ཞིབ་བཤེར་བྱས་པ་བརྒྱུད། མཱ་ཆེ་གེ་མོས་དྲ་ཐོག་ཏུ“ལས་གནས་སུ་ལོག་ཆོག་པའི་ངོ་སྤྲོད་ཡི་གེ་ཚབ་གཉེར་དང་། མགྲོན་ཁང་དུ་ལོགས་སུ་སྡོད་དགོས་མེད་པ། ཞིབ་བཤེར་ས་ཚིགས་ནས་རྒྱུན་གཏན་ལྟར་འགྲོ་ཆོག་པ”བཅས་ཀྱི་ཆ་འཕྲིན་བསྐུར་བ་མ་ཟད། སྒེར་གྱིས“ལས་གནས་སུ་ལོག་ཆོག་པའི་ངོ་སྤྲོད་ཡི་གེའི”མ་དཔེ་རྫུན་བཟོ་བྱས་པ་དང་། ཁོ་པའི་རོགས་པས“བོད་ལྗོངས་ཚད་ཡོད་ཀུང་སི་ག་གེ་མོའི”ཐམ་ག་བརྒྱབ་ནས་ལས་གནས་སུ་ལོག་མཁན་གྱི་ལས་མི་10ལ་བཙོངས་པས་ཁེ་བཟང་སྒོར་350བྱུང་ཡོད།
ཟླ་3ཚེས་9ཉིན། རུ་ཆེན་དེས་ཁྲིམས་འགལ་བྱེད་སྤྱོད་སྤེལ་མཁན་མཱ་ཆེ་གེ་མོ་བཟུང་བ་དང་། ཁོ་པས་རང་གི་ཁྲིམས་འགལ་བྱེད་སྤྱོད་དག་ཁས་བླངས་པས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་ཆད་གཅོད་བཅའ་ཁྲིམས》ཀྱི་འབྲེལ་ཡོད་གཏན་འབེབས་གཞིར་བཟུང་། རིམས་ནད་སྔོན་འགོག་ཚོད་འཛིན་གྱི་ལས་དོན་མཇུག་འགྲིལ་རྗེས་མཱ་ཆེ་གེ་མོར་སྲིད་འཛིན་བཀག་ཉར་ཉིན་བཅུ་བྱ་རྒྱུ་རེད་འདུག
རྩོམ་སྒྲིག་པ། བདེ་སྒྲོལ།