མཚོ་སྔོན་དུ་བ་སོ་ཉོ་ཚོང་གྱོད་གཞི་ཆེན་པོ་ཞིག་རྩད་ཆོད་པ།
སྤེལ་དུས 2020-01-06
ཡོང་ཁུངས། ཀྲུང་དབྱངས་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ཟླ1ཚེས3ཉིན། མཚོ་སྔོན་ཞིང་ཆེན་སྤྱི་བདེ་ཐིང་གིས་སྟོངས་ལ་ཉེ་བའི་རི་སྐྱེས་སྲོག་ཆགས་ལས་བཟོས་པའི་ཚོང་རྫས་ཕྱིར་འཚོང་གི་གྱོད་གཞི་ཆེན་པོ་ཞིག་ཁྱབ་བསྒྲགས་བྱས་ཡོད་པ་སྟེ། བ་སོའི་ཚོང་རྫས་195རྩད་ཆོད་པ་དང་གྱོད་འབྲེལ་དངོས་རྫས་ཀྱི་རིན་ཐང་སྒོར202328ཟིན་ཡོད་པ་རེད།
ཞིབ་བཤེར་བྱས་པ་བརྒྱུད་ཤེས་པར། དོགས་ཡོད་ཉེས་ཅན་གྱིས་རྩ་ཆེ་ཞིང་སྟོངས་ལ་ཉེ་བའི་རི་སྐྱེས་སྲོག་ཆགས་ལས་བཟོས་པའི་ཚོང་རྫས་འབོར་ཆེན་ཁྲིམས་འགལ་ངང་ཐེངས་མང་བོར་ཉོ་སྒྲུབ་བྱས་པ་དང་ཚོང་ཁང་ནང་ཕྱིར་འཚོང་བྱས་ནས་ཁེ་ཕན་བླངས། མི་དམངས་ཉེན་རྟོག་པས་འཛིན་བཟུང་བྱེད་པའི་བརྒྱུད་རིམ་ཁྲོད་ད་དུང་དོགས་ཡོད་ཉེས་ཅན་གྱི་སྡོད་གནས་སུ་དབུགས་མདའ་ཞིག་ཡོད་པ་རྩད་ཆོད།
ཟི་ལིང་གྲོང་ཁྱེར་མཁར་དཀྱིལ་ཆུས་མི་དམངས་ཁྲིམས་ཁང་གིས་རི་སྐྱེས་སྲོག་ཆགས་ལ་གནོད་འཚེ་བཏང་ནས་བཟོས་པའི་ཚོང་རྫས་ཁྲིམས་འགལ་ངང་ཉོ་སྒྲུབ་དང་ཕྱིར་ཚོང་བྱས་པའི་ཉེས་བསགས་མཁན་གཙོ་བོར་ལོ10ཡི་དུས་བཀག་བཙོན་འཇུག་དང་སྒོར་ཁྲི5ཡི་དངུལ་ཆད་བཅད་ལ། རྗེས་འབྲངས་ཉེས་ཅན་གཞན་དག་ལ་ལོ1ནས3བར་དུས་བཀག་བཙོན་འཇུག་དང་སྒོར་ཁྲི1ནས3བར་དངུལ་ཆད་བཅད།
རྩོམ་སྒྲིག་པ། བདེ་སྒྲོལ།