ཉེ་ཆར་གྲོལ་བའི་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་རྒྱུན་ལས་ཨུ་ལྷན་གྱི་ཚོགས་འདུ་ཐེངས་ཉེར་གཉིས་པའི་ཐོག་རྒྱལ་དར་བཅའ་ཁྲིམས་དང་རྒྱལ་རྟགས་བཅའ་ཁྲིམས་ལ་བཟོ་བཅོས་བརྒྱབ་པ་རེད།
གསར་དུ་བཟོ་བཅོས་བརྒྱབ་པའི་རྒྱལ་དར་བཅའ་ཁྲིམས་དང་རྒྱལ་རྟགས་བཅའ་ཁྲིམས2021ལོའི་ཟླ1ཚེས1ཉིན་ནས་ལག་བསྟར་བྱ་རྒྱུ་ཡིན་པ།
གསར་དུ་བཟོ་བཅོས་བརྒྱབ་པའི་རྒྱལ་དར་བཅའ་ཁྲིམས་ནང་གཏན་འབེབས་བྱས་དོན།
རྒྱལ་སྟོན་དང་། རྒྱལ་སྤྱིའི་ངལ་རྩོལ་དུས་ཆེན། གནམ་ལོ་གསར་ཚེས། དཔྱིད་གསར་དུས་ཆེན་བཅས་དང་རྒྱལ་ཁབ་ཀྱི་རྩ་ཁྲིམས་ཉིན་མོ་སོགས་དུས་ཆེན་གལ་ཆེན་དང་། དྲན་གསོའི་ཉིན་མོར་རིམ་ཁག་རྒྱལ་ཁབ་ལས་ཁུངས་དང་མི་དམངས་ཚོགས་པ་ཁག་དང་དེ་བཞིན་ཐང་ཆེན་ཆེ་གྲས་དང་སྤྱི་གླིང་སོགས་སྤྱི་པའི་བྱེད་སྒོ་སྤེལ་ཡུལ་དུ་རྒྱལ་དར་སྒྲེང་དགོས་པ་དང་།
ཁེ་ལས་དང་བྱ་གཞག་རྩ་འཛུགས་དང་། གྲོང་ཚོ་ཨུ་ལྷན། གྲོང་མི་ཨུ་ལྷན། གྲོང་མིའི་སྒོ་ར(ཐོག་ཁང་དང་ཁུལ་ཆུང)བཅས་ཆ་རྐྱེན་ཡོད་པའི་ཁུལ་དུ་རྒྱལ་དར་སྒྲེང་དགོས་པ།
རལ་བ་དང་། དྲེག་པ་ཆགས་པ། ཚོས་གཞི་ལོག་པའམ་ཡང་ན་ཚད་གཞི་དང་མི་མཐུན་པའི་རྒྱལ་དར་སྒྲེང་བའམ་བེད་སྤྱོད་བྱས་མི་ཆོག་པ་དང་། རྒྱལ་དར་མགོ་རྟིང་ལོག་ནས་འགེལ་བ་དང་འཛུགས་པའམ་ཡང་ན་རྒྱལ་དར་གྱི་ལ་རྒྱར་གནོད་འཚེ་གཏོང་བའི་བྱེད་ཐབས་གཞན་དག་གི་ཐོག་ནས་རྒྱལ་དར་སྒྲེང་བའམ་བེད་སྤྱོད་བྱས་མི་ཆོག་པ་བཅས་རེད།
གསར་དུ་བཟོ་བཅོས་བརྒྱབ་པའི་རྒྱལ་དར་བཅའ་ཁྲིམས་ནང་ཁ་གསལ་བསྟན་དོན།
རྒྱལ་དར་དང་དེ་བཞིན་དེའི་པར་རིས་ཚོང་རྟགས་དང་། ཁེ་བེད་བདག་དབང་སྤྲད་པའི་ཕྱིའི་ཇུས་འགོད་དང་ཚོང་ལས་ཀྱི་བརྡ་ཁྱབ་ལ་སྤྱོད་མི་ཆོག་པ་དང་། མི་སྒེར་གྱི་གཤིན་པོ་དུར་འཇུག་བྱེད་སྒོ་སོགས་འཚམ་པོ་མེད་རིགས་ལ་སྤྱོད་མི་ཆོག་པ།
གསར་དུ་བཟོ་བཅོས་བརྒྱབ་པའི་རྒྱལ་རྟགས་བཅའ་ཁྲིམས་ནང་ཁ་གསལ་བསྟན་དོན།
སྤྱི་དམངས་ཀྱིས་སྒམ་བརླིང་ལྡན་པའི་བྱེད་སྒོ་སྤེལ་ཡུལ་དུ་རྒྱལ་རྟགས་ཀྱི་རྟགས་མ་བཏགས་ནས་རྒྱལ་གཅེས་བརྩེ་སེམས་མཚོན་ཆོག་གི་ཡོད།
གསར་དུ་བཟོ་བཅོས་བརྒྱབ་པའི་བཅའ་ཁྲིམས་གཉིས་པོར་གཞིགས་ཏེ། རྒྱལ་དར་དང་རྒྱལ་རྟགས་དེ་རྒྱལ་གཅེས་རིང་ལུགས་སློབ་གསོའི་ནང་དོན་གལ་ཆེན་ཞིག་ཏུ་བརྩིས་ནས་སློབ་གྲྭ་འབྲིང་ཆུང་གིས་སློབ་མར་རྒྱལ་དར་དང་རྒྱལ་རྟགས་ཀྱི་ལོ་རྒྱུས་དང་བསམ་པའི་ནང་དོན་ཤེས་རྟོགས་བྱེད་པའི་སློབ་གསོ་རྒྱག་དགོས།