང་། ཏང་གི་རིགས་པའི་གཞུང་ལུགས་དང་ལམ་ཕྱོགས་བྱེད་ཕྱོགས་སྲིད་ཇུས། ཏང་ཀྲུང་དབྱང་གི་ཇུས་ཆོད་བཀོད་སྒྲིག་མཐའ་དག་ལག་ལེན་དངོས་འབེབས་བྱེད་པར་ཁག་ཐེག་བྱེད་དགོས།
(བཞི) དོན་དངོས་ལས་མགོ་རྩོམ་པ་རྒྱུན་འཁྱོངས་བྱས་ནས། རིགས་བགོས་མཛུབ་སྟོན་བྱེད་པར་ཤུགས་སྣོན་པ་དང་། ཏང་ཡོན་གྱི་གཙོ་གཞིའི་གོ་གནས་ལ་བརྩི་འཇོག་བྱེད་དགོས་ཤིང་། ཏང་ཀྲི་པུའུ་ཡིས་ཐད་ཀར་ཏང་ཡོན་ལ་སློབ་གསོ་དང་དོ་དམ་དང་ལྟ་སྐུལ་བྱེད་པའི་ནུས་པ་གང་ལེགས་ཀྱིས་འདོན་སྤེལ་བྱེད་དགོས། །
རྩོམ་སྒྲིག་པ། བདེ་སྒྲོན།