ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས། 《གྲོང་གསེབ་བཅོས་སྐྱོང་ལ་ཤུགས་སྣོན་དང་ལེགས་སུ་གཏོང་རྒྱུའི་སྐོར་གྱི་མཛུབ་ཁྲིད་བསམ་འཆར》བཀྲམ་པ། ཞི་ཅིན་ཕིང་གིས་ཅིན་ཀྲེང་ཨེན་དང་གྲོས་མོལ་གནང་བ། ཞི་ཅིན་ཕིང་ཅིན་ཀྲེང་ཨེན་གྱིས་བཤམས་པའི་དགའ་བསུ་ཞུ་བའི་གསོལ་སྟོན་ལ་ཕེབས་པ། ལི་ཁེ་ཆང་གིས་ཨོ་སི་ཁྲུ་རི་ཡའི་ཙུང་ལི་ཁུའུ་ཨར་ཚི་དང་གྲོས་མོལ་མཛད། པདྨ་ཚེ་བརྟན་དང་ཁོའི《ལག་དམར》ཅེས་པའི་གློག་བརྙན་དེ་རྒྱལ་ཡོངས་ནས་དངོས་སུ་བསྟན། འཛམ་གླིང་ཐོག་གི་ས་བབ་མཐོ་ཤོས་ཀྱི་ཕུག་ལམ་རིང་ཤོས་སུ་རླངས་འཁོར་ཤར་གཏོང་ཐུབ་པ། སྐབས་གཉིས་པའི་རྒྱུད་གཅིག་ལམ་གཅིག་གི་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་ཀྱི་སྒྲོག་སྒོར་དབུ་ཚོགས་འཚོགས་པ་དང་། ཞི་ཅིན་ཕིང་གིས་གཙོ་སྐྱོང་གནང་བ་མ་ཟད་ཤིས་ཚིག་གནང་བ། ཞི་ཅིན་ཕིང་གིས་དབྱི་ཊ་ལིའི་ཙུང་ལི་ཁུང་ཐེ་དང་མཇལ་འཛོམས་གནང་བ། “རྒྱུད་གཅིག་ལམ་གཅིག”གི་སྐོར་གླེང་སྐབས་བོད་ལྗོངས་མི་དམངས་ཀྱིས་ཅི་ཟེར་རམ། བོད་ལྗོངས་ཀྱི་དགེ་འདུན་པ་བཅུ་གཉིས་ལ་བོད་བརྒྱུད་ནང་བསྟན་དགེ་ལུགས་པའི་ཆེས་མཐོའི་མཚན་གནས་དགེ་བཤེས་ལྷ་རམས་པ་ཐོབ།
ཀྲུང་གོའི་བོད་ལྗོངས་དྲ་བ། > མདུན་ཤོག > ཁྲིམས་གཞུང་མདའ་མོ།

རི་སྐྱེས་སྲོག་ཆགས་སྲུང་སྐྱོབ་བཅའ་ཁྲིམས།

སྤེལ་དུས 2019-10-22 ཡོང་ཁུངས། ཁམས་པའི་གསར་འགྱུར་དྲ་བ། རྩོམ་པ་པོ།
          ལེའུ་དང་པོ། རི་སྐྱེས་སྲོག་ཆགས་སྲུང་སྐྱོབ་བཅའ་ཁྲིམས་ཀྱི་དགོས་པ།
          བཅའ་ཁྲིམས་འདི་ནི་རི་སྐྱེས་སྲོག་ཆགས་རྩ་ཆེན་དང་རི་སྐྱེས་སྲོག་ཆགས་འཇིག་ཉེན་ཆེ་བ་དག་སྲུང་སྐྱོབ་བྱ་ཆེད་དང་། རི་སྐྱེས་སྲོག་ཆགས་ཀྱི་ཐོན་ཁུངས་སྲུང་སྐྱོབ་དང་འཕེལ་རྒྱས། ལུགས་མཐུན་གྱིས་བེད་སྤྱོད། སྐྱེ་ཁམས་དོ་མཉམ་སྲུང་འཛིན་བཅས་ཀྱི་ཆེད་དུ་བཙུགས། རི་སྐྱེས་སྲོག་ཆགས་ཀྱི་ཐོན་ཁུངས་རྒྱལ་ཁབ་ལ་དབང་བ་དང་། རྒྱལ་ཁབ་ཀྱིས་ཁྲིམས་ལྟར་རི་སྐྱེས་སྲོག་ཆགས་ཀྱི་ཐོན་ཁུངས་གསར་སྤེལ་དང་བེད་སྤྱོད་བྱེད་པའི་ལས་ཁུངས་དང་མི་སྒེར་གྱི་ཁྲིམས་མཐུན་ཁེ་དབང་ལ་སྲུང་སྐྱོབ་བྱེད། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་འབངས་ལ་རི་སྐྱེས་སྲོག་ཆགས་ཀྱི་ཐོན་ཁུངས་སྲུང་སྐྱོབ་བྱ་རྒྱུའི་འོས་འགན་ཡོད་པར་མ་ཟད། རི་སྐྱེས་སྲོག་ཆགས་ཀྱི་ཐོན་ཁུངས་གང་འདོད་དུ་བདག་བཟུང་ངམ་གཏོར་སྐྱོན་བཏང་བའི་བྱ་སྤྱོད་དག་ཐེར་འདོན་དང་གཏུག་བཤེར་བྱ་རྒྱུའི་དབང་ཆ་ཡང་ཡོད།
          ལེའུ་གཉིས་པ། རི་སྐྱེས་སྲོག་ཆགས་སྲུང་སྐྱོབ།
          རྒྱལ་ཁབ་ཀྱི་རི་སྐྱེས་སྲོག་ཆགས་དང་རི་སྐྱེས་སྲོག་ཆགས་འཚོ་སའི་ཁོར་ཡུག་ལ་སྲུང་སྐྱོབ་བྱེད་ཅིང་ལས་ཁུངས་སམ་མི་སྒེར་སུ་ཞིག་ཡིན་ཡང་ཁྲིམས་དང་འགལ་ཏེ་སྲོག་ཆགས་རྔོན་པའམ་ཁོར་ཡུག་ལ་གཏོར་སྐྱོན་བྱ་མི་ཆོག རི་སྐྱེས་སྲོག་ཆགས་རྩ་ཆེན་དང་འཇིག་ཉེན་ཆེ་བའི་སྲོག་ཆགས་དག་རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོབ་བྱེད། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོབ་རིམ་པ་དང་པོ་དང་རི་སྐྱེས་སྲོག་ཆགས་སྲུང་སྐྱོབ་རིམ་པ་གཉིས་པ་བཅས་རིགས་གཉིས་སུ་བགར་ཡོད། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོབ་བྱེད་པའི་རི་སྐྱེས་སྲོག་ཆགས་ཀྱི་མིང་ཐོ་དང་དེ་བཅོས་སྒྲིག་བྱེད་པར་རྒྱལ་སྲིད་སྤྱི་ཁྱབ་ཁང་གི་རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ཀྱིས་གཏན་འབེབས་བྱ་དགོས་ཤིང་། རྒྱལ་སྲིད་སྤྱི་ཁྱབ་ཁང་ལ་ཕུལ་ཏེ་ཆོག་མཆན་བཀོད་རྗེས་སྤྱི་བསྒྲགས་བྱེད། རྒྱལ་ཁབ་བམ་ས་གནས་ཀྱིས་གཙོ་གནད་དུ་བཟུང་སྟེ་སྲུང་སྐྱོབ་བྱེད་པའི་རི་སྐྱེས་སྲོག་ཆགས་ཡོད་སའི་ཁོར་ཡུག་ལ་འཛུགས་སྐྲུན་རྣམ་གྲངས་གང་རུང་ཞིག་གིས་ཤུགས་རྐྱེན་མི་ལེགས་པ་ཐེབས་སྲིད་ཚེ། འཛུགས་སྐྲུན་ལས་ཁུངས་གང་དེས་ཁོར་ཡུག་ལ་ཤུགས་རྐྱེན་ཅི་ཐེབས་སྙན་ཞུ་ཡི་གེ་ཞིག་འབྲི་དགོས་ཤིང་། ཁོར་ཡུག་སྲུང་སྐྱོབ་ལས་ཁུངས་ཀྱིས་ཞིབ་བཤེར་དང་ཆོག་མཆན་འགོད་སྐབས་རིམ་པ་འདྲ་མཚུངས་ཡིན་པའི་རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ཀྱི་བསམ་འཆར་ཡང་བསྡུ་ལེན་བྱ་དགོས། གལ་སྲིད་རྒྱལ་ཁབ་བམ་ས་གནས་ཀྱིས་གཙོ་གནད་དུ་བཟུང་སྟེ་སྲུང་སྐྱོབ་བྱེད་པའི་སྲོག་ཆགས་དག་ལ་སྲུང་སྐྱོབ་བྱེད་ཆེད་ཞིང་ལས་ལོ་ཏོག་གམ་ཡང་ན་ཕྱོགས་གཞན་དག་ལ་གྱོང་གུད་བཟོས་ཚེ་ས་གནས་སྲིད་གཞུང་གིས་གྱོང་གུད་གང་བཟོས་པར་སྐྱིན་གསབ་སྤྲོད་དགོས། སྐྱིན་གསབ་བྱེད་ཐབས་ནི་ཞིང་ཆེན་དང་རང་སྐྱོང་ཁུལ་ལམ་ཡང་ན་ཐད་སྐྱོང་གྲོང་ཁྱེར་གྱི་སྲིད་གཞུང་གིས་གཏན་ཁེལ་བྱེད།
          ལེའུ་གསུམ་པ། རི་སྐྱེས་སྲོག་ཆགས་དོ་དམ།
          རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ཀྱིས་དུས་བཅད་ལྟར་རི་སྐྱེས་སྲོག་ཆགས་ཀྱི་ཐོན་ཁུངས་ལ་བརྟག་དཔྱད་བྱས་ཏེ་རི་སྐྱེས་སྲོག་ཆགས་ཀྱི་ཐོན་ཁུངས་ཀྱི་ཡིག་ཚང་བཟོ་དགོས། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་དག་རང་བསམ་དུ་རྔོན་པའམ་གསོད་མི་ཆོག ཚན་རིག་ཞིབ་འཇུག་དང་འདུལ་གསོ་རྒྱུད་སྤེལ། འགྲེམས་སྟོན་སོགས་ཀྱི་དགོས་པའམ་ཡང་ན་གནས་ཚུལ་དམིགས་བསལ་ཅན་བྱུང་སྟེ་རྒྱལ་ཁབ་ཀྱི་སྲུང་སྐྱོང་རིམ་པ་དང་པོའི་རི་སྐྱེས་སྲོག་ཆགས་རྔོན་པའམ་འཛིན་དགོས་བྱུང་ཚེ་ངེས་པར་དུ་རྒྱལ་སྲིད་སྤྱི་ཁྱབ་ཁང་གི་རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ལ་དམིགས་བསལ་རྔོན་ཆོག་ཡི་གེ་ཡར་ཞུ་བྱ་དགོས། རྒྱལ་ཁབ་ཀྱི་སྲུང་སྐྱོང་རིམ་པ་གཉིས་པའི་རི་སྐྱེས་སྲོག་ཆགས་རྔོན་པའམ་འཛིན་དགོས་བྱུང་ཚེ་ངེས་པར་དུ་ཞིང་ཆེན་དང་རང་སྐྱོང་ལྗོངས་སམ་ཡང་ན་ཐད་སྐྱོང་གྲོང་ཁྱེར་གྱི་རི་སྐྱེས་སྲོག་ཆགས་སྲིད་འཛིན་དོ་དམ་ལས་ཁུངས་ལ་དམིགས་བསལ་རྔོན་ཆོག་ཡི་གེ་ཡར་ཞུ་བྱ་དགོས། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པ་མིན་པའི་རི་སྐྱེས་སྲོག་ཆགས་རྔོན་འཛིན་བྱེད་པར་རྔོན་ཆོག་ཡི་གེ་ལེན་དགོས་པ་མ་ཟད་རྔོན་ཆོག་ཚད་གྲངས་ལས་བརྒལ་མི་རུང་།
          མེ་མདའ་བཟུང་སྟེ་རྔོན་འཛིན་བྱེད་ཚེ་ངེས་པར་དུ་རྫོང་ངམ་གྲོང་ཁྱེར་སྤྱི་བདེ་ལས་ཁུངས་ཀྱིས་དཔྱད་སྤྲོད་བྱས་པའི་མེ་མདའ་བཟུང་ཆོག་པའི་ཡི་གེ་ཡང་ལེན་དགོས། དམག་སྤྱོད་མཚོན་ཆ་དང་དུག་སྨན། འགད་རྫས་སོགས་སྤྱད་དེ་རྔོན་འཛིན་བྱ་མི་རུང་། རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་ཉོ་འཚོང་བྱ་མི་རུང་། ཕྱི་རྒྱལ་པས་ཀྲུང་གོའི་རྒྱལ་ཁོངས་སུ་རྒྱལ་ཁབ་ཀྱིས་གཙོ་གནད་དུ་བཟུང་སྟེ་སྲུང་སྐྱོང་བྱེད་པའི་རི་སྐྱེས་སྲོག་ཆགས་ལ་བརྟག་ཞིབ་བམ་གློག་བརྙན་ཕབ་པའམ་གཟུགས་ལེན་པ་སོགས་བྱེད་དགོས་ཚེ་ངེས་པར་དུ་རྒྱལ་སྲིད་སྤྱི་ཁྱབ་ཁང་གི་རི་སྐྱེས་སྲོག་ཆགས་སྲིད་འཛིན་དོ་དམ་གཙོ་གཉེར་ལས་ཁུངས་སམ་དེའི་དབང་ཆ་ལག་བསྟར་བྱ་ཆོག་པའི་ལས་ཁུངས་ཀྱི་ཆོག་མཆན་འཐོབ་དགོས། སྲོག་ཆགས་རྔོན་འཛིན་བྱེད་སྐབས་ཞིང་ལས་ལོ་ཏོག་སོགས་ལ་གྱོང་གུད་ཐེབས་ཚེ་རྔོན་མཁན་གྱིས་སྐྱིན་ཚབ་སྤྲོད་དགོས།།

རྩོམ་སྒྲིག་པ། བོ་དོང་བདེ་སྒྲོལ།