གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ། ལོ་རྒྱུས་ཡུན་རིང་ལྡན་པའི་ཞོ་ལེགས་ཀྱི་བོད་ཤོག བོད་ལྗོངས་གཞིས་རྩེས་གླུ་ལེན་གར་འཁྲབ་ཀྱིས་གནམ་ལོ་གསར་པ་བསུ་བ། ལྕགས་ལམ་སྡེ་ཁག་གིས་སྦྲེལ་མཐུད་དྲ་བ་བརྒྱུད་ནས་ཟས་རིགས་མངག་ཉོའི་ཞབས་ཞུ་རིམ་སྤོར་བྱས་ཏེ། མེ་འཁོར་མ་བསྐོར་གོང་གི་ཆུ་ཚོད་གཅིག་གི་སྔོན་དུ་མངག་ཉོ་བྱས་ཆོག་པ། ལྷ་སའི་ཚོགས་འདུ་གཉིས། ལྷ་ས་གྲོང་ཁྱེར་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པར་གྲོས་གཞི་106འབྱོར།
ཀྲུང་གོའི་བོད་ལྗོངས་དྲ་བ། > མདུན་ཤོག > གསར་འགྱུར་མེ་ལོང་།

མངའ་རིས་རྩ་མདའ་རྫོང་གིས་གནའ་བོའི་བང་སོ་བཅུ་ལྷག་མྱུར་སྐྱོབ་རང་བཞིན་གྱི་སྔོག་འདོན་བྱས་པ།

སྤེལ་དུས 2018-08-14 ཡོང་ཁུངས། མི་དམངས་དྲ་བ། རྩོམ་པ་པོ། སངས་སྐྱབས་ཀྱིས་བསྒྲིགས།
            མི་དམངས་དྲ་བའི་འཕྲིན། གསར་འགོད་པས་མངའ་རིས་རྩ་མདའ་རྗོང་རིག་དངོས་ཅུས་ནས་ཤེས་རྟོགས་བྱུང་བར་གཞིགས་ན། རྨང་འཛུགས་ཞིབ་དཔྱད་འཚོལ་ཞིབ་བྱེད་པར་རོགས་འདེགས་བྱ་ཆེད། རྩ་མདའ་རྫོང་རིག་དངོས་ཅུས་ཀྱིས་དེ་སྔོན་རྩ་མདའ་རྫོང་ཁོངས་སུ་གསར་དུ་རྙེད་པའི་གནའ་བོའི་བང་སོ་10ལ་མྱུར་སྐྱོབ་རང་བཞིན་གྱི་སྔོན་འདོན་བྱས་ནས། རྫ་ཆས་དང་ཤེལ་ཕྲེང་སོགས་རིག་དངོས་རྩ་ཆེན་ཁག་ཅིག་ས་འོག་ནས་ཐོན་ཡོད།
            ངོ་སྤྲོད་བྱས་པར་གཞིགས་ན། གནའ་བོའི་བང་སོ་གཉིས་ནི་བོད་ལྗོངས་མངའ་རིས་རྩ་མདའ་རྫོང་གླང་ཆེན་ཁ་འབབ་ཀྱི་ཆུ་སྟོད་དང་ཆུ་སྐེད་ཀྱི་ས་ཁོངས་སུ་ཡོད་ཅིང་། མངའ་རིས་ཀྱི་རྨང་གཞི་འཛུགས་པའི་ཨར་ལས་ལས་ཁུངས་གཉིས་ཀྱིས་ལས་ཀའི་ཁྲོད་རྙེད་པ་རེད། གོང་རིམ་དང་འབྲེལ་ཡོད་རིག་དངོས་ཚན་པར་སྙན་སེང་ཞུས་རྗེས། 2017ལོའི་ལོ་མཇུག་ཏུ་རྩ་མདའ་རྫོང་རིག་དངོས་ཅུས་ཀྱི་ལས་དོན་མི་སྣ་སྔ་རྗེས་སུ་ཡུལ་གཉིས་ཀར་བསྐྱོད་ནས། དུས་ཡུན་ཟླ་གཉིས་ལ་ཉེ་བའི་མྱུར་སྐྱོབ་རང་བཞིན་གྱི་སྔོག་འདོན་དང་སྲུང་སྐྱོང་གི་ལས་ཀ་བསྒྲུབས་ཡོད།
            རྩ་མདའ་རྫོང་རིག་དངོས་ཅུས་ཅུས་ཀྲང་བློ་བསྟན་གྱིས་གསར་འགོད་པར། “ས་ཆ་གཉིས་ནས་སོ་སོར་རྫ་ཆས་དང་། ཟངས་ཆས། ཤེལ་ཕྲེང་། གསེར་ཆས་སོགས་ཅ་དངོས་60ལྷག་ཐོན་ཡོད། རིག་གཅིག་མཁས་ཅན་གྱིས་ཡུལ་དངོས་ཀྱི་གནའ་བོའི་བང་སོའི་བཟོ་དབྱིབས་དང་སྔོག་འདོན་བྱེད་པའི་ཅ་དངོས་ལ་གཞིགས་ན། ད་ཐེངས་ཀྱི་བང་སོ་དང་རིག་དངོས་དེ་དག་ནི་དེ་སྔོན་མངའ་རིས་ས་ཁོངས་ནས་གནའ་རྫས་རྟོགས་ཞིབ་སྔོག་འདོན་བྱས་ཤིང་ད་བར་ལོ་ངོ་2000ཙམ་ཡོད་པའི་བང་སོའི་རིག་གནས་ཀྱི་དུས་རབས་དང་ཐག་ཉེ་པོ་རེད”ཟེར།
            གསར་འགོད་པས་ཤེས་རྟོགས་བྱུང་བར་གཞིགས་ན། མིག་སྔར་ད་ཐེངས་གསར་དུ་རྙེད་པའི་རིག་དངོས་ཀྱི་ཞིབ་དཔྱད་ཚད་ལེན་དམར་དཔེ་ནི་བོད་རང་སྐྱོང་ལྗོངས་རིག་དངོས་སྲུང་སྐྱོང་ཞིབ་འཇུག་ཁང་ལ་གསལ་འབྱེད་བྱེད་པར་བསྐྱལ་ཟིན། དེ་དང་དུས་མཚུངས་སུ་རིག་དངོས་སྡེ་ཁག་གིས་བང་སོ་ཁ་ཤས་ས་བརྒྱངས་ནས་སྲུང་སྐྱོང་དང་རྒྱལ་ཁབ་རིག་དངོས་ཅུས་ཀྱིས་ཆོག་མཆན་ཐོབ་པ་བརྒྱུད། ད་ལོའི་ཟླ་7པ་ནས་བཟུང་མངའ་རིས་མཉམ་འབྲེལ་གནའ་རྫས་རྟོགས་ཞིབ་ཚོགས་པས་དེའི་ཁྲོད་ཀྱི་བང་སོ་གཅིག་ལ་རིམ་གྱིས་གནའ་རྫས་རྟོགས་ཞིབ་སྔོག་འདོན་བྱེད་ཀྱིན་ཡོད།
            བོད་རང་སྐྱོང་ལྗོངས་རིག་དངོས་ཞིབ་འཇུག་ཁང་གི་ཞིབ་འཇུག་པ་གཞོན་པ་ཤར་རྒན་དབང་འདུས་ལགས་ཀྱིས། “ད་ཐེངས་གསར་དུ་རྙེད་པའི་བང་སོ་འདི་དག་མངའ་རིས་ལ་རྒྱུས་ལོན་དང་ལྷག་པར་དུ་གླང་ཆེན་ཁ་འབབ་ཆུ་རྒྱུད་ཀྱི་ལྟེ་བ་བྱེད་པའི་ནུབ་རྒྱུད་མངའ་རིས་ཀྱི་སྔ་མའི་ཤེས་རིག་འཕེལ་རིམ་ལ་ཅ་དངོས་དཔྱད་གཞི་གལ་ཆེན་མཁོ་འདོན་བྱས་ཡོད། ང་ཚོས་མུ་མཐུད་དུ་ཐེངས་འདིར་གསར་དུ་རྙེད་པའི་གནའ་རྫས་དཔྱད་གཞི་དག་ལ་འཆར་གཞི་ཡོད་པའི་སྒོ་ནས་ཚན་རིག་དང་མཐུན་པའི་སྔོག་འདོན་བྱ་རྒྱུ་ཡིན”ཟེར།
            རྩ་མདའ་རྫོང་ནི་བོད་ལྗོངས་མངའ་རིས་ས་ཁུལ་ལྷོ་ཕྱོགས་ཀྱི་གླང་ཆེན་ཁ་འབབ་ཀྱི་ཆུ་རྒྱུད་དུ་གནས་ཡོད་ཅིང་། ཆ་སྙོམས་ས་བབ་མཐོ་ཚད་སྨི་4000ཡས་མས་ཡིན་ཞིང་། དེའི་ཁོངས་སུ་རྒྱལ་ཁབ་ས་གཤིས་སྤྱི་གླིང་གྲགས་ཆེན་རྩ་མདའི་དྲུ་རོང་དང་གུ་གེའི་གནའ་ཤུལ། མཐོ་ལྡིང་དགོན་སོགས་རྒྱལ་ཡོངས་གཙོ་གནད་རིག་དངོས་སྲུང་སྐྱོང་སྡེ་ཚན་དག་ཡོད།