ཧྥ་རན་སེའི་ཙུང་ཐུང་མཱ་ཁེ་ལུང་གིས་དེ་རིང་ནས་བཟུང་རང་རྒྱལ་ལ་རྒྱལ་དོན་འཚམས་འདྲི་བྱེད་པ། ཚོགས་ཆེན་བཅུ་དགུ་པའི་དགོངས་དོན་བགྲོ་གླེང་འཛིན་གྲྭ་སློབ་འགོ་ཚུགས་པ། བོད་སྐྱོད་འབུམ་རམས་པའི་ཞབས་ཞུ་ཚོགས་པས་མུ་མཐུད་རིག་སྟོབས་རོགས་སྐྱོར་བྱས་པ། བོད་ལྗོངས་ཀྱི་གཞོན་ནུ་ལོ་ཆུང་གི་ཚན་རིག་ལས་དོན་ཁང་ཐོག་མ་ལྷ་སར་བཙུགས་པ། བོད་ཀྱིས་རང་སྐྱོང་ལྗོངས་རིམ་པའི་མངོན་མིན་རིག་གནས་ཤུལ་བཞག་རྣམ་གྲངས་བརྒྱ་ལྷག་ཙམ་གསར་དུ་བསྣན་པ། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“ངོ་རིས་བཤེར་ནས་དངུལ་ལེན་པའི”བྱེད་ནུས་བཏོན་པ། ཀྲུང་དབྱང་གི་ཁོར་ཡུག་སྲུང་སྐྱོབ་སྐོར་ཞིབ་རུ་ཁག་ཨང་དྲུག་པས་བོད་ལྗོངས་ལ་གྱོད་དོན་༡༧བརྒྱུད་སྤྱོད་བྱས། བོད་ལྗོངས་ཀྱི་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་ལ་གྲུབ་འབྲས་མངོན་གསལ་དོད་པོ་ཐོབ་པ། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།
ཀྲུང་གོའི་བོད་ལྗོངས་དྲ་བ། > མདུན་ཤོག > གསོ་རིག་ཀུན་ཕན།

མིག་ནད་སྐོར་གྱི་ནད་རྟགས།

སྤེལ་དུས 2018-01-09 ཡོང་ཁུངས། མཚོ་སྔོན་བོད་ཡིག་གསར་འགྱུར། རྩོམ་པ་པོ། མི་གསལ།
1.མིག་ཆུའི་ནད་ལ་རྟགས་ག་འདྲ་ཡོད།  
          མིག་ཆུའི་རླུང་གྱུར་གྱི་ནད་ལ་མཆི་མ་འཛག་ཅིང་རྡུལ་གྱིས་གང་བ་བཞིན་མིག་འབྱེད་འཛུམ་དཀའ་ཞིང་ཡང་ན་དུས་མེད་དུ་འབྱེད་འཛུམ་བྱེད།ཆུ་དང་བད་ཀན་ཁྲག་རྣག་གྲ་འཚམས་འཛག མཁྲིས་པའི་དབང་དུ་མིག་སྐྱིབས་ཚ་དམར་དུ་འགྱུར་ཞིང་འབྲུམ་ཕྲན་གྱིས་ཁྱབ། གཞན་གཡའ་ཞིང་སྐྲངས་ལ་ཆུ་སེར་རྣག་བཅས་འཛག མིག་ཆུའི་ནད་ཁྲག་གྱུར་བྱུང་ན་མིག་ལ་ཟུག་ཆེ་ཞིང་འབྲུམ་ཕྲན་དམར་པོས་ཁྱབ།བད་ཀན་ལས་གྱུར་ན་འབྲུམ་ཕྲན་དཀར་པོས་གང་ཞིང་མིག་ནང་དུ་འབྱར་ཞིང་གཡའ་ལ་ཟུག་གཟེར་ཆུང་བ། འདུས་གྱུར་མིག་ནད་རྫི་མ་ནང་དུ་ཟུག་ཅིང་ཚ་སྐྲངས་མིག་ཆུ་འཛག་པ་དང་མིག་ཆུ་འབྱར།སྲིན་གྱུར་སྲིན་བུ་སུབ་འདོད་གཡའ་བ་འབྱུང་།
2.མིག་ནད་སྐམ་ཚག་ལ་ནད་རྟགས་ག་འདྲ་ཡོད།
          མིག་ནད་སྐམ་ཚག་གཙོ་བོ་མིག་སྐམ་ཞིང་རྩུབ་ལ་ཚ་བ།ལྷག་པར་རླུང་དང་བསེར་བུ་ལ་གནོད།དམར་ཞིང་ཚ་ལ་ཉི་མར་བལྟ་མི་བཟོད་མིག་ནང་དུ་མཆི་མས་ཁེངས། གདུང་བའི་མིག་ནད་རླུང་གྱུར་ལྡང་དུབ་བྱེད་པ་དང་མིག་ནང་དུ་རྡུལ་གྱིས་གང་སྙམ་བྱེད།མགོ་འཁོར་ཞིང་རྣ་བ་འུར་ལ་མིག་སྐྱིབས་དམར་པོ་སྐྲངས་པ། མཁྲིས་གྱུར་ཚ་སྐྲངས་དམར་འདྲུལ་སེར་པོ་མཐོང་།མེ་མདག་གཏོར་སྙམ་འཛེར་ཐབས་ཁྱབ་པ་ཡིན།ཁྲག་དུ་གྱུར་ན་མིག་ཤིན་ཏུ་ན་ཞིང་རེག་མི་བཟོད་པ་དང་མེ་དང་ཉི་མར་བལྟ་མི་ཐུབ།གཞན་གཡའ་ཞིང་སྐྲངས་ལ་མིག་གི་འབྲས་བུ་ཞུ་སོ་དང་མུར་འགྲམ་མཁུར་ཚོས་མགོ་བོ་ན་ཞིང་རིབ་ཚབས་ཆེ།
3.མིག་ནད་ལིང་ཐོག་གི་ནད་རྟགས།
          མིག་ནད་ལིང་ཐོག་ནི་མིག་འབྲས་དཀར་ནག་གི་སྟེང་དུ་རླུང་དུ་གྱུར་ན་སྔོ་ཞིང་སྲབ་ལ་ཐོག་ལེ་གསེར། ཁྲག་གྱུར་མཚོན་གྱིས་གཙེས་འབྱུང་དམར་པོ་འོང་།བད་ཀན་ལས་འབྱུང་མཐུག་ཞིང་སྐྱ་བས་གཡོགས།མིག་ལ་ཟུག་ཆེ་ཞིང་རྩུབ་ལ་མཆི་མ་འབྱུང་། མཐོང་བྱེད་རྒྱལ་མོའི་སྟེང་ཟངས་གཟེར་འདྲ་བ་བྱུང་ན་གསོ་དཀའ།
4. མིག་ནད་རབ་རིབ་ཀྱི་ནད་རྟགས།
          མིག་ནད་རབ་རིབ་ནི་དང་པོ་རེ་གསལ་རེ་མི་གསལ་རིམ་བཞིན་ཐག་རིང་ཆུང་མི་མཐོང་། ཉེ་ཞིང་གཟིར་བལྟས་ལེགས་མཐོང་གོ་ལྡོག་སྣང་། སྟེང་འོག་གཡས་གཡོན་ཉེ་རིང་ལོགས་མི་གསལ་བ་དང་མིག་མདུན་དུ་བ་རབ་རིབ་སྐྲ་ཤེད་འདྲ་འབྱུང་། གཞན་སྦྲང་བུ་འོད་མཐོང་གཟུགས་ཀུན་གཡོ་བར་སྣང་།
མཁྲིས་གྱུར་གློག་དང་མེ་སྒྲོན་རྨ་བྱའི་སྒྲོ།ཁྲག་གྱུར་དམར་ལ་བད་ཀན་མུན་འཐིབས་འགྱུར། རས་ཀྱིས་མིག་བཀབ་པ་ལྟར་མཐོང་མི་གསལ། རྒྱལ་མོ་ཁེབས་ཏེ་ལོང་བར་འགྱུར་བ་ཡིན་ལ་སྲོད་ལོང་ནག་པོའི་ལང་ལིང་ཁེབས། ཤ་ལྷག་སྐྱ་བོ་ཟུག་ཆུང་དལ་བུས་སྐྱེས་པ་དང་ཤ་འཛེར་ར་རིལ་ལྟ་བུར་དམར་ལ་འབུར། མདོག་ནག་རྒྱ་ཆེ་མཐུག་པ་ཡིན།
5.མིག་ནད་སྔོ་རིབ་ཀྱི་ནད་རྟགས།
          མིག་ནད་སྔོ་རིབ་སྒོང་སྤྲིས་ལྟ་བུས་ཁྱབ་པ་དང་ལིང་རོ་སྲབ་དང་མཐུག་པས་སྒྲིབས། ཆུ་འཁྲགས་མཚོ་གཉིས་འདྲེས་ཏེ་སྣག་ཚ་འདྲ། རྒྱལ་མོའི་རྩ་མདངས་ཉམས་པས་ནག་སང་འོང་། རླུང་འགྲིབས་ཉི་མ་མཁྲིས་འགྲིབས་འུག་མིག་དང་འདྲ་བའོ། །